IBRANI 7:26 - BIBEL JAMITA NA DENGGAN

²⁶ Jadi Jesus i do Malim Godang na porlu di hita. Na badia do Ia; nada adong dapot disi hasalaan sanga dosa aha pe. Madung disirang Ia sian angka jolma pardosa jana dipanaek lopus tu inganan na gumincat sian langit.

IBRANI 7:26 ပူးပေါင်းရင်းမြစ်များ

MASMUR 68:18

Manaek ma Ia tu inganan na gincat mardongan sahala, bahat do dioban Ia angka na tartaban; jana dijagit Ia do silua somba-somba sian angka jolma, jana dohot sian angka pangalo, anso maringan. halahi rap dohot Tuhan Debata.

HARURUAR 28:36

Baen ma sada parhiasan sian sere na polin na nigorga dohot pandohan, ‘Nabadia di Tuhan’.

JESAYA 53:9

Dikubur do ia rap dohot halak na jahat, jana ditanom di tonga-tonga ni halak na maradong, harupe na so jungada ia mangasahon gogo, jana nada adong sipaoto-oto di angka hatania.”

JEHESKIEL 44:27

lalu kehe ma ia tu alaman parbagasan na di BagasKu, jana haulkononna haul laho paias dirina anso tola ia mangulahi markarejo ni BagasKu. Au Tuhan Debata madung mandok songon i.

BILANGAN 29:26

Di ari palimahon haulkon hamu ma sambilan lombu jantan na poso, dua biri-biri jantan, dohot opat bolas anak ni biri-biri jantan na marumur sataon, sudena i na so martihas.

MATEUS 27:18

Didok gubernur i pe songon i hara ni na dung diboto ia do, na late do roha ni halahi umbaen na dipasahat halahi Jesus tusia.

MARKUS 16:19

Dung sidung Jesus mandok hata tu halahi, manaek ma Jesus tu banua ginjang. Juguk ma Ia disi, di siamun ni Debata.

LUKAS 1:35

Dialusi surusuruan i ma, “Tondi Parbadia do mangarajai ho jana kuaso ni Debata ma manggohi ho. Hara ni i ma da umbaen nigoaran Dakdanak i na Badia i, Anak Ni Debata.

LUKAS 23:22

Dung i patolu nolihon marsurak ma si Latus tu halahi. Ninna si Latus ma, “Aha ma he hasalaanNia? Nada adong dapot au sada pe hasalaan diSia na patut uhumon Ia tu hamatean! Huajar ma Ia, dung i baru ma anso hupalua.”

LUKAS 23:41

Anggo hita uhuman na patut do antong, hombar tu pangalahonta. Tapi anggo Bayo on saotik pe inda adong salaNia!”

LUKAS 23:47

Dung diida komandan ni tentara i na masa i, gabe dipuji ia ma Debata. Ning ia ma, “Tutu do! Halak na tigor do Bayo on!”

LUKAS 24:26

Na he angkon taonon ni Kristus i do sudena parkancitan i, laho masuk tu hamuliaanNia i?”

LUKAS 24:46

Dung i didok Jesus ma tu halahi, “Na dung tarsurat hian do di Buku Na Badia i, angkon manaon parkancitan do Kristus i, jana mulak mangolu Ia sian hamatean di ari patoluhon.

JOHANNES 14:30

Nada pola bahat be Au mandok hata tu hamu angke madung ro raja ni portibi on. Tapi nada markuaso i tu Au.

JOHANNES 8:29

Jana na marsuru Au, sai rap do Ia dohot Au. Nada jungada dipadiar Ia sasada Au sajo, angke sai Hubaen do sanga aha na pasonangkon rohaNia.”

BAENON NI ANGKA RASUL 3:14

Ditulak hamunu do Na Badia jana Na Tigor i, jana dipangido hamunu do anso dipalua sibunu jolma i.

BAENON NI ANGKA RASUL 4:27

Tutu do songon i. Angke marlagut do si Herodes dohot si Pontius Pilatus rap dohot halak na so mananda Tuhan bope halak Israel di kota on. Marlagut do halahi laho mangalo Jesus NaposoMu Na Badia i, na NimiahanMi,

2 KORINTUS 5:21

Nada mardosa Kristus i, hape gabe dosa do Ia dibaen Debata jana dipaporsankon do tuSia dosanta i, anso tajagit hatigoran ni Debata hara ni hasadaonta dohot Kristus i.

IBRANI 1:3

Ia do sinondang hasangapan ni Debata, jana Ia do gambaran ni Debata sandiri dohot na mangasahon sasude markite-hite hataNia na gok kuaso. Dung sidung dipaias Ia jolma sian angka dosa ni halahi, juguk ma Ia di siamun ni Na Sun Margogo i di banua ginjang.

IBRANI 12:2

Tu Jesus ma tatatap, na manogu-nogu hita di bagasan haporsayaan, jana na maroban haporsayaanta i tu hasanggaman. Ditaonkon Ia do mate di hayu parsilang gonti ni jop ni roha na dung diparade diSia, jana juguk do Ia nuaeng di siamun ni habangsa ni Debata.

IBRANI 2:10

Madung sapatutna nian baenon ni Debata na manompa jana na pangolu sasudena – Jesus gabe sanggam hara ni parkancitanNa i. Jadi hara ni i tarpiohon Jesus do bahat halak anso dohot nipasangap rap dohot Ia. Angke Ia do na mambaen dalan di halahi anso tola dohot nipalua.

IBRANI 2:17

Jadi astuanna, angkon sarupa do Ia dohot halahi di sude pangalaho. Jadi dung songon i tarbaen Ia ma diriNia gabe Malim Godang ni halahi, na burju jana na maribo ni roha di na nioloanNia Debata laho manyesa angka dosa ni halahi.

IBRANI 3:1

Hara ni i ale angka dongan na badia, na dohot taruli di pio-pio na sian banua ginjang, ligi hamu ma rasul dohot Malim Godang na taoku i, i ma Kristus Jesus.

IBRANI 7:11

Antong, sugari sura madung ro hasanggaman i markite-hite hamalimon ni halak levi – angke di toru hamalimon ni halahi do dijagit halak na bahat Tona i – aha dope he gunana dipabangkit Malim Godang mangihutkon aturan ni si Melkisedek, jana nada nidok mangihutkon aturan ni si Harun?

IBRANI 8:1

Impola ni sude na tahatai on, songon on ma: Adong do di hita Malim Godang na songon i, na juguk di siamun ni habangsa ni Debata Na Gumodang i di banua ginjang.

IBRANI 9:14

mur ma mudar ni Kristus! Markite-hite Tondi na manongtong, dihaulkon Kristus do diriNia sandiri tu Debata gabe haul na sanggam. Dipaias mudarNia i do taroktokta sian angka karejo na so marguna, anso tarbaen hita dohot mangoloi karejo na so marguna, anso tarbaen hita dohot mangoloi Debata na mangolu i.

1 PETRUS 1:19

tapi na lobi arga do dibaen; i ma diri ni Kristus sandiri, na gabe songon biri-biri na nihaulkon tu Debata na so martihas sanga marhahurangan.

1 PETRUS 2:22

Nada jungada Ia mambaen dosa jana sahalak pe nada adong jungada umbege Ia margabus.

1 PETRUS 3:22

jana madung manaek Ia tu banua ginjang. Saonnari markuaso ma Ia rap dohot Debata jana mamarenta tu sude surusuruan, tu sude parkuaso dohot tu sude angka hagogoon di pangalaho partondion.

1 JOHANNES 2:2

Markite-hite Jesus Kristus do dapot hita hasesaan ni angka dosanta i. Jana nada hum dosanta na nisesaNia, tapi dohot do dosa ni sandok tano on.

1 JOHANNES 3:5

Diboto hamu do sanga hara ni aha umbaen na ro Kristus, i ma na laho manyesa angka dosa ni jolma jana nada adong dosa di bagasan Ia.

HALUMBAAN 3:7

“Tu surusuruan ni parlagutan na di Piladelpia, songon on ma suratkon: On ma barita sian Na Badia jana Na Tigor i. I ma sitiop kunci ni si Daud; muda dibuka Ia, nada adong sahalak pe na tarbaen manutupsa, jana muda ditutup Ia nada tarbuka sanga ise be i.