JAKOBUS 1:14 - BIBEL JAMITA NA DENGGAN

¹⁴ Tapi ganop halak digoda do marhite hagiotna sandiri na jahat i.

JAKOBUS 1:14 ပူးပေါင်းရင်းမြစ်များ

PAMUNGKAAN 3:6

Jeges ma antong hayu i diida dadaboru i, dohot tabona pe batuna i panganon jana marpikir ma ia, sonangna i antong muda gabe bisuk iba. Jadi gabe diputikkon ia ma batu ni hayu i lalu dipangan ia. Dilehen ia muse ma deba di halaklahinia i jadi dipangan halaklahinia i muse ma i.

PAMUNGKAAN 6:5

Di na nipamanat ni Tuhan, hape na sun do jahat ni jolma i sude di tano on, boti santak ni busuk ni angka pikiran ni halahi,

PAMUNGKAAN 8:21

Moga ma Tuhan dibaen uap na huskus sian haul somba-somba i, jana didok Tuhan ma di bagasan rohaNia, “Nanggo buraanKu be portibi on hara ni pangalaho ni jolma; Huboto, sian haposoon ni jolma i do jahat pikiranna. Nada uhumanKu be sude jolma na mangolu, songon na baru Hubaen i.

2 SAMUEL 11:4

Disuru alap si Daud ma anakboru i, jana dung ro ia tu bagas godang, rap modom ma si Daud dohot ia. (Na baru patupahon upacara paias diri dope si Batseba dung ias bulannia.) Dung i mulak ma ia tu bagasnia.

JOB 31:27

Nada unjung tartarik rohangku tusi, sanga pe huumma tanganku giot mamparsangapi.

JOB 31:9

Sugari rupani na jungada por rohangku mida na nibuat ni hombar bagasku, jana martabuni au manungkirisa sian balik ni pintu,

PODA 4:23

Jagohon ma pikiranmu denggan, harana pikiranmi do manontuhon pardalan ni ngolumu.

JESAYA 44:20

Tudos tu na mangan abu do pangalaho i. Songon i ma liluna dibaen pikiran na oto i, gabe nada haurupan be ia. Nada ra ia mangoku tu dirinia sandiri, anggo patung na di tangannia i sanga na bia pe nada Debata i.

HOSEA 13:9

SargehononKu ma hamu, ale bangso Israel! Jana ise ma na margogo mangurupi hamu?

MATEUS 15:18

Tapi anggo na ruar sian pamangan ni halak, i ma na ro sian rohana. I do na pahodarkon ia.

MATEUS 15:20

Angka sisongon i ma na pahodar jolma. Tapi anggo na mangan so jolo marbasu, inda gabe hodar halak dibaen i!”

MATEUS 4:1

Dung i ditogu Tondi i ma Jesus tu halongonan, anso diuji Sibolis Ia.

MATEUS 5:28

Tapi anggo saonnari Hudok tu hamu: Muda adong halak na midaan dadaboru, gabe impol rohania, na dung markarosuan do ia dohot anak boru i di bagasan rohania.

SURAT NI SI PAULUS TU PARLAGUTAN ROM 7:11

Harana di bagasan parenta i, dapotan inganan do dosa i giot paoto-otohon au jana markite-hite parenta i dibunu ia au.

SURAT NI SI PAULUS TU PARLAGUTAN ROM 7:13

Muda songon i, gabe hamatean do lakna na denggan i di au? Nada! Tapi anso torang, bahaso ia do dosa, jana dosa mampargunahon na denggan parohon hamatean tu au, anso markite parenta i, dosa i mur torang muse songon dosa.

EPESUS 4:22

Ambungkon hamu ma bakomunu na honok i, na mur sego dibaen angka hagiotna na mangaliluhon i.

IBRANI 3:13

Jadi, anso ulang adong sanga ise sian hamu na hona tipu dibaen dosa, na mambaen gabe mangalo tu Debata, angkon marsipaingotan do hamu sama hamu ganop ari salolot mangolu hita di hatiha na nidok “Sadari on” di Buku Na Badia i.

JAKOBUS 1:13

Muda adong sanga ise na hona ujian na songon i, ulang ma didokkon ia, “Sian Debata do haroroan ni ujian i,” angke nada tarbaen hona uji Debata baenon ni hajahatan jana nada diuji Debata sanga na ise pe.

JAKOBUS 1:15

Dung i muda dioloi ia hagiotnia na jahat i, gabe tubu ma dosa; dung mardosa, gabe hamatean noma na ro.