JAKOBUS 1:1 - BIBEL JAMITA NA DENGGAN

¹ Tabe ma sian au, si Jakobus, naposo ni Debata dohot Tuhan Jesus Kristus, tu na dua bolas marga i, na di parserahan.

JAKOBUS 1:1 ပူးပေါင်းရင်းမြစ်များ

1 RAJA-RAJA 18:31

Dibuat ia ma dua bolas batu, ganop batu ma songon wakil ni sada sian sidua bolas marga pomparan ni angka anak ni si Jakob, halak na nigoaran ni Tuhan, si Israel.

ESRA 6:17

Di peristiwa i dipasahat halahi ma tu Tuhan saratus lombu jantan, dua ratus biri-biri jantan dohot opat ratus anak ni biri-biri jantan. Baen haul hasesaan ni dosa dihaulkon dua bolas hambeng, sada be ma i ganop Marga Israel.

ESTER 3:8

Jadi didok si Haman ma tu raja i, “Rajanami, adong do sada bangso na ganjil na marserak di ganop propinsi di harajaan on. Asing situtu do adatna sian angka bangso na deba nari i. Nada patu halahi tu angka aturan ni harajaan on. Jadi, sugari dumenggan nian ulang dipadiar raja i halahi mambaen roha-rohana.

HARURUAR 24:4

Disuratkon si Musa ma sude parenta ni Tuhan i. Ancogotna i andos torang dope, dipajongjong ia ma langgatan di pat ni dolok i na nibaennia sian dua bolas batu; ganop batu ma mangwakili ganop marga ni Israel na dua bolas i.

HARURUAR 28:21

Di batu intan na dua bolas i angkon nigorgahon do sada be goar ni anak ni si Jakob na dua bolas i, laho mangwakili angka marga ni Israel.

HARURUAR 39:14

Tarsurat do di sada be batu i goar ni anak ni si Jakob mangwakili marga-marga ni Israel na dua bolas i.

JEHESKIEL 12:15

Di na Huparserakkon halahi di tonga-tonga ni angka bangso na asing di tano sileban, botoon ni halahi ma bahaso Au do Tuhan.

HAMALIMON 26:33

ParoonKu ma parporangan di luatmunu jana manyarsar hamu di luat na leban. Angka ladangmu gabe tarulang jana kotamu gabe abu.

MATEUS 10:3

Dung i muse si Pilipus, si Bartolomeus, si Tomas, si Mateus panjagit pajak i, dung i si Jakobus anak ni si Alfeus, si Tadeus;

MATEUS 13:55

Nada he anak ni tukang hayu i do Ia? Nada he si Maria do inangNia; dohot si Jakobus, si Josep, si Simon dohot si Judas do angka anggiNia?

MATEUS 19:28

Dialusi Jesus ma halahi, “Hudok ma tu hamu, satutuna di hatiha panompaon muse, di hatiha juguk Anak Ni Jolma i, di habangsa hamuliaonNa, hamu angka na mangihutkon Au, giot juguk di ginjang di habangsa na dua bolas i laho manguhumi Israel na dua bolas marga i.

MARKUS 3:18

Si Andreas, si Pilipus, si Bartolomeus, si Mateus, si Tomas, si Jakobus anak ni si Alfeus, si Tadeus, si Simon sian Kana,

LUKAS 22:30

Tola ma hamu rap dohot Au marsonang-sonang di HarajaanKi. Jana juguhanmunu ma dua bolas habangsa laho manguhumi halak Israel sidua bolas marga i.”

LUKAS 6:15

si Mateus dohot si Tomas, si Jakobus anak ni si Alfeus dohot si Simon (na nigoaran halak Zelot),

JOHANNES 12:26

Sanga ise na giot mangoloi Au angkon ihutkononnia do Au; anso sai tongtong rap dohot Au angka na mangoloi Au sanga di dia pe Au. Jana pasangapon ni Damang muse ma sanga ise na mangoloi Au.”

JOHANNES 7:35

Dung i didok angka halak Jahudi i ma, “Na giot tudia muse dehe Ia umbaen jabat nada tarbaen hita mandapotkon Ia? Adong he ulaning na giot kehe mandapotkon halak Jahudi na mangaranto di tonga-tonga ni halak Junani i ma Ia jana giot ajaranNia ma angka halak Junani i?

BAENON NI ANGKA RASUL 1:13

Dung di Jerusalem, masuk ma halahi tu bagas panompangan ni halahi i torus tu kamar na di lotengna i. Angka on ma goar-goar ni rasul i: Si Petrus dohot si Johannes, si Jakobus dohot si Andreas, si Pilipus dohot si Tomas, si Bartolomeus dohot si Mateus, si Jakobus anak ni si Alpeus, si Simon Ulubalang i dohot si Judas anak ni si Jakobus;

BAENON NI ANGKA RASUL 12:17

Jadi dihiap si Petrus ma halahi anso hohom dung i dibaritahon ia ma tu halahi pardalanna na diparuar Tuhan i ia sian hurungan i. Jadi ning ia ma, “Paboa hamu ma jolo on tu si Jakobus dohot tu angka dongan na asing i.” Dung i kehe ma si Petrus manadingkon inganan i tu inganan na asing.

BAENON NI ANGKA RASUL 15:13

Dung sidung halahi mangkatai didok si Jakobus ma, “Hamu ale angka dongan! Marsitangi-tangian ma jolo hita.

BAENON NI ANGKA RASUL 15:21

Harana anggo angka Tona Ni si Musa, madung dibaca i sian nabaruon ganop Ari Sabat di angka bagas paribadatan, jana nijamitahon di ganop kota.”

BAENON NI ANGKA RASUL 15:23

Laing maroban surat do halahi na nisuru i, songon on ma hata ni surat i, “Mandapotkon angka dongan na porsaya na marasal sian bangso na asing na so Jahudi, na maringanan di Antiokia, di Siria dohot di Kilikia. Tabe ma di hamu sian donganmunu, i ma angka rasul dohot angka pangituai.

BAENON NI ANGKA RASUL 2:5

Jadi hatiha i, bahat do halak Jahudi na sian ragam-ragam ni luat na di portibi on ro tu Jerusalem, i ma angka na mangkabiari Debata.

BAENON NI ANGKA RASUL 21:18

Ancogotna i kehe ma hami dohot si Paulus manopot si Jakobus; laing disi muse ma sude angka pangituai ni parlagutan i.

BAENON NI ANGKA RASUL 23:26

“Na niparsangapan Gubernur Peliks. Tabe ma di hamu sian au Klaudius Lisias!

BAENON NI ANGKA RASUL 26:7

Laing parjanjian i do na nipainte-inte ni halak Israel na dua bolas marga i umbaen na marsitutu halahi marsomba tu Debata arian dohot borngin. Hape hara ni na huhaporsayai janji i, gabe dipasala halak Jahudi ma au.

BAENON NI ANGKA RASUL 8:1

Mamungka sian ari i masa ma pangayakayakon na godang di parlagutan na di Jerusalem, jadi marserak ma sude angka na porsaya i, hum angka rasul i noma na tinggal rap. Sarsar ma halahi tu sude Luat Judea dohot tu Samaria bage.

SURAT NI SI PAULUS TU PARLAGUTAN ROM 1:1

Sian si Paulus, naposo ni Kristus Jesus, na dipio gabe rasul jana disuru laho mambaritahon Jamita Na Denggan na sian Debata.

GALATIA 1:19

Anggo dohot angka rasul na asing i nada marsuo au. Hum si Jakobus anggi ni Tuhan i sajo do.

GALATIA 2:12

Mula-mulana sajuguhan ia mangan rap dohot angka dongan na so Jahudi. Hape dung ro angka halak na nisuru ni si Jakobus, dipadao ia ma dirinia sian angka dongan na so Jahudi i. Gabe nada ra be ia mangan rap dohot halahi. Hara ni na mabiar ia maradopkon angka halak na sai mangkagioti anso sude jolma marsunat.

GALATIA 2:9

Si Jakobus pe, si Petrus, si Johannes, na gabe songon partunggul di parlagutan i, dioku halahi do na dung dilehen Debata do tu au hak na sada on. Dung i dijalang halahi do si Barnabas dohot au songon tanda ni parale-aleonnami. Jadi satahi ma halahi dohot hami, di tonga-tonga ni angka bangso na so Jahudi ma hami markarejo, jana halahi ma markarejo di tonga-tonga ni halak Jahudi.

PANGARATAION 28:64

Paserahon ni Tuhan ma ho di tonga-tonga ni angka bangso, sian ujung na sada tu ujung na sada nari di tano on. Sombaonmunu ma disi angka debata na dibaen sian hayu dohot batu, i ma angka debata na so unjung hian disomba ho dohot ompumunu.

PANGARATAION 30:3

jadi gabe ibo ma roha ni Tuhan Debatamunu i mida hamu. ObanonNia ma hamu mangulahi sian angka bangso inganan parserahanmunu i, jana baenonNia ma hamu maduma mangulahi.

PANGARATAION 32:26

Sai giot pusaonKu do halahi sudena nian, anso ulang be adong tu halahi parningotan.

PANGARATAION 4:27

Sarsarkonon ni Tuhan ma hamu di tonga-tonga ni angka bangso na asing jana saotik noma sian hamu na mangolu.

PILIPPI 1:1

Sian si Paulus dohot si Timoteus, angka naposo ni Kristus Jesus, tu sude dongan sahaporsayaan di bagasan Kristus Jesus na di Pilippi, rap dohot di angka pamimpin dohot pangoloi. Hami na dua, si Paulus dohot si Timoteus naposo ni Kristus Jesus.

2 TIMOTEUS 4:21

Usahohon ma anso ro ho dompak so musim ngali nian. Si Ebulus, si Pudes, si Linus dohot si Klaudia palalu tabe do tu ho; songon i muse dohot angka dongan sahaporsayaan na asing i.

TITUS 1:1

Sian si Paulus, naposo ni Debata, bope rasul ni Jesus Kristus, na nipili do au jana na nisuru laho manyarihon angka na nipili ni Debata anso mur togu di haporsayaanna. Angkon togu-toguonku do halahi laho mananda hasintongan na niajarkon ni ugamonta,

1 PETRUS 1:1

Sian si Petrus rasul ni Jesus Kristus, tu angka halak na ro, na marserak di Pontus, Galatia, Kapadokia, Asia dohot Bitinia, i ma angka halak na nipili,

2 PETRUS 1:1

Sian si Simon Petrus, naposo jana rasul ni Jesus Kristus, tu angka na rap dohot hami manjagit haporsayaan i markite-hite hatigoran ni Debatanta dohot Sipalua hita, Jesus Kristus.

JUDAS 1:1

Sian si Judas naposo ni Jesus Kristus, anggi ni si Jakobus, tu angka halak na tarpio jana na nihaholongan di bagasan Debata Ama, jana na nijagohon ni Jesus Kristus.

HALUMBAAN 7:4

Jadi hubege do bilangan ni angka na ni cap i, 144.000 halak sian sude marga ni halak Israel i