Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




IBRANI 7:19 - BIBEL JAMITA NA DENGGAN

19 Dibaen nada adong na ni paujung ni Tona na sanggam i, hara ni i do nipabangkit arop ni roha na dumenggan, markite-hite i do tarpadonok hita tu Debata.

အခန်းကိုကြည့်ပါ။ ကော်ပီ




IBRANI 7:19
29 ပူးပေါင်းရင်းမြစ်များ  

Denggan sajo do di au, hara ni na donok tu Debata, parondingan do hubaen Tuhan Debata, anso tarpajojor au pambaenanNia sudena.


Dibaen dilehen do Tona i markite-hite si Musa tapi anggo asi ni roha dohot hasintongan markite-hite Jesus Kristus do.


Ninna Jesus ma mangalusi, “Au do dalan i dohot hasintongan dohot hangoluan. Nada adong na tarbaen ro tu Ama i anggo so markite-hite Au.


jana nipatigor do ganup halak na porsaya diSia. Nada tarpalua hamu markite-hite tona ni si Musa.


Markite haporsayaan tuSia muse do hita dapotan dalan masuk tu asi ni roha ni Debata. Di bagasan asi ni roha i do hita mangolu, jana marmoga-moga di bagasan arop ni roha tu hamuliaan ni Debata!


Antong, aha ma na tardok hita? Dosa dehe lakna Tona i? Nada! Tapi Tona i do na patandahon tu au taringot tu dosa. Nada huboto hian sanga na aha impol ni roha i, sugari nada didok Tona i, “Ulang impol rohamu.”


Sanga aha na so tarpatupa Tona i, hara ni bako ni hajolmaonta na gale, madung dibaen Debata. Madung ditaluhon Debata do kuaso ni dosa na di bagasan bako ni jolma i, i ma markite-hite na marsuru AnakNia sandiri, na ro di bagasan pangalaho na sarupa dohot jolma pardosa, laho manyesa dosa.


Haru songon i pe hami boto do hum hara ni na mangkaporsayai Jesus Kristus sajo do tarbaen mardenggan mangulahi jolma dohot Debata, jana nada hara ni na mandalankon angka Tona. Hami haporsayai muse do Jesus Kristus, anso mardenggan hami mangulahi tu Debata hara ni haporsayaannami i tu Jesus Kristus; jana nada hara ni na mandalankon angka Tona. Angke anggo hara ni na mandalankon Tona do, sahalak pe nada tarbaen mardenggan mangulahi tu Debata.


Muda songon i, na maralo dehe Tona i tu janji ni Debata? Nada! Harana sugari sura tarbaen Tona i mangalehen hangoluan tu jolma, antong tarbaen do mangulahi mardenggan jolma dohot Debata hara ni Tona i.


Songon parorot na mamodai hita do Tona i lopus lalu tu Kristus, na patigorkon hita markite-hite haporsayaanta i.


Dohot dalan mangkaporsayai Kristus bope hara ni na mardomu dohot Ia, dipatola ma hita laho mandonohi Debata mardongan haporsayaan na gok.


Anggo tu bangsoNia i ra do Debata paboahon sanga na bia dengganna dohot godangna rahasiaNia i di sudena jolma manusia. On do rahasia i: Di bagasan dirimunu do Kristus, jadi gabe dohot ma hamu maruli di hagodangan ni Debata.


Sian si Paulus, rasul ni Kristus Jesus, markite-hite tona ni Debata Sipalua hita dohot Kristus Jesus arop ni rohanta i.


Dibaen hum halinu ni angka haluaan na giot ro i do na di bagasan Tona i, nada anggo haluaan i sandiri. Hara ni i nada tarbaen Tona i markite-hite angka haul na tongtong dihaulkon ganop taon padenggankon singkop angka na ro tu Debata.


angke adong dope sangkap ni Debata na dumenggan salaho tu hita. Angkon rap do dohot hita anso gabe sanggam halahi.


Muda so marhaporsayaan sanga ise pe nada tarbaen pasonang roha ni Debata. Angke sanga ise na ro tu Debata angkon porsaya do ia na tutu adong Debata jana lehenon ni Debata do upa tu angka na manjalahi Ia.


Tapi anggo Kristus, songon anak do di bagasNia. Jana hita do bagas i muda tongtong marmomos jana marpos ni roha paboa na jagitonta do sanga aha na niarop ni rohanta.


Hara ni i, pos ma rohanta ulang pola mabiar be hita mandapotkon habangsa parasinirohaan, anso tajagit ibo ni roha dohot dumpangan asi ni roha, na gabe pangurupi di hatiha na dung ditontuhon i.


Dua pangalaho na so ra muba; nada margabus Debata di janji dohot sumpaNia! Hara ni i, hita angka na marlinggom tu Debata, adong do di hita jaminan na togu anso tongtong mararop ni roha tu na nipasingkop di hita di hatiha na giot ro.


Antong, sugari sura madung ro hasanggaman i markite-hite hamalimon ni halak levi – angke di toru hamalimon ni halahi do dijagit halak na bahat Tona i – aha dope he gunana dipabangkit Malim Godang mangihutkon aturan ni si Melkisedek, jana nada nidok mangihutkon aturan ni si Harun?


Boti muse, nada tulus i, ia so markite-hite sumpa, tutu dibaen do halahi gabe Malim nada markite-hite sumpa.


Jadi hara ni i sanga andigan pe tarbaen Jesus do paluahon sanga ise halak na ro tu Debata markite-hite Ia. Tarbaen Jesus pe songon i hara ni na mangolu do Ia sapanjangna laho pasahatkon tu Debata angka pangidoan ni halahi.


Tapi saonnari madung dijagit Jesus karejo na dao sumurung. Angke dumenggan dope pamudun ni janji na nibaen antara ni Debata dohot jolma markite-hite Jesus na songon Pandomuina, angke na marojahan tu janji na dumenggan dope i.


Hatiha sisaonnari on ma na nigambarkon ni i; astuanna, anggo angka haul sanga haul pahan-pahanan na nihaulkon i tu Debata, nada tarbaen i paias roha ni halak na manghaulkon i gabe sanggam.


Pasolkot hamu ma tu Debata, jana Debata pe padonohonNa ma tu hamu. Hamu dongan na mardosa, paias hamu ma tanganmunu! Hamu na mardua roha, paias hamu ma rohamunu.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ