IBRANI 6:13 - BIBEL JAMITA NA DENGGAN

¹³ Di na marjanji Debata tu si Abraham, marsumpa do Ia tu diriNia sandiri, harana nada adong na gumincat sian Ia.

IBRANI 6:13 ပူးပေါင်းရင်းမြစ်များ

1 JUJUR TAON 16:16

Dohot si Abraham do dibaen Ia janji i, tapi dohot do tu si Ishak,

HARURUAR 32:13

Ingot ma si Abraham, si Ishak dohot si Israel naposoMi, angke madung marsumpa hian do Ho tu halahi mangasahon diriMu sandiri di na nidokMu tu halahi: BaenonKu ma pomparanMu sabahat ni bintang na di langit, jana sude tano na dung Hujanjihon on lehenonKu ma i tu pomparanmu, anso gabe halahi nampunasa salolot-lolotna.”

JESAYA 45:23

Hara ni Au sandiri madung marsumpa Au, sian pamanganKu madung ruar hatigoran, i ma hata no so mose. Sude jolma marsinggang ma di jolongKu, jana marjanji burju mangoloi Au.

JEREMIA 22:5

Tapi muda nada dioloi hamu angka na Huparentahon, jadi marsumpa do Au bahaso bagas godang on angkon gabe mangkatapor. Au Tuhan, madung mandok songon i.

JEREMIA 44:26

Tapi saonnari tangihon hamu ma sanga aha na Hudok tu hamu, ale halak Israel na di Mesir: Au Tuhan, Husumpahon mangasahon goarKu na godang i bahaso na so loasonKu hamu be mamake goarKu laho mambaen janji bagi aha. Nada tola dokkononmunu, ‘Marsumpa Au mangasahon Debata na mangolu i!’

JEREMIA 49:13

Husumpahon mangasahon goarKu sandiri, anggo kota Bosra gabe inganan na jorbut noma i na nitadingkon ni halak. Partataan ni halak ma i jana baenonna goarna i gabe bura. Sude angka huta na menek na humaliang i gabe tinggal sego-segona noma i sapanjangna. Au Tuhan, madung mandok songon i.”

JEHESKIEL 32:13

BanteonKu ma sude pahan-pahananmu di angka batang aek parminuman ni halahi. Nada horuan ni jolma sanga binatang be batang aek tu pudi on.

MIKA 7:20

PatuduhononMu ma tu bangsoMu pomparan ni si Abraham dohot si Jakob habonaranMu dohot holong ni rohaMu na so marparsuhatan i songon na nijanjihonMu tu ompunami narobi.

LUKAS 1:73

Na dung marsumpa do Ia tu ompunta si Abraham, jana marjanji Ia laho paluahon hita sian musunta, anso taoloi Ia mardongan biar ni roha,

GALATIA 3:15

Hamu ale angka dongan! Hubaen ma tudosanna jolo sian na masa siganop ari di hita. Muda adong sanga ise na mambaen parjanjian, jana madung disahkon janji i, jadi sanga ise pe nada tarbaensa be manyundati janji i bagi manamba-nambai sanga aha pe tusi.

GALATIA 3:18

Harana muda marguru tu Tona do bagabaga ni Debata na tu si Abraham dohot tu pomparannia i, antong nada marguru tu na nibagahon ni Debata be i. Hape hum hara ni na dung dijanjihon Debata do tu si Abraham umbaen na nilehen ni Debata i tusia.

PANGARATAION 1:8

Ingot ma; Au do Tuhan na dung manjanjihon sude tano i tu ompumunu si Abraham, si Ishak dohot si Jakob maradu tu pomparan ni halahi. Antong, kehe ma hamu, jana ingani hamu ma luat i.’ ”