IBRANI 9:10 - BIBEL JAMITA NA DENGGAN

¹⁰ Harana anggo angka upacara na songon i na marpardomuan tu sipanganon sajo do i dohot siinumon bope angka ragam-ragam ni upacara na mambaen ias. Hum angka Tona na tarida do na mardalan i lopus tu hatihana sanga andigan baenon ni Debata haimbaruan.

IBRANI 9:10 ပူးပေါင်းရင်းမြစ်များ

HARURUAR 29:4

Suruhon ma si Harun dohot angka dakdanaknia i ro tu pintu ni Bandar ParmiananKi jana paias diri ma halahi hombar tu upacara ni ugamo.

HARURUAR 40:12

Dung i angkon suruonmu do si Harun dohot angka anaknia ro tu pintu ni Bandar Parmianan jana marpangir ma halahi mangihutkon upacara ugamo.

JEHESKIEL 4:14

Tapi hualusi ma, “Iale Tuhan Debata! Sian na menek lopus saonnari, na so unjung dope hupahodar diringku marhite na mangankon bangke ni binatang sanga teba-teba ni soroan ni binatang panyoro. Na so jungada do hupangan sipanganon na margoar na haram.”

HAMALIMON 13:58

Muda dung dibasu, tihas na di barang i gabe mago, angkon basuon ma barang i mangulahi, disi pe taretong na dung ias.

HAMALIMON 16:24

Dung i angkon maridi ia di sada inganan na badia mamake pakeannia sandiri. Dung i haruar ma ia lalu pasahatkon haul situtungon na gabe hasesaan ni dosania sandiri dohot angka dosa ni bangso Israel.

HAMALIMON 16:4

Dung i dilehen Tuhan muse dope angka paraturan. Taran so masuk si Harun tu Bilik Na Sun Badia i, angkon maridi ia jolo, dung i dipake ia pakean ni malim, i ma baju dohot saraor pendek sian abit linen, bobat dohot saroben.

HAMALIMON 22:6

Sahalak malim na gabe ramun, laing ramun do ia lopus tu andospotang. Jana haru dung salpu pe andospotang, nada tola dope panganonnia haul na badia i anggo so maridi dope ia.

BILANGAN 6:3

angkon pantangkononnia ma anggur dohot tuak. Nada tola inumonnia sanga siinumon aha pe na nibaen sian anggur jana nada tola mangankon batu ni anggur sanga kismis.

MARKUS 7:4

Muda mulak halahi sian poken, nada mangan halahi muda so jolo mambasu dirina. Bahat dope angka aturan na sian ompu ni halahi na laing togu ditiop halahi, umpamana songon na mamasu galas, gendi dohot parkokas-parkokas na sian tumbaga.

GALATIA 4:9

Tapi saonnari madung ditanda hamu Debata sanga sumintong dope muda nidok, madung ditanda Debata hamu. Biasi dope laing ra hamu mulak mangulahi mandapotkon angka tondi ni portibi on na gale jana na pogos i? Biasi laing ra dope hamu diparhatoban angka tondi i mangulahi?

EPESUS 1:10

Isi ni sangkap i, on do: Anso sada sudena na nitompa i, na adong di banua ginjang sanga na di portibi on dohot Kristus na gabe uluna. Jana salosehonon ni Debata ma i muda dung dumpang hatihana.

EPESUS 2:15

Angka Tona ni ugamo Jahudi dohot angka parentana i bope angka paraturanna i madung disesa Kristus i sudena anso gabe sada bangso na dua i hian, gabe sada bangso na imbaru, na mardomu dohot Kristus. Songon i ma dalanna dibaen Jesus laho mambaen pardamean i.

PANGARATAION 21:6

Jadi sude hatobangon ni kota na dumonok nangkin, angkon marbasu tangan halahi di ginjang ni lombu i,

PANGARATAION 23:11

Marayak andospotang angkon mangias diri do ia jana di halulusut ni mataniari, tola ma ia mulak tu bandar i.

KOLOSSE 2:16

Jadi hara ni i, ulang ma padiar hamu digorahon halak hamu hara ni sipanganon sanga siinumon sanga hara ni ari pesta ni ugamo, sanga angka pesta poltak ni bulan sanga pe hara ni Ari Sabat.

IBRANI 10:22

Antong hara ni i, tapadonok ma tu Debata mardongan roha na bulus dohot haporsayaan na tutu tu Debata; bope dohot roha na dung dipaias sian pangkilalaan na sala, bope dohot pamatang na dung nipaias dohot aek na lan.

IBRANI 13:9

Ulang ma padiar-diar hamu angka pangajaran na marragam-rupa i mangaliluhon hamu. Angkon denggan ni roha ni Debata do na patogu rohanta, i do na denggan; ulang ma angka paraturan ni sipanganon. Angke angka halak najolo na mangihutkon paraturan i nada adong pola gunana dapot halahi.

IBRANI 2:5

Anggo angka surusuruan nada dohot manjagit kuaso ni Debata, giot mamarenta di portibi na imbaru na giot ro i, i ma portibi na tahatai on saonnari.

IBRANI 6:2

i ma parsiajaran parmulaan taringot tu pandidion sanga taringot tu na mamayakkon tangan tu halak; sanga pe taringot tu na mulak mangolu sian hamatean bope uhuman na so ra mantak.

IBRANI 6:5

Sian pangalaman ni halahi pe diboto halahi do na denggan do hata ni Debata i, jana madung dihilala halahi angka tanda ni kuaso na giot ro i.

IBRANI 7:12

Antong muda muba-uba do hamalimon ni malim, Tona i pe angkon dohot do muba.

IBRANI 7:16

Na dipajongjong gabe Malim so pola marojahan tu angka aturan na nibaen ni jolma, tapi na marojahan tu ngolu na manongtong.

IBRANI 9:1

Adong do aturan ni ibadat sian ihot-ihot ni janji na parjolo i jana adong muse do inganan paribadatan na nibaen ni jolma.