IBRANI 7:2 - BIBEL JAMITA NA DENGGAN

² Dung i dilehen si Abraham ma tu si Melkisedek saparsampulu ni sude na dapotnia sian parporangan i. (Goar Melkisedek astuanna na parjolo, “Raja Na Adil”; jana hara ni raja sian Salem ia, gabe “Raja Hasonangan” ma astuan ni goarnia.)

IBRANI 7:2 ပူးပေါင်းရင်းမြစ်များ

PAMUNGKAAN 28:22

Jana lehenonku ma di Ho saparsampulu ni sandok na nilehenMu di au. Batu parningotan, na hupajongjong on, gabe inganan parsombaan tu Ho ma i.”

2 SAMUEL 23:3

Madung mangkuling Debata ni Israel; didok pangondian ni Israel do tu au: “Muda sahalak jolma mamarenta rayatna mardongan hatigoran na mamimpin mardongan pangoloion tu Tuhan.

2 SAMUEL 8:15

Songon i ma si Daud mamarenta di sude Israel jana dijago ia do rayatnia i anso sai dipatupa na tigor dohot na denggan tu halahi.

1 JUJUR TAON 22:9

Tapi haru songon i pe, dilehen Ia do janji tu au mandok, ‘Adong ma sada anakmu. Mamarenta do ia di bagasan sonang, angke urupanKu do ia jabat nada adong masa porang. Goaron ma ia si Salomo, angke salolot ia mamarenta, sonang jana aman do baenonKu Israel.

MASMUR 72:7

Salolot di ngoluna, sai mur tu jegesna ma manjarar hatigoran, jana donaon na marlobian saleleng adong dope bulan!

HAMALIMON 27:32

Sada sian sampulu pahan-pahanan, Tuhan do nampuna i. Muda dietong pahan-pahanan i, ganop na pasampuluhon, Tuhan do nampuna i.

MIKA 5:5

Taluhonon ni halahi ma Asur dohot luat ni si Nimrod marhite podang; jana paluaon ni halahi ma hita sian halak Asur, muda ro halahi masuk tu tanonta dohot mamolus luatta jana mandege luatta.

BILANGAN 18:21

Didok Tuhan ma tu si Harun, “Saparsampulu sian sude na nilehen ni halak Israel di Au, madung Hulehen di halak Levi. On ma upa ni halahi pature-ture Bandar ParmiananKu.

MATEUS 1:23

“Denggan ma pamatang ni sada bujing-bujing, sorang ma sian ia sada anak halaklahi. Digoari ma Dakdanak i Immanuel.” (Di hata Ibrani, Immanuel astuanna “Debata do rap dohot hita”.)

LUKAS 2:14

“Hasangapan ma di Debata na di ginjang, dame ma di tano on di angka jolma halomoan i!”

SURAT NI SI PAULUS TU PARLAGUTAN ROM 3:26

Jadi dipatidahon Ia do hatigoranNia di hatiha on, anso tarida na tigor do Ia, jana patigorkon halak na porsaya tu Jesus.

IBRANI 7:1

Raja sian Salem do si Melkisedek on jana malim ni Debata Na Gumincat i. Hatiha mulak si Abraham sian parporangan di na nitaluhonnia angka raja, ro ma si Melkisedek mangalo-alo jana mamasumasu ia.

IBRANI 7:3

Na so marama, na so marina do ia, na so martarombo, na so marmula ni ari, jana na so marujung di ngoluna, tapi sobok do ia dohot Anak Ni Debata. Na gabe malim do ia ro di salolot ni salolotna.

1 SAMUEL 8:15

Baenonna ma pajak ni ladang dohot kobun anggurmunu saparsampulu sian suhana, jana lehenonna ma i tu angka parpangkat dohot tu angka pagawena.

1 SAMUEL 8:17

Saparsampulu sian hambengmunu dohot biri-birimunu buatonnia ma i. Jana hamu sandiri gabe hatobanna.