IBRANI 7:11 - BIBEL JAMITA NA DENGGAN

¹¹ Antong, sugari sura madung ro hasanggaman i markite-hite hamalimon ni halak levi – angke di toru hamalimon ni halahi do dijagit halak na bahat Tona i – aha dope he gunana dipabangkit Malim Godang mangihutkon aturan ni si Melkisedek, jana nada nidok mangihutkon aturan ni si Harun?

IBRANI 7:11 ပူးပေါင်းရင်းမြစ်များ

GALATIA 2:21

Nada huambungkon silehen-lehen ni Debata. Muda gabe denggan do mangulahi parsambungan ni Debata dohot jolma hara ni na nidalankon ni halahi Tona i, antong nada adong be gunana mate Kristus.

GALATIA 4:3

Laing songon i ma hita: Salolot so impas godang dope hita, hita pe laing diparhatoban angka tondi na mangarajai portibi on do.

GALATIA 4:9

Tapi saonnari madung ditanda hamu Debata sanga sumintong dope muda nidok, madung ditanda Debata hamu. Biasi dope laing ra hamu mulak mangulahi mandapotkon angka tondi ni portibi on na gale jana na pogos i? Biasi laing ra dope hamu diparhatoban angka tondi i mangulahi?

IBRANI 5:10

Jana na nipabangkit ni Debata do Ia gabe Malim Godang, mangihutkon aturan ni si Melkisedek.

IBRANI 5:6

Di na asing didok Debata muse do, “Gabe Malim ma Ho salolot-lolotna, mangihutkon horong ni Malim Melkisedek.”

IBRANI 6:20

Madung ditotas Jesus dalan sibolusonta tusi, jana madung masuk Ia tusi songon Malim Godang di hita salolot-lolotna, di bagasan horong ni Malim Melkisedek.

IBRANI 7:10

Dibaen di bagasan pamatang ni ompunia dope ia, dompak di aloalo si Melkisedek ompunia i.

IBRANI 7:12

Antong muda muba-uba do hamalimon ni malim, Tona i pe angkon dohot do muba.

IBRANI 7:13

Tuhanta i do na nidok dison. Tapi Ia pe sian marga na asing do, jana na so adong dope jungada sian na samarga on na mangoloi di jolo ni parkaulan i.

IBRANI 7:15

Mur tangkas dope na nitaringotan on, di na ro sada malim na sarupa dohot si Melkisedek.

IBRANI 7:21

Tapi anggo Ia mamake sumpa do i di na niangkat Ia gabe Malim, di na nidok ni Debata tuSia, “Madung marsumpa Tuhan, jana na so ubaonNia be di na nidokNia i, ‘Ho do Malim salolot-lolotna.’ ”

IBRANI 8:7

Sugari sura nada adong hurangna pamudun ni janji na parjolo i, gabe nada pola porlu be pudunon janji na paduahon.

IBRANI 9:6

Songon i ma dibaen pangaturna sude. Ganop ari angkon masuk ma angka malim i tu bagasan bilik na parjolo i laho mandalankon karejo ni halahi.