JAKOBUS 1:13 - BIBEL JAMITA NA DENGGAN

¹³ Muda adong sanga ise na hona ujian na songon i, ulang ma didokkon ia, “Sian Debata do haroroan ni ujian i,” angke nada tarbaen hona uji Debata baenon ni hajahatan jana nada diuji Debata sanga na ise pe.

JAKOBUS 1:13 ပူးပေါင်းရင်းမြစ်များ

PAMUNGKAAN 22:1

Dung adong sanga sadia honok diuji Debata ma haburjuon ni roha ni si Abraham; dipio Debata ma si Abraham, “Jo Abraham!” ninna. Jadi dialusi si Abraham ma, “Dison do au Tuhan!” ning ia.

PAMUNGKAAN 3:12

Dialusi halaklahi i ma, “Dadaboru na nibaenMi gabe donganku, ia do mangalehen di au, gabe hupangan.”

JESAYA 63:17

Biasi dipadiar Ho lilu hami? Biasi dipajogal Ho rohanami gabe nada ra mangoloi? Mulak ma Ho ale Tuhan, hara ni angka naposoMu, hara ni bangsoMu sian narobi nampunaMu.

MATEUS 4:7

Dialusi Jesus ma, “Tapi laing tarsurat do, ‘Ulang uji Tuhan Debatamu.’ ”

JAKOBUS 1:12

Martua do sanga ise na sobar di na manaon pandugaan. Angke muda dung disalpui ia pandugaan i, manjagit upa ma ia, i ma hangoluan na nijanjihon ni Debata tu angka na mangkaholongi Debata.

JAKOBUS 1:14

Tapi ganop halak digoda do marhite hagiotna sandiri na jahat i.

JAKOBUS 1:2

Hamu angka dongan! Muda manaon pandugaan na marragam-ragam hamu, etong hamu ma i songon sada hauntungan.