IBRANI 6:9 - BIBEL JAMITA NA DENGGAN

⁹ Tapi hamu angka dongan na nihaholongan, haru pe hami dok songon i, anggo taringot tu hamu pos do rohanami adong do angka na dumenggan ditiop hamu satontang tu haluaanmunu.

IBRANI 6:9 ပူးပေါင်းရင်းမြစ်များ

JESAYA 57:15

Angke songon on do pandok ni Na Gumincat jana Na Marmulia na marhabangsa salolotna jana Na Sun Badia goarNa: “Di inganan na gincat jana badia do habangsangKu, tapi rap muse do dohot halak na magopu jana na toruk rohana, laho pangoluhon arop ni roha ni halak na toruk roha dohot laho pangoluhon roha ni halak na magopu.

MARKUS 16:16

Malua ma angka na porsaya jana na nididi. Tapi anggo halak na so ra porsaya hona uhum do.

BAENON NI ANGKA RASUL 11:18

Jadi dung dibege halahi hata nangkinan i, nada be sai dialo halahi si Petrus. Dung i dipuji halahi ma Debata. Didok halahi ma, “Antong dipadohot Debata do halak na so marugamo Jahudi laho paubahon roha sian angka dosana be anso mangolu halahi.”

BAENON NI ANGKA RASUL 20:21

Sanga na tu halak Jahudi pe sanga na tu bangso na asing, sai tongtong do hupaingot anso dipauba halahi be rohana sian angka dosa ni halahi jana anso ro mandapotkon Debata bope anso porsaya tu Tuhan Jesus.

1 KORINTUS 10:14

Hara ni i hamu ale angka dongan, padao hamu ma rohamunu sian na marsomba gana-ganaan.

2 KORINTUS 12:19

Betak na dipikir rohamunu do na laho mangabarahon dirinami sandiri hami maradopkon hamu sahonokna on. Di adopan ni Debata dohot Kristus hami dokkon ma: Sasudena i dikarejohon laho patoguhon haporsayaanmunu.

2 KORINTUS 7:1

Antong hamu ale dongan na nihaholongan! Tu hita do dibaen angka janji i sudena. Tapaias ma dirinta sian sasude na pahodarkon pamatang dohot rohanta. Tahabiari ma Debata, anso sanggam tarbaen hita mangolu mamunjung tu Debata.

2 KORINTUS 7:10

Angke anggo hamarsahan na tumbuk tu roha ni Debata do, parohon haubaan ni roha na paluahon do i. Jana nada manyosal halak sisongon i. Tapi anggo hamamarsak na sian tano on, arsak na mamatehon do i.

GALATIA 5:6

Angke muda dung marsada hita dohot Kristus Jesus, nada pola parsoalan be na mangihutkon paraturan ni sunat sanga na so mangihutkon aturan i. Manghaporsayai Kristus sajo noma na porlu, jana tarida ma i di bagasan holong ni rohanta maradopkon halak na asing.

IBRANI 10:34

jana dohot do hamu mangkilalahon pardangolan ni angka halak na tarhurung. Jana di na hona rampas sude sinadonganmunu, jop do rohamunu manjagit sasudena i, angke diboto hamu do, laing adong dope di hamu na dao dumenggan na tahan salolot-lolotna.

IBRANI 10:39

Anggo hita nada halak na sumurut sanga na lilu hita. Tapi halak na porsaya do hita jana na dung nipalua.

IBRANI 2:3

songon dia ma he tarbaen hita malua, anggo so taparrohahon do haluaan na songon i godangna? Tuhan i do na mangkatahonna di mulana i, jana na nioban dohot dipatontu tu hita markite-hite angka na umbegena.

IBRANI 5:9

Jadi dung sanggam Ia, gabe Ia ma haroroan ni haluaan na manongtong di sude halak na burju mangoloi Ia.

IBRANI 6:10

Nada Debata na so tigor. Nada halupahononNia sanga aha na denggan na nibaenmunu tuSia. Sai na ingotonNia do holong ni roha na nipatuduhonmunu tuSia di bagasan pangurupionmunu na nipasahatmunu maradopkon angka dongan Kristen na asing i. Jana lopus saonnari pe laing dilehen hamu do pangurupion i.

1 PETRUS 2:11

Hamu angka dongan na nihaholongan! Halak na asing do hamu jana pangaranto di tano on. Hara ni i gomos hupangido tu hamu anso ulang ihutkon hamu hagiot ni jolma na sai marporang mangalo tondi.

2 PETRUS 3:1

Hamu angka dongan na nihaholongan! On ma suratku na paduahon tu hamu. Di suratki na dua i, giot sunggulanku do rohamunu na denggan i.

1 JOHANNES 2:7

Hamu angka dongan na nihaholongan! Nada pola parenta na imbaru na husuratkon on. Parenta na dung honok do on dipaboa tu hamu sian mulana; i ma jamita na dung dibegemunu.

JUDAS 1:3

Angka dongan na nihaholongan! Tutu situtu do ringgas do rohangku mambaen surat on tu hamu taringot tu haluaan na dung tadalani i. Tapi saonnari taronjar do rohangku paingot hamu markite-hite surat on anso laing torus hamu marjuang hara ni haporsayaan i na nilehen tu angka halak na badia.