JAKOBUS 1:16 - BIBEL JAMITA NA DENGGAN

¹⁶ Ulang hamu tarpaoto-oto, ale angka dongan!

JAKOBUS 1:16 ပူးပေါင်းရင်းမြစ်များ

MATEUS 22:29

Dialusi Jesus ma, “Lilu do hamu! I ma tandana na so diboto hamu Buku Na Badia i. Kuaso ni Debata pe inda diboto hamu.

MARKUS 12:24

Dialusi Jesus ma, “Madung lilu hamu hara ni na so diastui hamu Buku Na Badia i dohot kuaso ni Debata.

MARKUS 12:27

Tapi anggo Debata, nada Debata ni na mate; Debata ni na mangolu do. Na lilu do hamu!”

BAENON NI ANGKA RASUL 1:15

Disada hatiha marlagut ma halahi, – hira-hira saratus dua pulu halak ma na ro i – jongjong ma si Petrus mandok hata. Ning ia ma,

1 KORINTUS 6:9

Nada he diboto hamu do, anggo angka halak na so tigor nada dapotan bagian di Harajaan Ni Debata? Ulang ma hamu lilu! Halak na markarosuan, sioloi gana-ganaan, si pangalangkup, si pangalukluhi, si pandalus-dalus,

GALATIA 6:7

Ulang hamu ra dipaoto-oto! Nada sipargonjakkonon Debata! Sanga aha nisuan angkon laing i do sabion.

PILIPPI 2:12

Hara ni i hamu angka dongan na nihaholongan, songon pangoloimunu tu au dompak di tonga-tongamunu au, saonnari pe haru dung padao-dao, angkon mur olo ma hamu nian tu au. Usahohon hamu ma tongtong anso mur sanggam haluaanmunu i. Mardongan biar dohot hitir ma baen hamu sudena i,

PILIPPI 4:1

Hara ni i hamu ale angka dongan na nihaholongan, sai porsaya situtu ma hamu tu Tuhan i di ngolumunu on. Lungun do rohangku tu hamu! Hamu do na pagodang rohangku, hajopan ni rohangku.

KOLOSSE 2:4

Hupaboa pe i tu hamu, anso ulang adong do sanga ise na paoto-otohon hamu dohot hata na tabo begeonmunu.

KOLOSSE 2:8

Manat ma hamu, ulang jabat adong na manarik hamu markite-hite angka hapistaran ni jolma na so marguna, tapi hum na palilu-liluhon sajo. Nada sian Kristus angka hapistaran na songon i, tapi sian angka panurirangon ni jolma sajo do i dohot sian panarik ni angka tondi ni pangarajai ni portibi on.

2 TIMOTEUS 2:18

Madung manyimbil halahi sian pangajaran na sintong, jana gabe disego-sego halahi do haporsayaan ni deba halak. Pandok ni halahi anggo hangongot ni angka na mate i ma pola salpu i.

IBRANI 13:1

Tongtong ma jagohon hamu holong maradopkon dongan!

JAKOBUS 1:19

Denggan ma parrohahon hamu on, hamu ale angka dongan na nihaholongan! Ganop halak angkon hipas do manangihon, tapi lambat ma mandok hata, jana maol ma laho muruk.

JAKOBUS 1:2

Hamu angka dongan! Muda manaon pandugaan na marragam-ragam hamu, etong hamu ma i songon sada hauntungan.

JAKOBUS 2:1

Hamu angka dongan! Songon halak na porsaya tu Tuhan Jesus Kristus, Tuhan Na Sumangap i, ulang ma hara ni angka pangalaho na tarida baen hamu mangaligi bohi ni halak.

JAKOBUS 2:14

Hamu angka dongan! Aha ma gunana didok halak, “Porsaya do au,” anggo so dipatidahon ia do sian pambaenannia na tutu ia porsaya? Tarpalua haporsayaan na songon i ma he ia lakna?

JAKOBUS 2:5

Hamu angka dongan na nihaholongan, tangihon hamu ma! Angka halak na pogos ninna roha ni portibi on, i do na dipili Debata anso gabe halak na mora di haporsayaanna tu Tuhan. Halahi do na maruli di Harajaan Ni Debata na nijanjihonNa i tu angka halak na mangkaholongi Ia.

JAKOBUS 3:1

Hamu ale angka dongan! Ulang ma bahat sian hamu na marpor ni roha gabe guru. Nada he diboto hamu do anggo hita na gabe guru angkon umborat do uhumanna sian angka halak na asing i.

JAKOBUS 3:10

Sian pamangan na sada i haruar do angka hata pasupasu jana dohot muse angka hata bura. Nada tola songon i hamu ale angka dongan!

JAKOBUS 4:11

Hamu angka dongan, ulang ma hamu marsitilakoan sanga marsipasalaan. Sanga ise na manilakoi sanga na pasalahon donganna Kristen, na manilakoi dohot na manyalahon angka Tona Ni Debata do i. Jana muda disalahon hamu angka Tona Ni Debata, na so diihutkon hamu be angka Tona i tapi gabe panguhum noma hamu disi.

JAKOBUS 5:12

Anggo na ummarga hamu angka dongan, on do: Ulang hamu marsumpa sanga pe maradopkon langit bope tu tano on sanga maradopkon bagi aha pe tehe. Dok sajo ma “Olo” muda olo, jana “Nada” muda nada, anso ulang didabu Debata uhuman tu ho.

JAKOBUS 5:19

Hamu angka dongan! Muda adong barang ise na lilu sian hatigoran i, dung i adong barang ise na paulakkon rohania,