IBRANI 8:1 - BIBEL JAMITA NA DENGGAN

¹ Impola ni sude na tahatai on, songon on ma: Adong do di hita Malim Godang na songon i, na juguk di siamun ni habangsa ni Debata Na Gumodang i di banua ginjang.

IBRANI 8:1 ပူးပေါင်းရင်းမြစ်များ

1 JUJUR TAON 29:11

Tutu do Ho na godang, jana na markuaso. Marmulia do Ho, manongtong jana na godang. Ho do nampuna sasude na adong di langit dohot na di tano on. Raja na bonggal do Ho, na mangarajai sandok na adong.

JOB 37:22

Muldop do sibalik hunik di Utara, jana hasangapan ni Debata mambaen homang rohanta.

MASMUR 104:1

Puji ma Tuhan, ale tondingku! Na godang situtu do Ho, ale Tuhan Debatangku! Marpakean hasangapan dohot hatongamon do Ho,

MASMUR 110:1

Didok Tuhan do tu tuanku, “Juguk ma ho di siamunKu, lopus tu na Hubaen angka musumu gabe sidege-degean ni patmu.”

MASMUR 145:12

Jadi botoon ni halak ma sudena karejoMu na sangap i, dohot harajaan na godang jana na jeges i.

MASMUR 21:5

Hara ni pangurupiMu mambaen tangkas ia tarida, dibaen Ho goarnia marmulia jana tarbarita.

JESAYA 24:14

Marende jop ni roha ma sanga ise angka na malua. Baritahonon ni halak na di Hasundutan ma hagodangan ni Tuhan,

MIKA 5:4

jana ia do hadameon i. Muda ro tentara ni Asur mamorangi tanonta on dohot mangarumpakkon partahananta, pabangkitonta ma pitu halak parmahan mangalaho halahi, bope sanga salapan halak pamimpin ni jolma.

MARKUS 16:19

Dung sidung Jesus mandok hata tu halahi, manaek ma Jesus tu banua ginjang. Juguk ma Ia disi, di siamun ni Debata.

EPESUS 6:20

Gabe utusan do au hara ni Jamita Na Denggan i jana di hurungan saonnari. Tangiangkon hamu ma anso puluk au mangkobari taringot tu Jamita Na Denggan i, songon na patut sidohononku.

KOLOSSE 3:1

Madung dipangolu hamu mangulahi rap dohot Kristus. Hara ni i angkon marusaho be ma hamu anso dapot hamu angka pangalaho na di banua ginjang, di inganan ni Kristus juguk di siamun ni Debata.

IBRANI 1:13

Nada jungada didok Debata songon on tu angka surusuruanNia, “Juguk ma Ho di siamunKu, lopus Hubaen angka musuMu gabe si degean ni patMu.”

IBRANI 1:3

Ia do sinondang hasangapan ni Debata, jana Ia do gambaran ni Debata sandiri dohot na mangasahon sasude markite-hite hataNia na gok kuaso. Dung sidung dipaias Ia jolma sian angka dosa ni halahi, juguk ma Ia di siamun ni Na Sun Margogo i di banua ginjang.

IBRANI 10:12

Tapi anggo Ia, dung dihaulkon Ia haul na sada i, hara ni dosa, juguk ma Ia salolot-lolotna di siamun ni Debata.

IBRANI 12:2

Tu Jesus ma tatatap, na manogu-nogu hita di bagasan haporsayaan, jana na maroban haporsayaanta i tu hasanggaman. Ditaonkon Ia do mate di hayu parsilang gonti ni jop ni roha na dung diparade diSia, jana juguk do Ia nuaeng di siamun ni habangsa ni Debata.

IBRANI 2:17

Jadi astuanna, angkon sarupa do Ia dohot halahi di sude pangalaho. Jadi dung songon i tarbaen Ia ma diriNia gabe Malim Godang ni halahi, na burju jana na maribo ni roha di na nioloanNia Debata laho manyesa angka dosa ni halahi.

IBRANI 3:1

Hara ni i ale angka dongan na badia, na dohot taruli di pio-pio na sian banua ginjang, ligi hamu ma rasul dohot Malim Godang na taoku i, i ma Kristus Jesus.

IBRANI 4:14

Hara ni i do dibaen na angkon togu tioponta haporsayaanta i. Angke adong do Malim Godang na sangap di hita, na dung masuk lalu tu jolo ni Debata – i ma Jesus Anak Ni Debata.

HALUMBAAN 3:21

Di na monang i ma lehenonKu anso juguk ia rap dohot Au di habangsangKi, laing songon Au na monang jana na juguk rap dohot Damang di habangsaNia i.