JAKOBUS 1:15 - BIBEL JAMITA NA DENGGAN

¹⁵ Dung i muda dioloi ia hagiotnia na jahat i, gabe tubu ma dosa; dung mardosa, gabe hamatean noma na ro.

JAKOBUS 1:15 ပူးပေါင်းရင်းမြစ်များ

PAMUNGKAAN 2:17

asing sian hayu na mangalehen parbinotoan taringot tu na denggan dohot na jahat. Nada tola panganonmu batuna i; muda dipangan ho i, mate ma ho laing di na sadari i.”

PAMUNGKAAN 3:6

Jeges ma antong hayu i diida dadaboru i, dohot tabona pe batuna i panganon jana marpikir ma ia, sonangna i antong muda gabe bisuk iba. Jadi gabe diputikkon ia ma batu ni hayu i lalu dipangan ia. Dilehen ia muse ma deba di halaklahinia i jadi dipangan halaklahinia i muse ma i.

2 SAMUEL 11:4

Disuru alap si Daud ma anakboru i, jana dung ro ia tu bagas godang, rap modom ma si Daud dohot ia. (Na baru patupahon upacara paias diri dope si Batseba dung ias bulannia.) Dung i mulak ma ia tu bagasnia.

JOB 15:35

I ma da halak na sai mangarohahon hajahatan na mandalankonsa. Tipu dohot gabus do na sai manggohi rohana.”

MASMUR 7:14

Ligi, halak na jahat mambaen hajahatan; rohana gok na busuk dohot panipuan.

MASMUR 9:17

Hamatean do bagian ni halak pardosa, angka bangso na so manghabiari Debata.

PODA 11:19

Sanga ise na burju mambaen na denggan, marhangoluan, sanga ise na manggogo mambaen na jahat, kehe tu hamatean.

JESAYA 33:11

Marisihon duhut-duhut na mahiang ma hamu, jana ma nubuhon durame; parmurukmu songon api na mangabiskon dirimu.

JESAYA 59:4

Nada adong na mangajuhon parkaro na maralasan na tutu, jana nada adong na manguhumi, dohot alasan na togu. Halak na mangasahon na so hasaya dohot gabus, halak na adong mara dohot manubuhon hajahatan.

MATEUS 26:14

Dung i kehe ma sahalak sian anak sisean ni Jesus na dua bolas i, i ma na margoar si Judas Iskariot mandapotkon angka Sintua Ni Malim.

MATEUS 5:28

Tapi anggo saonnari Hudok tu hamu: Muda adong halak na midaan dadaboru, gabe impol rohania, na dung markarosuan do ia dohot anak boru i di bagasan rohania.

JAKOBUS 1:14

Tapi ganop halak digoda do marhite hagiotna sandiri na jahat i.

JAKOBUS 1:18

Hara ni giot ni rohaNia sandiri, dibaen Ia do hita gabe dakdanakNia markite-hite hataNia na tigor i, anso dapotan inganan na dumenggan hita sian sasudena na nitompaNia.