IBRANI 8:9 - BIBEL JAMITA NA DENGGAN

⁹ Nada sarupa janji i tu janji na Hubaen dohot ompung ni halahi di na Hutogu halahi haruar sian Mesir. Nada togu ditiop halahi janji na Hubaen dohot halahi, hara ni i ma umbaen na so Hupardulihon halahi.

IBRANI 8:9 ပူးပေါင်းရင်းမြစ်များ

PAMUNGKAAN 19:16

Ganggu dope si Lot. Tapi ibo ma roha ni Tuhan mida ia; jadi gabe ditogu tamu na dua i ma si Lot dohot daborunia dohot borunia na dua i, dioban ma halahi tu ruar ni kota i.

JOB 8:20

Hape anggo halak na setia, nada unjung ditadingkon Debata, jana muse nada jungada mangurupi tu halak na so hasaya.

MASMUR 105:43

Jadi ditaruhon Ia bangsoNia mardongan jop ni roha, marendei halahi marsurak marmoga-moga.

MASMUR 77:20

Songon parmahan diiring-iring Ho bangsoMu, na nipimpin ni si Musa dohot si Harun.

MASMUR 78:57

Marbalik do halahi songon ompuna songon sior na bengkok do halahi nada haposan.

HARURUAR 32:8

Manigor manyimbil do halahi antong sian dalan na Huparentahon tu halahi; dibaen halahi do anak ni lombu sian sere na nituang jana tusi ma halahi marsomba dohot mamelehon haul, didok halahi ma: Hamu ale halak Israel, on ma debatamunu na dung manogu hamu ruar sian tano Mesir.”

HARURUAR 34:10

Didok Ia ma tu si Musa, “Saonnari baenonKu ma parjanjian. BaenonKu ma angka hahomangan di jolo ni bangsomon, songon na so jungada tarjadi di sude tano on di tonga-tonga ni angka bangso. Idaon ni sude bangso na humaliang hamu ma, na nibaen ni Tuhan, angke sanga aha na Hubaen rap dohot ho, pambaenan na godang situtu do i.

ENDE NA GODANG 8:5

Ise do na ro sian padang halongonan na marsitiopan tangan dohot haholonganna? Husungguli ho di toru ni bona ni appel, disi do ingananmu ditubuhon.

JESAYA 40:11

Songon parmahan, disarihon Ia do na niparmahanNia, jana dipalagut Ia angka anak ni biri-biriNia; diabing Ia do halahi di tanganNia, lambok do ditogu Ia induk ni biri-biriNia.

JESAYA 41:13

Au Tuhan, Debatamu, maniop tangan siamunmu; ningKu do, ‘Ulang ho mabiar, urupanKu do ho.’ ”

JESAYA 51:18

Sian sude dakdanak na nitubuhonna, nada adong manogu ia, jana sian sude dakdanak na dipagodang-godangna umpe adong na maniop tangannia.

JESAYA 63:9

sian sude hasusaan ni halahi. Nada tongoson ni Tuhan suruan sanga duta, Ia sandiri do paluahon halahi. Sian narobi do dipature-ture Ia halahi hara ni holong dohot ibo ni rohaNia.

JEREMIA 31:32

Tapi nada sarupa parjanjian i dohot parjanjian na Hubaen tu ompu ni halahi di na Hutogu halahi haruar sian Mesir. Haru pe Au songon halaklahi ni halahi, tapi digagai halahi do parjanjianKu dohot halahi.

ANDUNG 4:16

Nada be diparrohahon Tuhan bangsoNia, Ia sandiri do paserakkonsa, dohot mambaen angka malim nada be mararga; angka pamimpin nada adong mangkaholongisa.

JEHESKIEL 16:59

Didok Tuhan Debata i ma, “BaenonKu ma tu ho hombar tu karejomu, dibaen madung disoadahon ho sumpamu boti dilaosi ho parjanjianKu dohot ho.

JEHESKIEL 16:8

Dung i mamolus ma Au sian i jana Huida ma ho, tutu, madung hatihana ho marhaposoon. Hupahembang ma abitKu tu ho laho mangulosi ho. Hubaen ma parjanjian dohot ho, songon i ma pandok ni Tuhan Debata, jana marhite na songon i Au ma nampuna ho.

AMOS 5:22

Muda dioban hamu haul situtungon dohot haul gandum nada ra Au manjagitsa. Nada ra Au manjagit angka pahan-pahananmunu na mokmok i na nihaulkonmunu gabe haul pardamean. Nada ra Au mangaligisa.

MALEAKI 2:13

On ma parbuatanmunu deba nari. Dilonong hamu do langgatan ni Tuhan dohot ilu ni mata, tangis do hamu jana mangandungi patunda ni na so ra be Tuhan manjagit angka haulmunu.

MARKUS 8:23

Gabe ditiop Jesus ma tangan ni na mapitung i, dung i ditogu Ia ma tu balian ni kota i. Dung i ditijuri Jesus ma mata ni na mapitung i, dipayakkon Ia ma tanganNia tu ginjang ni uluna i. Disapai Ia ma tu bayo i, “Ma adong he diida ho sanga aha saonnari?”

BAENON NI ANGKA RASUL 13:11

Ligi ma saonnari uhumon ni Tuhan ma ho, lopus nada idaonmu be sondang ni mataniari piga-piga ari on,” ning si Paulus. Manigor taraso ma di si Elimas, songon na adong na golap manutup matania i, gabe gapa-gapa noma ia mardalan manjalahi halak manogu ia.

BAENON NI ANGKA RASUL 7:36

Si Musa i ma na manguluhon halak Israel haruar sian Mesir jana na mambaen angka hahomangan dohot angka na so jungada masa di Mesir, di Laut Na Rara dohot di parhorsihan i opat pulu taon honokna.

BAENON NI ANGKA RASUL 9:8

Dung i jongjong ma si Saulus, diungkap ia ma matania hape nada diida ia be bagi aha. Ditogu-togu halahi noma ia lalu tu Damaskus.

GALATIA 4:24

On ma jolo songon tudosanna. Ina-ina na dua i tarsongon dua parjanjian ma i: Na sada marharoroan sian Dolok Sinai – i ma si Hagar; angka dakdanaknia pe sorang ma i songon hatoban.

PANGARATAION 29:1

On ma hata ni parjanjian na niparentahon ni Tuhan baenon ni si Musa dohot bangso Israel taran di tano Moab halahi. Songon tamba ni parjanjian na nibaen ni Tuhan dohot halahi na di Dolok Sinai do parjanjian on.

PANGARATAION 29:12

Sadari on marlagut do hamu sude dison laho mamudun janji na giot baenon ni Tuhan Debatamunu dohot hamu songon i muse laho manjagit angka na patut sikarejohononmunu.

PANGARATAION 29:25

Jana songon on ma alusna, ‘Hara ni na marbalik do bangso ni Tuhan i sian parjanjian na nibaen ni halahi dohot Tuhan, Debata ni ompu ni halahi, di na niobanNia halahi ruar sian Mesir.