IBRANI 6:7 - BIBEL JAMITA NA DENGGAN

⁷ Anggo tano na mangincop udan na sai madabu tusia, ditubuhon i do angka suan-suanan na marguna di halak na mangkarejohonsa, dipasupasu Debata do tano i.

IBRANI 6:7 ပူးပေါင်းရင်းမြစ်များ

PAMUNGKAAN 1:11

Dung i mangkuling ma Debata, “Dipartubuhon tano ma sude ragam ni suan-suanan, i ma na marboni dohot na marbatu” – gabe tarjadi ma songon i.

PAMUNGKAAN 27:27

Di na nipadonok ni si Jakob laho mangummasa, muap pakean ni si Esau dianggo si Ishak – jadi dipasupasu ia ma si Jakob. Didok si Ishak, “Tabona i antong uap ni anakkon baya, songon dia ma uap ni padang na nipasupasu ni Tuhan.

MASMUR 126:6

Mardongan ilu ni matana, kehe ma ia manyabur same di ladangna. Mardongan ende jop ni roha mulak ma ia marobani angka sageanna.

MASMUR 24:5

Pasupasuon do halahi jana paluaon tu joloan on. Tuhan mandok, halahi nada marsala.

JESAYA 44:3

Tano na manguas Hupabutong dohot aek, di tano na harsang, mardalan ma batang aek. DuruskononKu ma kuasongKu tu angka dakdanakmu, jana Hupasupasu pomparanmu.

JEHESKIEL 34:26

PasupasuonKu ma halahi jana paloasonKu maringanan humaliang dolokKu Na Badia i. LehenonKu ma di halahi udan muda dung porlu di halahi; i ma udan na parohon pasupasu tu halahi.

HOSEA 10:12

Hudok ma, ‘Ale Israel! Buka ma ladang na imbaru di ho, sabur ma tusi same hatigoran, jana buat ma suha ni situtu ni rohamu mangkaholongi Au. Dibaen madung dapot hatihana mulak jana jalahanmu Au, Tuhanmu. Anso ro noma Au jana duruskononKu songon udan tu ho angka pasupasungKu.’

HAMALIMON 25:21

Di taon paonomkon pasupasuon ni Tuhan ma tano i gabe tuk panganon tolu taon suhana i.

MALEAKI 3:10

Oban hamu ma parsampuluanmunu i tu BagasKu anso adong disi mardapot-dapot sipanganon. Uji hamu ma Au, jadi gabe idaonmunu ma Huungkap angka pintu ni banua ginjang jana pagukguhonKu sandok na denggan tu hamu, ninna Tuhan Na Markuaso.

MATEUS 7:8

Harana, angkon manjagit do halak na torus mangido. Angkon dapotan do halak na torus manjalahi. Jana na torus manuktuk pintu, angkon dibuka do pintu i disia.

2 TIMOTEUS 2:6

Partani na marsitutu markarejo, i do na patut parjolo dapotan suha ni na nisuanna.

JAKOBUS 5:7

Antong sobar ma hamu angka dongan lopus ro Tuhanta i. Ligi hamu ma sobar ni angka partani i paintehon lopus dilehen tanonia i suha na mararga disia. Sobar do ia paintehon udan di musim gugur dohot udan di musim bunga.