IBRANI 9:19 - BIBEL JAMITA NA DENGGAN

¹⁹ Jolo dipaboa si Musa do sude angka Tona na sian Debata tu bangso Israel sude. Baru ma dibuat ia mudar ni anak ni lombu dohot mudar ni hambeng jantan i, dicampur ia ma i dohot aek, dung i dipispiskon ia ma tu Buku Tona na sian Debata dohot tu sude bangso Israel. Ruput hisop dohot imbulu ni biri-biri na rara tobang do dibaen ia pamispisna.

IBRANI 9:19 ပူးပေါင်းရင်းမြစ်များ

MASMUR 51:7

Buat ma dosangki, gabe ias ma au; basu ma au, jadi gabe umbontar ma au sian hapas.

HARURUAR 12:22

Buat hamu ma sangkolting hisop, pamasuk ma i tu sambong na marisi mudar ni pahan-pahanan i, daiskon ma i tu na dua tiang ni pintu dohot tu pamalpal ni pintu ni bagasmunu. Lopus tu manyogotna i nada tola sahalak pe manadingkon bagas.

JESAYA 52:15

Tapi anggo saonnari bahat bangso homang hara ni ia, mangkohom angka raja hara ni longangna. Angke na so dibaritahon humani tu halahi, ligion ni halahi ma saonnari, dohot aha na so binege ni halahi, astuanna ma saonnari.

JEHESKIEL 36:25

Dung i pispisonKu ma hamu dohot aek na lan, anso ias hamu sian sude gana-ganaanmunu dohot sian sasude na pahodarkon hamu.

HAMALIMON 1:10

Muda biri-biri sanga hambeng do na giot sombahonon i angkon jantan na so martihas.

HAMALIMON 3:6

Muda biri-biri sanga hambeng do na nisombahon gabe haul haluaan, tola do jantan sanga boru-boru tapi ulang na martihas.

BILANGAN 19:18

Di bagasan pangalaho na parjolo, i ma halak na mate di bagasan bandar, angkon sada halak na dung ias mangihutkon ugamo do mambuat sarranting duhut hisop, dipamasuk tu aek lalu mamispis bandar i, sandok na adong di bagasan, rap dohot halak na adong disi. Di bagasan pangalaho na paduahon, i ma sahalak na manjama bangke, kuburan sanga pe holi-holi ni na mate angkon sahalak na ias mangihutkon ugamo do mamispisi halak na ramun i.

BILANGAN 19:6

Dung i buaton ni malim i ma saotik hayu ares dohot sarranting duhut hisop dohot sada tali na rara jana didanggurkon ia ma i tu bagasan api.

MATEUS 27:28

Dibuka halahi ma pakean ni Jesus, digontihon halahi ma dohot baju juba na ungu.

MARKUS 15:17

Dipamasuk halahi ma baju juba na ungu tu Jesus. Dibaen halahi muse ma tuku sian ranting-ranting na marduri, dipamasuk halahi ma i tu ulu ni Jesus.

MARKUS 15:20

Dung sidung diincahi halahi Jesus, dibuka halahi ma juba na ungu i dibaen halahi ma mangulahi bajuNia humani. Dioban ma Ia tu balian anso diparsilangkon.

JOHANNES 19:2

Dibaen angka tentara na disi i ma sada tuku sian angka ranting na marduri-duri. Dipamasuk halahi ma tuku i tu ginjang ni ulu ni Jesus. Dung i dipamasuk halahi ma baju juba na ungu tuSia,

JOHANNES 19:5

Dung i haruar ma Jesus mamake tuku duri dohot baju juba na ungu i. Didok si Latus ma tu halahi, “Ligi hamu ma halak on!”

IBRANI 1:1

Madung jotjot jana marragam dalanna dibaen Debata laho mangkatai tu angka ompunta markite-hite angka panurirang.

IBRANI 10:22

Antong hara ni i, tapadonok ma tu Debata mardongan roha na bulus dohot haporsayaan na tutu tu Debata; bope dohot roha na dung dipaias sian pangkilalaan na sala, bope dohot pamatang na dung nipaias dohot aek na lan.

IBRANI 10:4

harana anggo mudar ni lombu dohot mudar ni hambeng i sandiri nada tarbaen i manyesa dosa.

IBRANI 12:24

Diadopi hamu do Jesus pandomui na mambaen janji na imbaru i; diadopi hamu do mudar pamispison na gabe jaminan ni angka na dao dumenggan sian na nijamin ni mudar ni si Abel.

IBRANI 9:12

Hum sanoli sajo do Kristus masuk tu Bilik Na Sun Badia na di bandar i ro di salolot-lolotna. Anggo di hatiha i nada maroban mudar ni hambeng jantan Ia sanga mudar ni anak ni lombu sihaulkonon; hum mudarNia sandiri do dioban Ia jana i ma dalanna dibaen Ia paluahon hita salolot-lolotna.

IBRANI 9:13

Anggo mudar ni hambeng jantan dohot mudar ni lombu jantan bope tiranggong ni haul anak ni lombu i, dipispiskon tu angka halak na hodar do i – mangihutkon Tona ni ugamo; anso ias halahi. Antong, muda tarpaias mudar i do halahi sian hahodaran na nidok ni ugamo,

IBRANI 9:18

Hara ni i do umbaen na nirasmihon dohot mudar janji na parjolo i.

1 PETRUS 1:2

mangihutkon sangkap ni Debata Ama jana na niparbadiai ni Tondi, anso mangoloi Jesus Kristus jana manjagit pamispion ni mudarNia. Mur martamba ma asi ni roha dohot hasonangan di hamu.