IBRANI 9:1 - BIBEL JAMITA NA DENGGAN

¹ Adong do aturan ni ibadat sian ihot-ihot ni janji na parjolo i jana adong muse do inganan paribadatan na nibaen ni jolma.

IBRANI 9:1 ပူးပေါင်းရင်းမြစ်များ

HARURUAR 25:8

Suru ma anso dibaen bangso i di Au sada Bandar Na Badia, anso maringanan Au di tonga-tonga ni halahi.

JEHESKIEL 43:11

Jana dung maila halahi hara ni angka parbuatan ni halahi i, patorang ma gambaran ni BagasKon tu halahi: potonganna, angka pintuna laho masuk dohot ruar, parsusun ni bangunanna, sandok aturanna dohot uhum-uhumna. Suratkon ma i sudena di halahi anso diida jana tarparrohahon halahi sanga bia pangaturna sude, bope mangoloi sandok angka aturanna.

HAMALIMON 18:30

Dung i didok Tuhan i ma, “Ihutkon ma sude angka parenta na dung Hulehen i, ulang tiru hamu pangalaho ni halak na mangingani Kanaan andorang so diingani hamu. Ulang dibaen ramun diriniba sandiri marhite karejo na songon i. Au do Tuhan Debatamu.”

HAMALIMON 22:9

Sude malim angkon patuluskon angka aturan na dung Hulehen. Muda nada, sala do halahi jana angkon mate, patunda ni na mangalaosi angka aturan na badia i. Au do Tuhan jana na mamili halahi gabe hapunjunganKu.

BILANGAN 9:12

Ulang adong na nitinggalkon sanga panganon aha pe tu ari ancogotna i, jana nada tola hamu mamonggol holi-holi ni pahan-pahanan na haulkon tu Tuhan. Pestahon hamu ma Paskah i mangihutkon sude aturan.

LUKAS 1:6

Jop do roha ni Debata marnida ngolu ni halahi na saripe. Rap sipangoloi do halahi na dua di parenta dohot paraturan ni Tuhan.

SURAT NI SI PAULUS TU PARLAGUTAN ROM 9:4

Harana halak Israel do halahi, halahi madung dibaen gabe dakdanak, jana madung manjagit hasangapan, angka tona, ugamo dohot angka janji.

KOLOSSE 2:8

Manat ma hamu, ulang jabat adong na manarik hamu markite-hite angka hapistaran ni jolma na so marguna, tapi hum na palilu-liluhon sajo. Nada sian Kristus angka hapistaran na songon i, tapi sian angka panurirangon ni jolma sajo do i dohot sian panarik ni angka tondi ni pangarajai ni portibi on.

IBRANI 8:13

Jadi di na nidokNia sada ihot-ihot ni janji na imbaru, gabe nada hasaya be dibaen Debata ihot-ihot ni janji na parjolo i; jana sanga aha na so hasaya angkon manigor mago ma i.

IBRANI 8:2

Dikarejohon Ia do karejoNia songon Malim Godang di Bilik Na Sun Badia, i ma di Bandar na manongtong i, na nipajongjong ni Tuhan, nada na nibaen ni jolma.

IBRANI 8:7

Sugari sura nada adong hurangna pamudun ni janji na parjolo i, gabe nada pola porlu be pudunon janji na paduahon.

IBRANI 9:24

Harana anggo Bilik Na Sun Badia na nipature ni jolma i hum na manggambarkon Inganan Na Badia na satutuna i do i. Banua Ginjang i do na nimasuhan ni Kristus; disi ma Ia saonnari mangadop tu Debata laho manyarihon hita.