IBRANI 9:21 - BIBEL JAMITA NA DENGGAN

²¹ Dung i dipispiskon ia muse ma laing songon nangkin mudar i tu bandar i dohot tu angka panjamaan na nipake marsomba tu Debata.

IBRANI 9:21 ပူးပေါင်းရင်းမြစ်များ

HARURUAR 24:6

Dibuat si Musa ma satonga sian mudar ni pahan-pahanan i jana dibaen ia ma i tu mangkuk-mangkuk. Deba nari dipispiskon ia ma tu ginjang ni langgatan i.

HARURUAR 29:12

Buat ma saotik mudar ni lombu i jana daiskon ma dohot jari-jarimu tu angka tanduk ni langgatan i.

HARURUAR 29:20

Lalu sambol ma i, buat ma saotik mudarna i jana daiskon ma tu pinggol siamun ni si Harun dohot dakdanaknia i, di inang ni tangan siamun dohot inang ni jari-jari ni pat siamun ni halahi. Angkon pispiskononmunu do lobi ni mudar i tu suhi na opat ni langgatan i.

HARURUAR 29:36

Ganop ari angkon nihaulkon lombu jantan baen hasesaan ni dosa dohot pabadiahon langgatan. Lalu miahi ma langgatan i dohot miak zetun anso gabe badia.

HARURUAR 40:9

Dung i angkon pasahatonmu do Bandar Parmianan dohot sude panjamaanna i tu Au marhite na mamiahisa dohot miak upacara, jadi gabe dihapunjungkon ma i di Au.

HAMALIMON 8:15

Disambol si Musa ma lombu i, dibuat ia deba mudarna, didaiskon ia ma mudar ni lombu i dohot jari-jari ni tangannia tu angka tanduk na di suhi-suhi ni langgatan i, anso gabe Debata nampuna langgatan i. Disaburkon ia ma mudar na lobi i tu ojahan ni langgatan i. Songon i ma pangalahona paias langgatan i mangihutkon ugamo sipasahaton tu Tuhan.

HAMALIMON 8:19

Disambol si Musa ma biri-biri i, jana disiramkon si Musa ma mudarna tu na opat topi ni langgatan i.

HAMALIMON 9:18

Lombu jantan dohot hambeng jantan disambol ia gabe haul haluaan hara ni na bahat i. Dioban angka anaknia ma mudar ni pahan-pahanan i tusia lalu disiramkon mudar i tu na opat topi ni langgatan i.