IBRANI 7:22 - BIBEL JAMITA NA DENGGAN

²² Jadi dao do dumenggan pamudun ni janji na nibaen ni Jesus i.

IBRANI 7:22 ပူးပေါင်းရင်းမြစ်များ

PAMUNGKAAN 43:9

Ngolungkon ma hupasahat jaminanna jana tu au ma dituntut amang tanggung jawab salaho tu hahorasan ni dakdanak i. Muda nada horas ia huoban mulak, au ma mananggung hasalaan lopus mate au.

PAMUNGKAAN 44:32

Sada muse, na dung hupasahat do ngolungku tu amanta hami songon jaminan ni dakdanak on. Ma hudok tusia; muda nada huoban mulak dakdanak on tusia, au ma mananggung sala lopus mate au.

MASMUR 119:122

Janjihon ma paboa na giot urupanMu au, ulang padiar halak siginjang roha manyosak au.

PODA 20:16

Sanga ise na mananggung utang ni halak na so nitandana, patut dibuat sinadonganna gabe jaminan ni janjina.

PODA 6:1

Ale anakku, betak na jungada ho marjanji sanga na tu ise laho mananggung utangna.

JESAYA 38:14

Sorangku mur longon jana lambok, songon darapati morong-orong noma au. Loja matangku hara ni na sai manatap tu langit, Tuhan, palua ma au sian hasusaan on.

DANIEL 9:27

Baenon ni raja i ma parjanjian na togu dohot bahat jolma pitu taon honokna. Di Parsitongaan ni hatiha i antahonnia ma na mambaen pelean dohot haul. Dung i Hajahatan Na Manyegohon baenonna ma maringanan di Bagas Ni Tuhan jana sai tongtong ma i disi lopus didondoni hamamago na mambaen ia tusi, i ma hamamago na nitontuhon ni Debata disia.”

MATEUS 26:28

Angke on ma mudarKu na gabe jaminan ni parjanjian ni Debata. Niduruskon do mudarKon hara ni bahat halak, gabe hasesaan ni dosa.

MARKUS 14:24

Dung i didok Jesus ma tu halahi, “On ma mudarKu, na niduruskon di halak na bahat, i ma mudar na mambaen tulus parjanjian ni Debata.

LUKAS 22:20

Laing songon i ma dung sidung mangan, dilehen Ia ma panginuman i, tu halahi jana didok Ia ma, “Anggo anggur on, i ma parjanjian na imbaru sian Debata, na nicap dohot mudarKu, mudar na niduruskon hara ni hamu].”

1 KORINTUS 11:25

Laing songon i ma dung abis mangan, dibuat Ia muse ma panginuman ni anggur lalu didok Ia ma, “Parjanjian Na Imbaru do anggur on, na ditontuhon ni mudarKu. Ganop diinum hamu on, baen hamu ma on marningot Au.”

IBRANI 12:24

Diadopi hamu do Jesus pandomui na mambaen janji na imbaru i; diadopi hamu do mudar pamispison na gabe jaminan ni angka na dao dumenggan sian na nijamin ni mudar ni si Abel.

IBRANI 13:20

Madung dipangolu Debata Tuhanta Jesus sian hamatean. Hara ni hamamateNia i, gabe Parmahan Bolon ma Ia saonnari di hita na gabe songon biri-biriNia. Laing songon jaminan muse do hamamateNia i taringot tu janji na so ra muba na sian Debata.

IBRANI 7:23

Adong dope sada nari: Bahat do anggo angka malim na asing i, angke marmatean do halahi gabe nada tarbaen be manoruskon jabatanna i.

IBRANI 8:13

Jadi di na nidokNia sada ihot-ihot ni janji na imbaru, gabe nada hasaya be dibaen Debata ihot-ihot ni janji na parjolo i; jana sanga aha na so hasaya angkon manigor mago ma i.