IBRANI 6:16 - BIBEL JAMITA NA DENGGAN

¹⁶ Harana anggo jolma, marsumpa do i marhite halak na gumodang sian ia. Jadi sumpa i ma hasidungan ni sude parbadaan jana pate ma i di halahi.

IBRANI 6:16 ပူးပေါင်းရင်းမြစ်များ

PAMUNGKAAN 14:22

Dialusi si Abram ma, “Husumpahon ma di jolo ni Debata Na Gumincat i, na manompa langit dohot tano,

PAMUNGKAAN 21:23

Jadi sumpahon ma dison diadopan ni Debata paboa na so baenonmu na so tama tu au, songon i tu dakdanakku sanga pe tu pomparanku. Madung hubaen haburjuon tu ho, jadi hara ni i janjihon ma laing na burju muse baenonmu tu au dohot tu luat na huingani on.”

PAMUNGKAAN 21:24

Jadi didok si Abraham ma, “Hujanjihon ma i.”

PAMUNGKAAN 31:53

Debata na nisomba ni si Abraham jana na nisomba ni damang si Nahor ma na gabe panguhum di hita.” Dung i marjanji muse ma si Jakob mangasahon goar ni Debata na nisomba ni si Ishak amangnia i jana marsumpa ma ia paboa na marsitutu do ia maniop janji i.

2 SAMUEL 21:2

Nada halak Israel anggo halak Gibeon; masuk tu halak Amori siotik-otik do halahi. Na dung marjanji do halak Israel laho mangondihon halahi, hape digogo si Saul do laho mamusa halahi hara ni na manyarihon haporluan ni halak Israel dohot Juda.) Dung i dipio si Daud ma halak Gibeon i,

HARURUAR 22:11

Muda songon i pangalahona angkon kehe ia tu inganan paribadatan laho marsumpa mandok na so ia manangko pahan-pahanan na nipapahankon i tusia. Muda tutu do na so ditangko sanga ise pahan-pahanan i, nampuna i ma na mananggung harugian, jana nada pola manggarar bagi aha na marmahan i.

GALATIA 3:15

Hamu ale angka dongan! Hubaen ma tudosanna jolo sian na masa siganop ari di hita. Muda adong sanga ise na mambaen parjanjian, jana madung disahkon janji i, jadi sanga ise pe nada tarbaensa be manyundati janji i bagi manamba-nambai sanga aha pe tusi.

IBRANI 6:13

Di na marjanji Debata tu si Abraham, marsumpa do Ia tu diriNia sandiri, harana nada adong na gumincat sian Ia.