IBRANI 6:19 - BIBEL JAMITA NA DENGGAN

¹⁹ Arop ni rohanta i ma na gabe sitiopan na togu jana na pasonangkon rohanta di ngolu on, na dung masuk lalu tu pudi ni tire i.

IBRANI 6:19 ပူးပေါင်းရင်းမြစ်များ

MASMUR 39:7

Saonnari aha dope na hupainte, ale Tuhan? Tu Ho do au mararop roha.

MASMUR 42:11

Biasi marsak jana susa ho rohangku? Tu Debata noma au mararop roha, jana mandok tarimakasi mangulahi tuSia, tu Debatangku jana Sipalua di au.

MASMUR 42:5

Biasi marsak au jana susa rohangki? Tu Debata noma au mararop roha, jana mandok tarimakasi tuSia, tu Debatangku jana Sipalua au.

MASMUR 43:5

Biasi marsak jana susa ho rohangku? Mararop ni roha tu Debata noma au jana mandok tarimakasi tuSia, tu Debatangku jana Sipalua di au.

JESAYA 12:2

Debata do da haluaanku, porsaya tuSia do au. Nada adong na mambaen au mabiar, angke Tuhan Debata do hagogoanku dohot ende-endengku, Debata do na paluahon au, Ia do haluaanku.

JESAYA 28:16

Hara ni i songon on ma didok Tuhan Debata, “BaenonKu ma ojahan na togu jana na tohong di Sion; di gincat ni batu parsuhi na arga i suratkononKu ma: ‘Haporsayaan na togu, padao ganggu ni roha.’

HAMALIMON 16:15

Dung songon i, sambolon ni si Harun ma hambeng na gabe haul hasesaan ni dosa ni rayat i. Mudar ni hambeng i angkon obanon tu Bilik Na Sun Badia, lalu dipispiskon tu ginjang ni Poti Parjanjian i dohot tu jolo ni Poti i, songon na dung dibaen dos dohot mudar ni lombu jantan i.

HAMALIMON 16:2

Ning Ia ma, “Pabolkas ma tu angkangmu si Harun, anso hum di hatiha na dung ditontuhon do tola masuk ia tu Bilik Na Sun Badia di pudi ni hire-hire i, angke disi do giot patidahononKu diringKu di bagasan ombun di ginjang ni Poti Parjanjian i. Muda dilaosi si Harun do parenta i, hona bunu ma ia.

ZAKARIA 9:12

Mulak ma hamu ale angka halak buangan, saonnari madung adong di hamu harapan. Mulak ma hamu tu inganan parondinganmunu. Di ari sadari on Au mandok: Silompit dua do paulahonKu pasupasungKu tu ho.

MATEUS 27:51

Dung i manigor masibak ma tire na di Bagas Ni Debata bola dua sian ginjang lalu tu toru. Humutur ma tano i, mangkabola ma angka dolok batu.

BAENON NI ANGKA RASUL 23:6

Dipamanat si Paulus ma, hape adong do deba anggota ni pangadilan i halak Saduse, jana na deba nari angka halak Parise. Jadi gabe didok ia ma tu pangadilan i, “Hamu ale angka dongan! Halak Parise do au, jana pomparan ni halak Parise. Gabe niuhuman do au dison hara ni na porsaya au angkon mulak mangolu do halak na dung mate i mangulahi,” ning ia.

BAENON NI ANGKA RASUL 27:29

Mabiar ma halahi ulang jabat tombom kapal i tu karang, gabe dipaijur halahi ma opat sao sian pudi ni kapal i. Hurang tibu noma dilala halahi anso torang ari.

BAENON NI ANGKA RASUL 27:40

Jadi digotap halahi ma tali sao i jana dipadiar ma bonom di laut i angka sao i. Ihut tusi laing diharkari halahi ma tali pangarahut ni amudi. Dipasang halahi muse ma layar di jolo anso mardalan tu jolo kapal i diombus alogo i lopus lalu tu topi.

SURAT NI SI PAULUS TU PARLAGUTAN ROM 4:16

Hara ni i, janji i marondolan tu haporsayaan, anso mangihutkon asi ni roha, gabe marpanginonai ma janji i tu sude pomparan ni si Abraham, nada hum di halak na mangolu sian Tona i, tapi dohot do di halak na mangolu sian haporsayaan ni si Abraham. Ompu ni hita sude do ia,

SURAT NI SI PAULUS TU PARLAGUTAN ROM 4:18

Porsaya do si Abraham jana mararop ni roha, haru pe so adong ojahan laho mararop ni roha, anso gabe “Ompu ni bahat bangso” ia, songon na nidok, “Songon i ma bahat ni pomparanmu sogot.”

SURAT NI SI PAULUS TU PARLAGUTAN ROM 5:4

jana hasobaron parohon tahan uji, jana tahan uji parohon arop ni roha.

1 KORINTUS 13:13

Jadi tinggal ma na tolu on: Haporsayaan, arop ni roha, dohot holong ni roha; tapi na gumodang sian na tolu i, holong ni roha do.

1 KORINTUS 15:58

Hara ni i hamu ale angka dongan na nihaholongan, sai togu ma hamu jana hot. Marsitutu ma markarejo di Tuhan, angke diboto hamu do, sude na nikarejohonmunu di Tuhan, nada sayang boti sudena i.

EPESUS 2:6

Hara ni na mardomu i hita dohot Kristus Jesus dipangolu Debata ma hita mangulahi rap dohot Ia, anso laing rap muse ma hita dohot Ia di banua ginjang.

KOLOSSE 1:27

Anggo tu bangsoNia i ra do Debata paboahon sanga na bia dengganna dohot godangna rahasiaNia i di sudena jolma manusia. On do rahasia i: Di bagasan dirimunu do Kristus, jadi gabe dohot ma hamu maruli di hagodangan ni Debata.

KOLOSSE 3:1

Madung dipangolu hamu mangulahi rap dohot Kristus. Hara ni i angkon marusaho be ma hamu anso dapot hamu angka pangalaho na di banua ginjang, di inganan ni Kristus juguk di siamun ni Debata.

2 TIMOTEUS 2:19

Hape anggo ojahan na nibaen ni Debata, ojahan na togu situtu do i jana na so tarhutur. Di ginjangna i tarsurat do, “Ditanda Tuhan do angka nampunaNia,” bope “Sanga ise na mandok nampuna ni Tuhan ia, angkon mantak ma halakna i mambaen dosa”.

IBRANI 4:16

Hara ni i, pos ma rohanta ulang pola mabiar be hita mandapotkon habangsa parasinirohaan, anso tajagit ibo ni roha dohot dumpangan asi ni roha, na gabe pangurupi di hatiha na dung ditontuhon i.

IBRANI 9:3

Dibagasanna i muse, i ma na di balik ni tire na paduahon, adong ma sada bilik na nigoaran Bilik Na Sun Badia.

IBRANI 9:7

Anggo na masuk tu bilik parbagasan ni bandar i hum Malim Godang i sajo do. I pe, hum sanoli sataon do i tola. I pe angkon mamboan mudar do ia patuluskon i, i ma sisombahononkon tu Debata hara ni ia sandiri dohot hara ni angka dosa na nibaen ni bangsonia i sian na so pamotoanna.

1 PETRUS 1:3

Mandok tarimakasi ma hita tu Debata bope Ama ni Tuhanta Jesus Kristus! Hara ni denggan ni rohaNia, dibaen Ia do hita gabe jolma na imbaru na maruli arop ni roha na tongtong mangolu, angke madung dipangolu Kristus mangulahi sian hamatean.