IBRANI 8:5 - BIBEL JAMITA NA DENGGAN

⁵ Anggo angka karejo na nibaen ni halahi hara ni hamalimon ni halahi i, satutuna tarsongon sada tudosan dohot gambaran ni na di banua ginjang do i. Ma pola dipaboa Debata i najolo tu si Musa, di na laho pajongjongkon bandar i si Musa. Didok Debata do songon on tu si Musa, “Ingot ma! Angkon baenonmu do sudena i mangihutkon tiruan na nipatuduhon tu ho di ginjang ni dolok i.”

IBRANI 8:5 ပူးပေါင်းရင်းမြစ်များ

1 JUJUR TAON 28:12

Laing dipasahat si Daud ma sude sangkap na dung dipikirkon ia salaho tu bagian ni alamanna dohot angka kamar humaliangna, dohot salaho tu angka gudang panyimpanan ni na hasaya di Bagas Ni Debata dohot panyimpanan ni angka silehen-lehen di Tuhan.

1 JUJUR TAON 28:19

Dung i didok Raja Daud ma, “Madung adong sudena i di sangkap na nisuratkon marguru tu na nidok ni Tuhan sandiri tu au, anso dipatulus.”

HARURUAR 25:40

Jagohon ma anso laing tudosan ni parlampuan na Hupatidahon na di ginjang dolok i tu ho pambaenna.”

HARURUAR 25:9

Angkon marguru tu sangkap na giot patuduhononKu tu hamu do baenonmunu Bandar Parmianan dohot sude panjamaan sipakeon disi.”

HARURUAR 26:30

Songon rancangan na Hupatidahon di ginjang dolok i ma pajongjong Bandar Parmianan.

HARURUAR 27:8

Sian papan do baenonmunu di bagasan marguru tu rancangan na Hupatuduhon tu ho di ginjang ni dolok i.”

BILANGAN 8:4

Anggo inganan ni lampu i sian ginjang lalu tu toru, dibaen sian sere na nitopa do songon na dung dipaboa ni Tuhan i hian tu si Musa.

MATEUS 2:12

Laho mulak halahi tu kotana, inda sian dalan na parjolo i be dibolus halahi. Angke ro do Debata paingotkon halahi markite-hite nipi, anso ulang be mangulahi halahi mandapotkon si Herodes.

BAENON NI ANGKA RASUL 7:44

Bandar Hasaksian adong do di tonga-tonga ni jolma ompunta na di halongonan i. Hombar tu parenta ni Debata tu si Musa do dipature, jana mangihutkon gambaran na nipatidahon ni Debata tu si Musa.

KOLOSSE 2:17

Halinu ni angka pangalaho na giot ro do sudena i, tapi anggo na satutuna Kristus do!

IBRANI 10:1

Dibaen hum halinu ni angka haluaan na giot ro i do na di bagasan Tona i, nada anggo haluaan i sandiri. Hara ni i nada tarbaen Tona i markite-hite angka haul na tongtong dihaulkon ganop taon padenggankon singkop angka na ro tu Debata.

IBRANI 11:7

Hara ni na porsaya, gabe dijagit si Noak do barita na nilehen ni Debata tusia taringot tu angka na giot masa muse, na so haidaan dope tanda-tandana. Laing hara ni i muse ma, gabe dioloi si Noak Debata, gabe dipauli ia sada parau na paluahon ia muse rap dohot pangisi ni bagasnia. Jadi gabe dipasala ma portibi on, hape anggo si Noak sandiri didok Debata ma gabe halak na burju hara ni haporsayaannia.

IBRANI 12:25

Antong, jago ma hamu anso ulang jabat layas rohamunu tuSia na mandok hata i. Salangkan halahi na so manangihon na palalu hata ni Debata di portibi on nada tarbaen marlojong, mur ma hita on na umbege hata na nidokNia sian banua ginjang. Muda nada ra hita manangihonsa, bia dope pambaenna malua hita sian Ia!

IBRANI 13:10

Adong do di hita sada inganan laho pasahat haul tu Debata. Jana angka malim na markarejo mangoloi di bagasan bandar i, nada dipatola halahi mangankon haul na adong di ginjang ni parkaulan i.

IBRANI 9:9

Hatiha sisaonnari on ma na nigambarkon ni i; astuanna, anggo angka haul sanga haul pahan-pahanan na nihaulkon i tu Debata, nada tarbaen i paias roha ni halak na manghaulkon i gabe sanggam.

JOSUA 22:28

Jadi anggo maksudnami songon on ma: Sugari sura didok pomparanmunu songon i, gabe bolas ma dohonon ni pomparannami, ‘Ligi da langgatan i! Na dipajongjong ni ompu na umpompar hami do sada langgatan na tudos songon langgatan ni Tuhan. Nada na giot tu haul situtungon sanga baen tu sihaulkonon, tapi na laho tanda do i di hita na dua pihak.’

HALUMBAAN 15:5

Dung i huida ma marbuka Bagas Na Badia – bandar hasaksian – di banua ginjang.