IBRANI 6:5 - BIBEL JAMITA NA DENGGAN

⁵ Sian pangalaman ni halahi pe diboto halahi do na denggan do hata ni Debata i, jana madung dihilala halahi angka tanda ni kuaso na giot ro i.

IBRANI 6:5 ပူးပေါင်းရင်းမြစ်များ

MASMUR 34:8

Ligi jana dai sandiri ma hadengganan ni Tuhan, martua ma sanga ise na maronding tuSia.

MATEUS 12:32

Halak na mandok hata laho mangalo Anak Ni Jolma, tarsesa do i. Tapi anggo halak na mandok hatana laho mangalo Tondi Parbadia, bagi na bia pe nada tarsesa be i, bope di portibi on sanga pe di ari na giot ro!”

MARKUS 6:20

Anggo si Herodes disuruhon ia do anso denggan dijagoi ngolu ni si Johannes. Harana, mabiar do ia mida si Johannes. Angke diboto ia na tigor do si Johannes on, i ma suruan ni Debata. Tutu do nian, muda mangkobari si Johannes, sai tabo do dihilala si Herodes manangihon haru pe gabe marhusari sajo rohania hara ni i.

LUKAS 8:13

Same na madabu tu tano na marbatu i, i ma manggambarkon angka halak na manangihon hata i jana na manjagitsa mardongan sonang ni roha. Tapi nada jabat marurat di bagasan roha ni halahi. Hum santongkin sajo do halahi porsaya hape di na ro pandugaan, marbalik ma halahi.

EPESUS 6:17

Jagit hamu ma haluaan na gabe songon kupia baja di hamu, dohot hata ni Debata na songon podang na sian Tondi Parbadia.

IBRANI 11:3

Hara ni haporsayaan, gabe mangarti hita bahaso hata na nidok ni Debata do manjadihon hasiangan on; jadi sanga aha na tarida, sian na so tarida do i tarjadi.

IBRANI 2:5

Anggo angka surusuruan nada dohot manjagit kuaso ni Debata, giot mamarenta di portibi na imbaru na giot ro i, i ma portibi na tahatai on saonnari.

IBRANI 4:12

Hata na mangolu jana na margogo do hata ni Debata; tumajom dope i sian podang sidua baba. Disirang ia do tondi dohot hosa, utok-utok dohot holi-holi, jana markuaso do i manguhumi pikiran dohot parrohahon ni ate-ate.

1 PETRUS 1:25

tapi anggo hata ni Debata hot do salolot-lolotna.” Jamita na Denggan do hata na dung dijamitahon i tu hamu.

1 PETRUS 2:3

Tarsurat do di Buku Na Badia i songon on, “Madung dihilala hamu sanga songon dia hadengganan ni Tuhan i.”

2 PETRUS 2:20

Muda dung ditanda sanga ise Tuhan i dohot Sipaluanta, Jesus Kristus i, jana hara ni i madung malua ia sian angka na marpardomuan tu portibi on na manyegohon parange ni jolma, hape tarjorat muse ia mangulahi jana ditaluhon angka pangalaho ni portibi on, ujungna gabe jumatjat dope na masa tusia ulang pado na parjolo i.