IBRANI 6:2 - BIBEL JAMITA NA DENGGAN

² i ma parsiajaran parmulaan taringot tu pandidion sanga taringot tu na mamayakkon tangan tu halak; sanga pe taringot tu na mulak mangolu sian hamatean bope uhuman na so ra mantak.

IBRANI 6:2 ပူးပေါင်းရင်းမြစ်များ

PARJAMITA 12:14

Uhumon ni Debata do sude parbuatanta; na denggan dohot na jat, salang na buni pe tehe.

JESAYA 26:19

Ale Tuhan bangsoMu na mate i mangolu ma mangulahi, angka bangke ni halahi ngot sanoli nari. Halak na dung ditanom di bagasan tano, ngot ma i jana marolop-olop. PangoluonMu ma bangsoMu na dung mate honok, songon ombun na pajagarkon tano.”

DANIEL 12:2

Bahat do sian halahi na dung mate mulak mangolu muse; deba ma i tu hangoluan na manongtong, jana deba nari tu habilean na manongtong muse.

MATEUS 28:19

Jadi hara ni i, kehe ma hamu tu sude bangso, baen hamu ma halahi gabe halak na mangihutkon Au. Didi hamu ma halahi di bagasan goar ni Ama, goar ni Anak dohot goar ni Tondi Parbadia.

MATEUS 3:14

Tapi ditulak si Johannes do pangidoanNia i. Ning ia ma, “Au do na patut didihononMu! Jana biasi Ho ro tu au?”

MARKUS 16:16

Malua ma angka na porsaya jana na nididi. Tapi anggo halak na so ra porsaya hona uhum do.

MARKUS 7:4

Muda mulak halahi sian poken, nada mangan halahi muda so jolo mambasu dirina. Bahat dope angka aturan na sian ompu ni halahi na laing togu ditiop halahi, umpamana songon na mamasu galas, gendi dohot parkokas-parkokas na sian tumbaga.

MARKUS 7:8

Dipasiding hamu do angka parenta ni Debata, hape anggo angka aturan ni jolma togu sajo ditiop hamu.”

LUKAS 11:38

Homang ma roha ni halak Parise i dung diida Ia manigor mangan Jesus so jolo marbasu tangan.

LUKAS 12:50

Laing adong dope pandidion na angkon sidalananKu. Jana susa sajo dope rohangKu salolot so tulus dope i.

LUKAS 14:14

jadi martua ma ho hara ni i. Angke nada tarbalos angka halak na songon i denggan ni rohami. Harana angkon dapotan balosna ma ho di ari hangongot ni angka na tigor roha i.”

LUKAS 3:16

Hara ni i ma umbaen didok si Johannes tu halahi sude, “Dohot aek do hudidi hamu, tapi ro ma sanoli on Sada halak na gumodang sian au. Mangkarhari tali sipatuNa pe nada tarpake dope au. DidihononNia ma tu hamu Tondi Parbadia dohot api.

JOHANNES 1:33

Nada hutanda hian dope Ia. Tapi Debata na marsuru au mandidihon dohot aek i mandok tu au, ‘Muda diida ho Tondi Parbadia mijur tu sada halak jana maringanan di bagasan Ia, Ia ma na giot mandidihon dohot Tondi Parbadia.’

JOHANNES 5:29

jana haruar ma halahi sian kuburan i. Jana sude halak na mambaen na denggan disungguli ma tu hangoluan. Tapi anggo sibaen na jahat disungguli tu hamatean.”

BAENON NI ANGKA RASUL 10:47

“Ligi hamu ma! Madung dapotan Tondi Parbadia halak on songon hita. Tarlarang jolma dope he halahi pandidihonon dohot aek?”

BAENON NI ANGKA RASUL 13:3

Dung jolo puaso jana martangiang, dipayakkon halahi ma tanganna be tu si Barnabas dohot tu si Saulus, jana disuru halahi ma si dua halak i.

BAENON NI ANGKA RASUL 16:15

Tardidi ma si Lidia dohot halahi na sabagas. Dung nididihon ia, diontang ia ma hami. Didok ia ma tu hami, “Muda na dung tutu do au porsaya tu Tuhan i dietong rohamunu ale angka dongan, antong di bagasku ma hamu manompang,” ning ia. Digogohon ia ma anso laing hami oloi pangidoannia i.

BAENON NI ANGKA RASUL 16:33

Laing di tonga borngin i, dioban kapala ni hurungan i ma halahi, dipaias ia ma angka bugang hara ni pangaloncingan i. Gabe manigor dipandidihon ma ia dohot sude halahi na sabagas.

BAENON NI ANGKA RASUL 17:18

Tapi adong do deba sian golongan Epikuros dohot golongan Stoa, na marsoal dohot ia; jadi deba sian halahi mandok, “Aha ma he na giot dohonon ni na matubekbek on lakna?” Adong muse na asing mandok, “Idaon na maroban ajaran taringot tu angka debata na asing do ia,” dibaen dijamitahon ia do jamita na denggan taringot tu Jesus dohot hangongot ni angka na mate.

BAENON NI ANGKA RASUL 2:38

Dialusi si Petrus ma, “Pauba hamu ma rohamunu sian angka dosamunu. Jana angkon dipandidihon ma hamu ganop be di bagasan goar ni Jesus Kristus, anso nisesa sude dosamunu i. Dung i jagitonmunu ma silehen-lehen ni Debata, i ma Tondi Parbadia.

BAENON NI ANGKA RASUL 2:41

Bahat do halak na porsaya tu na nidok ni si Petrus i, jana tardidi ma halahi. Gabe martamba ma bilangan ni na porsaya di na sadari i, tolu ribu halak.

BAENON NI ANGKA RASUL 23:6

Dipamanat si Paulus ma, hape adong do deba anggota ni pangadilan i halak Saduse, jana na deba nari angka halak Parise. Jadi gabe didok ia ma tu pangadilan i, “Hamu ale angka dongan! Halak Parise do au, jana pomparan ni halak Parise. Gabe niuhuman do au dison hara ni na porsaya au angkon mulak mangolu do halak na dung mate i mangulahi,” ning ia.

BAENON NI ANGKA RASUL 24:15

Songon halahi, au pe laing mararop roha do tu Debata paboa angkon mulak mangolu sudena jolma dung marmatean, halak na burju bope halak na jahat!

BAENON NI ANGKA RASUL 24:21

Hum sada do pandohanku na dapot halahi, i ma di na hudok: Niuhum do au sadari on hum hara ni na porsaya au angkon pangoluon mangulahi halak na dung mate,” ning si Paulus.

BAENON NI ANGKA RASUL 24:25

Tapi di na nipajojornia taringot tu haburjuon dohot hatomanon songon i dohot taringot tu Ari Parpudi, gabe mabiar ma si Peliks. Didok ia ma tu si Paulus, “Saonnari madung tola ho mulak. Hupio pe ho sanga andigan habolasan,” ning ia.

BAENON NI ANGKA RASUL 26:8

Biasi nada tarhaporsayai angka dongan Jahudi, na nipangolu ni Debata halak na mate i?

BAENON NI ANGKA RASUL 4:2

Muruk ma halahi hara ni na nidok ni Petrus dohot si Johannes tu halak na bahat i paboa na adong do hangongot di bagasan Kristus.

BAENON NI ANGKA RASUL 6:6

Dung i dipajongjong ma halahi di jolo ni angka rasul i, dung i martangiang ma angka rasul i jana diampehon ma tanganna tu halahi.

SURAT NI SI PAULUS TU PARLAGUTAN ROM 2:16

Laing songon i ma na giot masa di ari na nitontuhon i. Anggo di ari i hombar tu Jamita Na Denggan na hujamitahon i – uhuman ni Debata ma markite-hite Jesus Kristus sude sibunian ni roha ni jolma.

1 KORINTUS 10:2

Anso gabe dohot mangihutkon si Musa, angkon dipandidihon do halahi sude di bagasan ombun dohot di bagasan laut i.

1 KORINTUS 12:13

Angke markite-hite sada Tondi, nipandidihon do hita sude gabe sada pamatang, bope halak Jahudi bope halak Junani, bope naposo bope halak na malua. Songon i muse, nipainum do hita dohot Tondi na sada i.

2 KORINTUS 5:10

Harana angkon jongjong do hita sude di jolo ni panguhuman ni Kristus i, jana ganop be angkon manjagit balos satontang tu pambaenanna be taran mangolu, pangalaho na denggan sanga na jat.

PILIPPI 3:21

Anggo pamatangta na gale boti na ra madangke on, paubaon ni Kristus do i gabe marsangap songon pamatangNia sandiri. Tarbaen do songon i angke adong do kuasoNia laho manaluhon sasudena.

KOLOSSE 2:12

Angke di na nididihon i hamu, ditanom do hamu rap dohot Kristus; jana laing hara ni pandidion i muse, dohot do hamu dipangolu mangulahi rap dohot Kristus angke dihaporsayai hamu do kuaso ni Debata na dung pangoluhon Kristus sian hamatean.

2 TIMOTEUS 2:18

Madung manyimbil halahi sian pangajaran na sintong, jana gabe disego-sego halahi do haporsayaan ni deba halak. Pandok ni halahi anggo hangongot ni angka na mate i ma pola salpu i.

IBRANI 11:35

Hara ni haporsayaanna gabe dijagit angka dadaboru do angka na matena na mulak mangolu. Tapi adong muse do na mangalehen dirina disiksa lopus mate, jana manjua do halahi nipalua, hara ni na giot maruli halahi di hangongot na dumenggan.

IBRANI 9:10

Harana anggo angka upacara na songon i na marpardomuan tu sipanganon sajo do i dohot siinumon bope angka ragam-ragam ni upacara na mambaen ias. Hum angka Tona na tarida do na mardalan i lopus tu hatihana sanga andigan baenon ni Debata haimbaruan.

2 PETRUS 3:7

Tapi anggo langit dohot tano na saonnari on, i ma na giot abiskonon dohot api saulahon, dipauli-uli Debata dope i laing markite-hite hataNia anso nisimpan lopus dapot hatihana niuhuman jana nimatehon sudena angka jolma na so porsaya tu Debata.