IBRANI 9:7 - BIBEL JAMITA NA DENGGAN

⁷ Anggo na masuk tu bilik parbagasan ni bandar i hum Malim Godang i sajo do. I pe, hum sanoli sataon do i tola. I pe angkon mamboan mudar do ia patuluskon i, i ma sisombahononkon tu Debata hara ni ia sandiri dohot hara ni angka dosa na nibaen ni bangsonia i sian na so pamotoanna.

IBRANI 9:7 ပူးပေါင်းရင်းမြစ်များ

2 SAMUEL 6:7

Jadi manigor muruk ma Tuhan Debata tu si Usa jana dimatehon ma ia hara ni hipas ni tangannia i. Mate di inganan i do si Usa di lambung ni Poti Parjanjian i.

2 JUJUR TAON 33:9

Patunda ni si Manase gabe dibaen angka rayat ni Juda do angka dosa na jumahat sian na nibaen ni angka bangso na di Kanaan na niusir ni Tuhan di hatiha na masuk bangso ni Tuhan i tu tano i.

MASMUR 19:12

O, Tuhan nada adong na umboto hasalaanna sandiri, antong palua ma au sian hasalaan na buni.

MASMUR 95:10

Opat pulu taon honokna magigi Au paida-ida halahi, ningKu: Tutu ma antong bangso na so haposan halak on! Nada diampirkon halahi angka na Huparentahon.

HARURUAR 30:10

Sanoli sataon angkon baenon ni si Harun upacara pabadiahon langgatan i; dipispis ia ma tandukna na opat i dohot mudar ni binatang na dihaulkon i baen panyesa ni dosa. Angkon baenon do songon i ganop taon sapanjangna. Angkon badia do langgatan on sudena, dihaulkon tu Au Tuhan.”

JESAYA 28:7

Angka panurirang dohot angka malim pe nada be tarhatahon parmabukna hara ni na mabahathu minum anggur dohot tuak. Lenong-lenong pardalan ni halahi jana manjomba-jombaan hara ni na golap pikiranna. Nada diastui angka panurirang be angka parnidaan na nilehen ni Debata tu halahi. Nada tarputuskon angka malim be angka parkaro na lalu tu halahi.

JESAYA 29:14

Hara ni i, baenonKu ma parkaro halongangon tu bangso i, halongangon na pahomangkon roha. Gabe maoto ma halak na marroha, jana nada marguna be hamaloan ni halahi.”

JESAYA 3:12

Rajaan ni angka dakdanak ma bangsongKi jana parentaon ni dadaboru. Ale bangsongKu, pamimpinmunu i ma angka pangjago, jana dalan na dibolusmunu disego-sego halahi!

JESAYA 9:16

Madung dipalilu jana digaor angka pamimpin ni bangso i rayat i.

HOSEA 4:12

Marsapa do bangsongKu tu bona ni hayu! Dipaboa sada tungkot do tu hamu sanga aha na giot sibotoonmunu! Ditadingkon hamu do Au. Songon sada anakboru na gabe panggampang, songon i ma dibaen hamu pasahat dirimunu tu angka debata.

HAMALIMON 16:34

Pesta on angkon baenon sanoli sataon laho paiaskon Israel sian dosa ni halahi. Songon i ma angka aturan na nigoaran i angkon patuluson ro di salolot-lolotna.” Si Musa pe dikarejohon ia ma songon na dung diparentahon ni Tuhan i.

HAMALIMON 5:18

Angkon obanonnia ma tu malim sada biri-biri sanga sada hambeng jantan na so martihas. Niasam ma argana mangihutkon arga na dung ditontuhon. Sombahonon ni malim ma haul i hara ni dosa ni halahi, gabe sesaon ni Tuhan ma dosana.

AMOS 2:14

Na hipas marlojong pe nada tarbaen luncat; mago ma hagogoon ni halak na gogo, jana halak na barani pe nada tarbaen paluahon dirina.

BILANGAN 15:25

Dung i angkon karejohonon ni malim i ma upacara taringot tu hasesaan ni dosa ni na bahat i. Dung i ampunan ni Debata ma halahi hara ni hasalaan na so niuntil i jana na dung dioban halahi haul hasesaan ni dosa gabe haul sipanganon tu Tuhan i.

EPESUS 4:18

Madung manggolap pikiran ni halahi. Umpe ditanda halahi be hangoluan na nilehen ni Debata, angke nada adong be parbinotoan di halahi sanga aha taringot tu Debata. Halak si jogal roha do halahi umbaen na songon i.

IBRANI 10:3

Hape anggo satutuna, haul na nihaulkon i ganop taon, na pasingotkon jolma i do taringot tu angka dosa ni halahi,

IBRANI 6:19

Arop ni rohanta i ma na gabe sitiopan na togu jana na pasonangkon rohanta di ngolu on, na dung masuk lalu tu pudi ni tire i.

IBRANI 7:27

Nada songon angka Malim Godang na asing i Ia, angkon jolo manghaulkon haul hara ni angka dosana sandiri, dung i hara ni angka dosa ni bangso i. Holan sanoli sajo do Jesus manghaulkon haul, i ma di na nihaulkonNia diriNia sandiri gabe haul.

IBRANI 9:3

Dibagasanna i muse, i ma na di balik ni tire na paduahon, adong ma sada bilik na nigoaran Bilik Na Sun Badia.