JAKOBUS 1:6 - BIBEL JAMITA NA DENGGAN

⁶ Tapi angkon porsaya do sanga ise na mangido i; ulang ganggu rohana. Angke tarsongon ombak ni laut na nionjar tu siamun siambirang do anggo halak na ganggu roha.

JAKOBUS 1:6 ပူးပေါင်းရင်းမြစ်များ

PAMUNGKAAN 49:4

Songon aek magodang na marhusasak do ho, tapi nada ho be sipatujoloon. Angke didongani ho modom radingku. Dipahodar ho podoman ni amangmu.

MATEUS 14:28

Dung i didok si Petrus ma, “O, Tuhan, muda tutu Ho do i, suruhon ma anso ro au tu Ho mardalan di ginjang ni aek i.”

BAENON NI ANGKA RASUL 10:20

Pasigop ma mijur jana ulang pola ganggu rohamu mangihutkon halahi, na Husuru do halahi.”

EPESUS 4:14

Jadi nada be dakdanak hita na so marhatontuan jana na taroban-oban tu jae tu julu baenon ni angka pangajaran na marragam rupa na sian halak na bisuk. Lilu do halak dibaen halahi hara ni malo-malo ni halahi.

1 TIMOTEUS 2:8

Sanga na di dia pe angkon martangiang do angka halaklahi tu Debata sian roha na ias jana ulang mardongan muruk dohot salisi.

IBRANI 10:23

Togu ma hita marsitiopan tu arop ni rohanta na dung taoku i angke haposan do Debata, patulusonNia do janjiNia.

IBRANI 11:6

Muda so marhaporsayaan sanga ise pe nada tarbaen pasonang roha ni Debata. Angke sanga ise na ro tu Debata angkon porsaya do ia na tutu adong Debata jana lehenon ni Debata do upa tu angka na manjalahi Ia.

IBRANI 13:9

Ulang ma padiar-diar hamu angka pangajaran na marragam-rupa i mangaliluhon hamu. Angkon denggan ni roha ni Debata do na patogu rohanta, i do na denggan; ulang ma angka paraturan ni sipanganon. Angke angka halak najolo na mangihutkon paraturan i nada adong pola gunana dapot halahi.

JAKOBUS 1:7

Ulang dipikir halak na songon i jagitonnia bagi aha sian Tuhan i.

JAKOBUS 5:15

Tangiang na nipasahat tu Tuhan mardongan pos ni roha, tarbaen do i pamalumkon halak na marnyae. Pamalumon ni Tuhan ma i jana sesaonNia ma angka dosa na nibaennia.

2 PETRUS 2:17

Songon mual na mate do angka guru pargabus i jana songon ombun na niombus ni halingsungsung. Madung diparade Debata do di halahi inganan na golap marimpot-impot.