IBRANI 8:6 - BIBEL JAMITA NA DENGGAN

⁶ Tapi saonnari madung dijagit Jesus karejo na dao sumurung. Angke dumenggan dope pamudun ni janji na nibaen antara ni Debata dohot jolma markite-hite Jesus na songon Pandomuina, angke na marojahan tu janji na dumenggan dope i.

IBRANI 8:6 ပူးပေါင်းရင်းမြစ်များ

JEREMIA 50:5

Sapaan ni halahi ma dalan tu Sion, lalu mardalan ma halahi sabola tusi. Baenon ni halahi ma parjanjian na hot dohot Au jana nada langgaron ni halahi janji i.

LUKAS 22:20

Laing songon i ma dung sidung mangan, dilehen Ia ma panginuman i, tu halahi jana didok Ia ma, “Anggo anggur on, i ma parjanjian na imbaru sian Debata, na nicap dohot mudarKu, mudar na niduruskon hara ni hamu].”

SURAT NI SI PAULUS TU PARLAGUTAN ROM 9:4

Harana halak Israel do halahi, halahi madung dibaen gabe dakdanak, jana madung manjagit hasangapan, angka tona, ugamo dohot angka janji.

EPESUS 2:12

Nada mardomu hamu dohot Kristus hatiha i, halak na asing do hamu na so tarmasuk halak Israel. Nada masuk hamu tu na manjagit janji na nibaen ni Debata dohot bangsoNia i. Nada adong sanga aha arop ni rohamunu na mangolu i di tano on jana nada marsomba tu Debata na sintong hamu.

1 TIMOTEUS 2:5

harana hum sada sajo do Debata jana sada muse do panonga-nongai ni Debata dohot jolma, i ma jolma Jesus Kristus.

TITUS 1:2

marguru tu arop ni roha di hangoluan na so mantak i. Harana na dung dijanjihon Debata hian do i dompak so dijadihon dope portibi on – jana nada tarbaen Debata margabus.

IBRANI 12:24

Diadopi hamu do Jesus pandomui na mambaen janji na imbaru i; diadopi hamu do mudar pamispison na gabe jaminan ni angka na dao dumenggan sian na nijamin ni mudar ni si Abel.

IBRANI 7:22

Jadi dao do dumenggan pamudun ni janji na nibaen ni Jesus i.

2 PETRUS 1:4

Songon i ma dalanna dibaen Debata mangalehen tu hita angka pasupasu na godang jana na arga na dung nijanjihonNia hian. Hara ni angka pasupasu i tarbaen ma hamu malua sian angka hagiot na jat na adong di portibi on, jana maruli ma hamu di angka bako ni Debata.