IBRANI 7:20 - BIBEL JAMITA NA DENGGAN

²⁰ Boti muse, nada tulus i, ia so markite-hite sumpa, tutu dibaen do halahi gabe Malim nada markite-hite sumpa.

IBRANI 7:20 ပူးပေါင်းရင်းမြစ်များ

MASMUR 110:4

Madung marsumpa Tuhan, nada tarihonNia be mangulahi, “Ho do malim salolot-lolotna, mangihutkon aturan ni si Melkisedek.”

BILANGAN 18:7

Tapi hum ho dohot anakmu sajo do na tola mandalankon karejo ni malim na mardomu dohot langgatan bope dohot barang aha pe na adong di Bilik Na Sun Badia i. I ma karejomu, dibaen madung Hubaen hamu gabe malim. Ganop halak na so dapotan hak na songon i angkon mate uhumon muda donok tu angka barang na badia i.”

IBRANI 5:6

Di na asing didok Debata muse do, “Gabe Malim ma Ho salolot-lolotna, mangihutkon horong ni Malim Melkisedek.”

IBRANI 7:19

Dibaen nada adong na ni paujung ni Tona na sanggam i, hara ni i do nipabangkit arop ni roha na dumenggan, markite-hite i do tarpadonok hita tu Debata.

IBRANI 7:21

Tapi anggo Ia mamake sumpa do i di na niangkat Ia gabe Malim, di na nidok ni Debata tuSia, “Madung marsumpa Tuhan, jana na so ubaonNia be di na nidokNia i, ‘Ho do Malim salolot-lolotna.’ ”