Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




IBRANI 9:4 - BIBEL JAMITA NA DENGGAN

4 Di balik ni i adong do sada inganan na nibaen sian sere laho manutung hamonyan jana adong muse Poti Parjanjian na nilampis sudena dohot sere. Di bagasan poti i adong do sada mangkuk sere na marisi manna, tungkot ni si Harun na dung martunas dohot duangkoping batu tulis panyuratan ni Tona Na Sampulu i na sian Debata.

အခန်းကိုကြည့်ပါ။ ကော်ပီ




IBRANI 9:4
26 ပူးပေါင်းရင်းမြစ်များ  

Di bagasan Bagas Ni Debata i madung hupasingkop inganan ni Poti Parjanjian ni Tuhan. Songon na dung rap taboto, di bagasan Poti i do disimpan dua batu lei na marisi parjanjian ni Tuhan dohot ompunta di na niobanNia halahi haruar sian Mesir.


Di bagasan Poti Parjanjian i nada adong bagi aha asing ni na dua batu. Madung dipamasuk si Musa hian do batu i di Dolok Sinai, di na nibaen ni Tuhan i janji dohot bangso Israel dompak di pardalanan ni halahi haruar sian Mesir.


Nada adong bagi aha di bagasan Poti Parjanjian i asing sian dua batu. Na dipamasuk ni si Musa do tusi batu i di Dolok Sinai, di na mambaen janji Tuhan dohot Israel dompak na mardalan dope halahi ruar sian Mesir.


Baen ma tire i di toru ni sangkotan na marbaris di tarup ni Bandar Parmianan. Pamasuk ma tu balik ni tire i Poti Parjanjian inganan ni batu na dua i. Tire i ma manyirang Inganan Na Badia sian Bilik Na Sun Badia situtu.


Dung sidung Debata manghatai dohot si Musa di Dolok Sinai, dilehen Ia ma tu si Musa batu panyuratan ni uhum ni Debata, batu sidua-dua na nisurat ni tangan ni Debata sandiri.


Dung i manuat ma si Musa sian dolok i maroban batu si dua lambar uhum ni Debata na marsurat angkup be.


Di na manuat si Musa sian Dolok Sinai dioban ia ma dua batu hasaksian i; sian na so pamotoannia hape na marsinondang do bohinia hara ni na dung manghobari ia dohot Tuhan.


Dibaen si Besaleel ma sada langgatan sian hayu akasia baen inganan panutungan ni hamonyan. Sogi opat do dibaen langgatan i, 45 sentimeter ginjangna dohot bidangna. Gincatna 90 sentimeter. Tanduk na opat na di suhi-suhina na opat i sada do i dohot langgatan i.


Poti Parjanjian na marisi batu sidua lambar dohot porsan-porsanna maradu dohot tutupna,


Pamasuk ma tu bagasan Bandar Parmianan Poti Parjanjian na marisi Parenta Na Sampulu i lalu pasang ma tire di jolona i.


angkon buatonnia sian langgatan inganan ni api dohot banggar ni api, dohot duanggolom hamonyan na halus, lalu dioban ia tu Bilik Na Sun Badia.


Dung i didok Tuhan ma tu si Musa, “Payakkon ma mangulahi tungkot ni si Harun i di jolo ni Poti Parjanjian i. Angkon simpanon do tungkot i, gabe parningotan di halak Israel na sai ra mangalo i, bahaso angkon mate halahi muda sai dipupu halahi marungut-ungut.”


Martunas do muse tungkot ni halak na dung Hupili. Marhite on ma antahonKu holso ni angka jolma na sai torus marungut-ungut mangalo Au.”


Ancogotna i, di na masuk si Musa tu Bandar Parmianan, diida ia tungkot ni si Harun na mangwakili Marga Levi madung martunas. Marbunga tungkot i jana mangerbang bungana, dung i batuna, batu ni katapang na malamun!


Olo, dung salpu na opat pulu ari opat pulu borngin i, dilehen Tuhan ma tu au batu na dua na dung marsurat dohot parjanjian i.


Manangkok au tu dolok i laho manjagit batu panyuratan ni parjanjian na nibaen ni Tuhan dohot hamu. Opat pulu ari opat pulu borngin lolotna au di ginjang dolok i nada mangan sanga minum.


Gabe marbuka ma Bagas Na Badia ni Debata di banua ginjang jana tarida ma poti inganan ni surat parjanjian na di bagasan Bagas Na Badia i. Manigor ro ma hilap na sumiksak dohot sora ni ronggur na mangkutur jana na matuoror. Ro ma lalo jana madabu ma ambolas na lobi por.


Ro ma sada surusuruan na asing na maroban pardupaan sere, jongjong di jolo ni meja inganan ni haul i. Madung dilehen tusia bahat sajo hamonyan sibaenon tu angka tangiang ni sudena halak na badia jana sihaulkonon di meja parhaulan na adong ni jolo ni habangsa i.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ