IBRANI 6:4 - BIBEL JAMITA NA DENGGAN

⁴ Nabaruon madung maringanan halahi di sinondang na sian Debata, jana madung didai halahi hatonggian ni angka pasupasu na sian banua ginjang. Halahi pe madung manjagit Tondi Parbadia.

IBRANI 6:4 ပူးပေါင်းရင်းမြစ်များ

HAMALIMON 13:55

Dung i dipareso malim mangulahi. Muda so muba tompa ni lapuk i haru pe nada manamba, na ramun do barang i, hara ni i angkon nitutung do i, nada marimbar haru sabola sian pudi sanga sian jolo na lapuhon i.

HAMALIMON 14:43

Muda ro mangulahi na lapuhon i, haru pe na dung diambungkon angka batu i, jana dingding tembok madung dihois jana dilepo mangulahi,

BILANGAN 24:3

Dung i digohi hagogoan ni Tondi Ni Debata ma si Bileam, gabe didok ia ma panyurirangion songon on, “On ma tona ni si Bileam anak ni si Beor, sada halak na marnida giot mangkobari.

MATEUS 12:45

Dipiohon ia ma pitu nari tondi na asing na jumahat sian ia. Dung i masuk ma halahi tu pamatang ni jolma i, disi ma halahi maringanan. Gabe mur jumahat ma pangalaho ni halakna i sian na parjolo i. Songon i muse ma na masa tu na sasundut na jahat on.”

MATEUS 5:13

“Hamu do sira ni portibi on. Muda hambar sira i, tarpaancim dope he i? Nada adong be guna ni i. Siambungkononkon noma i anso didege-dege halak.

JOHANNES 15:6

Sanga ise na so tinggal di bagasan Au, ambungkonon ma ia songon ranting i gabe mahiang. Angka ranting na songon i, sipalaguton ma i jana siambungkonon tu bagasan api, anso mosok.

JOHANNES 3:27

Dialusi si Johannes ma, “Nada tarbaen jolma mangkarejohon bagi na aha pe, anggo so dilehen Debata i disia.

JOHANNES 4:10

Dialusi Jesus ma, “Sugari ma diboto ho silehen-lehen ni Debata jana ditanda ho na mangido minum sian ho, gabe ho sandiri noma mangido sian Ia, jana lehenonNia ma di ho aek na mangolu.”

JOHANNES 6:32

Dung i didok Jesus ma tu halahi, “Satutuna Hupaboa ma di hamu: Anggo na nilehen ni si Musa i di hamu, nada sipanganon na sian banua ginjang i; anggo sipanganon na sian banua ginjang i, i ma sipanganon na satutuna lehenon ni Damang di hamu.

BAENON NI ANGKA RASUL 10:45

Homang ma roha ni halak Jahudi na dung porsaya i tu Jesus, i ma na rap dohot si Petrus i, na marnida bahaso dilehen Debata do muse Tondi Parbadia tu bangso na asing.

BAENON NI ANGKA RASUL 11:17

Jadi tangkas do, dilehen Debata muse do tu halak na so marugamo Jahudi silehen-lehen na sarupa songon na nilehenNia tu hita di na tahaporsayai Tuhan Jesus Kristus. Antong, bia ma he pangalarangku di Debata!”

BAENON NI ANGKA RASUL 15:8

Jana dipatandahon Debata siida roha ni jolma i do na dung nijagitNia halahi; i ma na nipatuduhonNia di na nilehenNia Tondi Parbadia tu halahi laing songon na dung nilehenNia i tu hita muse.

BAENON NI ANGKA RASUL 8:20

Tapi dialusi si Petrus ma, “Tu hamagoan ma ho dohot hepengmi! Diambang ho do lakna tartobusi hepeng, silehen-lehen ni Debata?

SURAT NI SI PAULUS TU PARLAGUTAN ROM 1:11

Harana sai malungun do au marsuo dohot hamu anso tarlehen au nian di hamu silehen-lehen partondion laho patoguhon hamu.

2 KORINTUS 4:4

Na nigupgupan ni Debata na mangarajai portibi on do roha ni halahi na so porsaya i. I do na manyundati halahi anso ulang dohot halahi marnida sinondang na sian Jamita Na Denggan i, i ma taringot tu hasangapan ni Kristus i na gabe songon gambaran ni Debata.

2 KORINTUS 4:6

Debata do mandok, “Bincar ma na torang sian na golap.” Laing Debata na sada i muse do na pabincarkon sinondang i di bagasan rohanta, anso gabe torang rohanta laho mangastui hamuliaon ni Debata na marsinondang di bohi ni Jesus.

GALATIA 3:2

Paboa hamu ma jolo tu au pangalaho na sada on: Adong he hara ni na mandalankon Tona do umbaen na nijagitmunu Tondi Parbadia nabaruon, sanga hara ni na umbege Jamita Na Denggan na sian Debata dohot hara ni na porsaya tu Kristus do?

GALATIA 3:5

Dipasingkop Debata do TondiNa tu hamu jana dibaen do angka hahomangan di tonga-tongamunu. Adong he hara ni na mandalankon Tona umbaen na nipatupa ni Debata songon i, sanga hara ni na umbege Jamita Na Denggan i dohot hara ni na mangkaporsayai Kristus do?

EPESUS 1:18

Hupangidohon anso torang mata ni rohamunu dibaen Ia, anso diastui hamu sanga aha na patut aropon ni rohamunu sian Debata na mamiohon hamu, bope hamoraon ni hasangapan, siteanon na nitontuhonNia di angka halak na porsaya.

EPESUS 2:8

Angke hara ni asi ni roha do malua hamu markite-hite haporsayaan, nada hara ni gogomunu sandiri, tapi silehen-lehen ni Debata do i;

EPESUS 3:7

Dilehen Debata do tu au karejo na gabe hapunjunganku, i ma karejo laho manjamitahon Jamita Na Denggan i. Hujagit do karejo i markite-hite kuaso ni Debata, na marsitutu markarejo di bagasan diringku.

EPESUS 4:7

Dilehen do tu hita be pasupasu marguru tu pangalehen ni Kristus i.

1 TIMOTEUS 4:14

Ulang lalap ho mamake hasurungan na adong di ho, na nijagitmu dompak na niampehon ni angka pamimpin ni parlagutan tangan ni halahi tu ulumu.

2 TIMOTEUS 2:25

Angkon ajaranna halak na sai mangalo mardongan halambohon; ibo nian roha ni Tuhan, sai dilehen ma di halak na songon i hatiha na denggan paubahon rohana sian angka dosa ni halahi dohot mananda pangajaran na tutu.

2 TIMOTEUS 4:14

Si Aleksander tukang tumbaga i, madung bahat dibaen ia na jahat tu au. Baloskonon ni Tuhan ma tusia hombar tu pangalahonia i.

IBRANI 10:32

Ingot hamu ma sanga na bia pangalahomunu di hatiha na salpu. Anggo di hatiha i, dung ditorangi sinondang ni Debata hamu, bahat do parhancitan ditaon hamu; haru songon i pe laing marsitutu do hamu marjuang.

IBRANI 2:4

Tamba ni i, dohot do Debata pagomoskon hasaksian ni angka halahi di na nibaenNia ragam-ragam ni hahomangan bope angka pangalaho na luar biasa bope dohot na mambagi-bagihon angka hamaloan hapunjungan na sian Tondi Parbadia marguru tu hagiot ni Debata sandiri.

1 JOHANNES 5:16

Muda adong diida hamu dongan Kristen mambaen dosa na so pola mambaen hamatean, sitangiangkononmunu do i tu Debata; jana lehenon ni Debata ma ngolu di halak na songon i, i ma tu halak na mambaen dosa na so pola mambaen hamatean i. Tapi adong do dosa na mambaen hamatean, jana nada hudok anso tangiangkononmunu dosa na songon i tu Debata.