IBRANI 8:8 - BIBEL JAMITA NA DENGGAN

⁸ Hape madung tardapot Debata hasalaan i di bangsoNa i, gabe didok Debata ma, “Ingot hamu ma, na ro ma hatihana, baenonKu ma janji na imbaru dohot bangsongKu Israel, dohot tu Marga Juda.

IBRANI 8:8 ပူးပေါင်းရင်းမြစ်များ

JESAYA 55:3

Tangihon ma ale bangsongKu, ro ma hamu tu Au, tangihon ma, anso mangolu hamu. Hara ni holong ni rohangKu na togu tu si Daud, naposongKi, Hupudun janji na hot dohot hamu.

JEREMIA 23:5

Didok Tuhan ma, “Dapot do i hatihana, patubuonKu ma di pomparan ni si Daud sada tunas na tigor. Marhite bisuk mamarenta raja i, jana patulusonna hatigoran dohot hatutuan di sandok luat.

JEREMIA 23:7

Harana songon on do didok Tuhan: Dapot do hatihana muse, nada be marsumpa halak marhite Au, Tuhan na mangolu na maroban halak Israel haruar sian Mesir,

JEREMIA 30:3

Angke dapot do muse hatihana pasuangonKu mangulahi bangsongKu Israel dohot Juda; obanonKu do halahi mangulahi mulak tu tano na dung Hulehen tu ompu ni halahi. Halahi noma nampuna tano i mangulahi. Au Tuhan, madung mandok songon i.”

JEREMIA 31:27

Au, Tuhan mandok dapot do i hatihana gohanKu Israel dohot Juda markite-hite jolma dohot pahan-pahanan.

JEREMIA 31:38

Didok Tuhan, “Dapot do i hatihana, paulion mangulahi sude Jerusalem songon kotangKu, sian Palas-palas Hananeel na di Hasundutan lopus tu horbangan na di suhi-suhi.

JEREMIA 32:40

BaenonKu ma parjanjian na hot dohot halahi. Nada mantak Au mambaen na denggan tu halahi. BaenonKu ma halahi mabiar jana mamparsangapi Au sian sandok rohana anso ulang mandao halahi sian Au.

JEHESKIEL 37:26

BaenonKu ma sada parjanjian dohot halahi na manjamin hasonangan ni halahi sapanjangna. PasupasuonKu, jana tambaanKu ma bilangan ni halahi. PajongjongonKu ma di tano ni halahi BagasKu na hot salolot-lolotna.

MATEUS 26:28

Angke on ma mudarKu na gabe jaminan ni parjanjian ni Debata. Niduruskon do mudarKon hara ni bahat halak, gabe hasesaan ni dosa.

MARKUS 14:24

Dung i didok Jesus ma tu halahi, “On ma mudarKu, na niduruskon di halak na bahat, i ma mudar na mambaen tulus parjanjian ni Debata.

LUKAS 17:22

Dung i didok Jesus ma tu angka anak siseanNia, “Na ro ma hatihana, na malungun hamu sugari idaonmunu ma sada sian angka ari ni Anak Ni Jolma i, tapi nada idaonmunu i.

LUKAS 22:20

Laing songon i ma dung sidung mangan, dilehen Ia ma panginuman i, tu halahi jana didok Ia ma, “Anggo anggur on, i ma parjanjian na imbaru sian Debata, na nicap dohot mudarKu, mudar na niduruskon hara ni hamu].”

LUKAS 5:38

Anggo anggur na baru angkon di inganan na imbaru do nisimpan!

1 KORINTUS 11:25

Laing songon i ma dung abis mangan, dibuat Ia muse ma panginuman ni anggur lalu didok Ia ma, “Parjanjian Na Imbaru do anggur on, na ditontuhon ni mudarKu. Ganop diinum hamu on, baen hamu ma on marningot Au.”

2 KORINTUS 3:6

Ia do na mambaen hami sanggup gabe pangoloi di sada parjanjian na imbaru; i ma parjanjian na marguru tu Tondi Parbadia, nada marguru tu angka aturan na tarsurat. Angke mamatehon do anggo na tarsurat i, hape na sian Tondi Parbadia i, na pangoluhon do.

PANGARATAION 29:14

Nada hum tu hamu sajo dibaen Tuhan parjanjian dohot angka na patut sikarejohononmunu on.

IBRANI 12:24

Diadopi hamu do Jesus pandomui na mambaen janji na imbaru i; diadopi hamu do mudar pamispison na gabe jaminan ni angka na dao dumenggan sian na nijamin ni mudar ni si Abel.

IBRANI 7:22

Jadi dao do dumenggan pamudun ni janji na nibaen ni Jesus i.

IBRANI 8:13

Jadi di na nidokNia sada ihot-ihot ni janji na imbaru, gabe nada hasaya be dibaen Debata ihot-ihot ni janji na parjolo i; jana sanga aha na so hasaya angkon manigor mago ma i.

IBRANI 8:6

Tapi saonnari madung dijagit Jesus karejo na dao sumurung. Angke dumenggan dope pamudun ni janji na nibaen antara ni Debata dohot jolma markite-hite Jesus na songon Pandomuina, angke na marojahan tu janji na dumenggan dope i.

IBRANI 9:15

Jadi hara ni i do dibaen Debata sada janji na imbaru markite-hite Kristus, anso maruli pasupasu na so ra mantak angka halak na nipiohon ni Debata, i ma pasupasu na dung nijanjihon ni Debata. Tulus pe sudena i hara ni na dung adong do na mate, i ma Kristus; jana dipalua hamamateNia i ma halak sian angka hasalaan na nibaen ni halahi dompak margogo janji na parjolo i.