JAKOBUS 1:9 - BIBEL JAMITA NA DENGGAN

⁹ Sanga ise halak Kristen na pogos, jop ma rohania muda dipagincat Debata ia.

JAKOBUS 1:9 ပူးပေါင်းရင်းမြစ်များ

MASMUR 62:9

Anggo jolma sangombus hosa do i na godang sanga na menek rap na so mararga do i. Muda nitimbang, tardapot ma halahi na nayang, numayang sian sangombus hosa.

PODA 17:5

Sanga ise na manyosak halak na pogos, pabilehon Debata na manompasa. Sanga ise na marmoga-moga hara ni halak na malang bagian, pasti dapot uhuman.

PODA 19:1

Dumenggan do halak na pogos na denggan roha, ulang pado halak na oto na sai marbungkak.

JESAYA 29:19

Angka halak na pogos jana na lebak hilalaonna ma hatuaan na nilehen ni Tuhan, Debata Na Badia ni Israel.

LUKAS 1:52

Dipaijur Ia angka raja sian juguhanna jana dipagincat Ia angka halak na bile.

LUKAS 10:20

Haru pe songon i, ulang marjop ni roha hamu hara ni na nioloan ni angka tondi na jahat hamu, tapi gumonan ma marjop ni roha hamu hara ni na dung tarsurat goarmunu di banua ginjang.”

LUKAS 14:11

Angke sude halak na pagincatkon dirina sipatoruhon do, jana sude halak na patutoru dirina sipagincaton do.”

LUKAS 9:48

Dung i didok Ia ma tu halahi, “Sanga ise na manjagit dakdanak on hara ni Au, dos do i dohot na manjagit Au. Dung i, sanga ise na manjagit Au, sarupa do i na manjagit na marsuru Au muse. Angke sanga ise na ummenek sian hamu, ia do na gumodang!”

SURAT NI SI PAULUS TU PARLAGUTAN ROM 8:17

Antong, muda dakdanak ni Debata hita, gabe panean ma hita na giot manjagit angka pasupasu na nipasingkop ni Debata di angka dakdanakNia. Rap manjagit ma hita dohot Kristus sanga aha na dung nipasingkop ni Debata. Angke muda manaon na hancit hita rap dohot Kristus, laing dipasangap muse ma hita rap dohot Ia.

2 KORINTUS 6:10

Haru pe dipaarsak rohanami, hape sai marjop ni roha do hami. Anggo idaon pogos do hami, hape bahat do halak gabe maradong hami baen. Anggo idaon na so adong do sanga na ahanami, tapi anggo satutuna sasudena do adong di hami.

PANGARATAION 15:11

Sai adong do dapot piga-piga halak na pogos dohot na hurangan di tonga-tonga ni halak Israel. Jadi hara ni i, Huparentahon tu hamu anso basa rohamunu tu halahi.”

PANGARATAION 15:7

Muda dung maringanan hamu sanoli on di tano na giot silehenon ni Tuhan Debatamunu di hamu, hape adong sian dongan sabangsomunu na marpogos di sada sian hutamunu i, ulang hamu hum na manyarihon tu dirina be jana manjua hamu mangurupisa.

PANGARATAION 15:9

Ulang jua hamu laho mangalehen injamon tusia, marhite alasan na dung donok taon hasesaan ni utang. Ulang paloas hamu pikiran na jahat sisongon i masuk tu bagasan rohamunu. Muda nada ra hamu mangalehen siinjamon i, pio-pio ma halakna i tu Tuhan laho mangaduhon hamu, jadi gabe dosa ma i di hamu.

PILIPPI 3:14

Hara ni i ma umbaen na torus hulojong manuju tu tujuan na parpudi anso dapot au hamonangan, i ma ngolu na di banua ginjang; hara ni i do umbaen na nipio ni Debata hita markite-hite Jesus Kristus.

PILIPPI 3:3

Hape hita do angka na dung manjagit sunat na tutu, nada halahi. Hombar tu panogu-noguon ni Tondi Ni Debata sandiri do tasomba Debata, jana mandok tarimakasi do hita hara ni na dung mardomu i hita dohot Jesus Kristus. Nada marguru tu angka upacara na tarida hita.

1 PETRUS 2:9

Tapi anggo hamu, bangso na Hupili do hamu, angka harajaan hamalimon, bangso na badia, bangso hapunjungan ni Debata. Ia do na mamiohon hamu haruar sian hagolapan anso masuk tu bagasan sinondangNia na tumorang i, anso pararatonmunu barita taringot tu angka pambaenanNia na godang i.

HALUMBAAN 2:9

Huboto do hasusaanmunu; na pogos do hamu – tapi anggo satutuna na mora do hamu! Huboto do angka adu-aduan na nituhaskon ni angka na manggoari dirina halak Jahudi, hape nian nada tutu; parlagutan ni sibolis do halahi!

1 SAMUEL 2:8

Sian abuan diangkat Ia halak na so mararta sian pardangolan halak na bile dipalua Ia. Dibaen Ia halahi dongan ni angka na mora-mora, jana dilehen muse juguhan na sangap. Debata do nampuna ojahan ni portibi on dipajongjong Ia di ginjangna tano on.