IBRANI 6:10 - BIBEL JAMITA NA DENGGAN

¹⁰ Nada Debata na so tigor. Nada halupahononNia sanga aha na denggan na nibaenmunu tuSia. Sai na ingotonNia do holong ni roha na nipatuduhonmunu tuSia di bagasan pangurupionmunu na nipasahatmunu maradopkon angka dongan Kristen na asing i. Jana lopus saonnari pe laing dilehen hamu do pangurupion i.

IBRANI 6:10 ပူးပေါင်းရင်းမြစ်များ

NEHEMIA 13:22

Jadi husuru ma angka halak Levi patupahon upacara paiaskon diri dohot manjago angka pintu horbangan laho mangawasi anso dipasangap halak Ari Sabat i. Martangiang ma au, “Ale Debatangku laing ingot ma au hara ni pangalahongki jana ibo ma rohaMu di au hombar tu godang ni holong ni rohaMu.”

NEHEMIA 13:31

Laing huatur muse ma anso rade dibaen rayat i soban sipakeon tu parhaulan di hatiha na tontu jana dioban haul sian suha ni gandum na parjolo malamun. Ujungna martangiang ma au, “Debatangku, ingot ma sudena on jana ibo ma rohaMu mida au.”

NEHEMIA 5:19

Pangidoanku ale Debata, ingot ma sasude na dung hubaen i di bangso on jana pasupasu ma au.”

MASMUR 20:3

Sai dijagit Ia ma sude haul na nilehenmu, jana jop ma rohaNia di haul na nitutungmu.

HARURUAR 1:20

Dung i dibaen Debata ma na denggan tu angka bidan i, dilehen ma pomparan ni halahi, angke halak na mabiar mida Debata do halahi. Jana halak Israel pe mur mabahat dope jana mur gogo.

PODA 14:31

Na pasangap Debatana do sanga ise na mambaen na denggan tu na pogos; na pabile na manompasa do halak na manyosak na gale.

PODA 19:17

Mangurupi halak na pogos tudos do na pasalihon tu Tuhan; laing Tuhan muse ma na paulakkon.

PARJAMITA 11:1

Danggurkon ma rotimu tu aek, jadi dung lolot dapot ho ma i muse.

JEREMIA 18:20

Patut ma he baloskonon hadengganan dohot hajahatan? Hape madung dihuar halahi godung anso madabu au tu bagasan. Ingot ma na dung huondihon halahi di adopanMu anso ulang muruk Ho tu halahi.

JEREMIA 31:16

Antak ma da na tangis i jana pahiang ilu ni matami! Nada magopo halolojamu tu dakdanakmi. Jagitonmu do tumbasna marmulahan do dakdanakmi sian tano ni musu.

MATEUS 10:42

Sanga ise na mangalehen minum, hum samangkuk aek ngali pe tu sahalak sian angka na menek on hara ni siihutkon Au halahi, angkon dapotan balos do halahi. Songon i ma satutuna!”

MATEUS 20:7

Dialusi halahi ma, ‘Inda adong sahalak pe na mangalehen karejo di hami.’ ‘Anggo songon i, dohot ma hamu markarejo di kobun anggurki,’ ninna nampuna kobun i.

MATEUS 25:17

Laing songon i muse ma na manjagit dua ribu hepeng perak i, maruntung ma ia dua ribu hepeng perak.

MARKUS 9:41

Satutuna do! Sanga ise na mangalehen hamu minum hum hara ni na gabe siihutkon Kristus i hamu, angkon jagitonnia do upania.”

JOHANNES 13:20

Tutu do na Hudok on tu hamu: Sanga ise na manjagit suruanKu, na manjagit Au do i. Sanga ise na manjagit Au, Debata na marsuru Au do na nijagitna disi.”

BAENON NI ANGKA RASUL 10:31

Didok ia ma, ‘Kornelius! Madung dijagit Debata tangiangmi jana diingot Ia do denggan ni rohamu.

BAENON NI ANGKA RASUL 10:4

Diligi ia ma tu surusuruan i mardongan biar, didok ia ma, “Aha do ulaning Tuan?” Dialusi surusuruan i ma, “Madung dijagit Debata tangiang dohot denggan ni rohamu jana diingot Debata do ho.

BAENON NI ANGKA RASUL 11:29

Jadi saroha ma sudena angka na porsaya i tu Jesus laho manongos pangurupion tu angka dongan na tinggal di Judea; marguru tu gogona be ma ditongos.

SURAT NI SI PAULUS TU PARLAGUTAN ROM 12:13

Urupi hamu ma na patukkon haporluan ni angka halak na porsaya tu Debata jana sonang ma rohamunu manjagit haroro ni halahi tu bagasmunu.

2 KORINTUS 9:1

Anggo salaho tu bantuan na nitongos i tu angka dongan sahaporsayaan, indangkon pola be mambaen surat au tu hamu.

GALATIA 5:13

Na dung dipiohon do hamu angka dongan anso gabe halak na bebas. Tapi ulang ma hara ni na bebas hamu gabe dalan laho mangoloi giot-giotmunu na sai mardosa i. Tapi marsioloan ma hamu sama hamu hara ni holong ni roha.

GALATIA 5:6

Angke muda dung marsada hita dohot Kristus Jesus, nada pola parsoalan be na mangihutkon paraturan ni sunat sanga na so mangihutkon aturan i. Manghaporsayai Kristus sajo noma na porlu, jana tarida ma i di bagasan holong ni rohanta maradopkon halak na asing.

GALATIA 6:10

Jadi salolot adong dope hatiha di hita, angkon sangahononta do mambaen na denggan tu sude halak, lumobi tu angka donganta sahaporsayaan.

PANGARATAION 32:4

Tuhan ma da na mangondihon ho gumogo, sude dalanNa tigor jana sanggam do. Setia do Debatamu jana ias rohaNa, na denggan dohot na patut do dibaen Ia.

KOLOSSE 3:17

Pendekna, sanga aha sikarejohonon sanga sidokkononmunu, angkon mangasahon Tuhan Jesus do karejohonon jana dokkononmunu i. Jana mandok tarimakasi ma hamu tu Debata Ama i markite-hite Jesus.

1 TESSALONIKA 1:3

Muda hatiha mangadop hami tu Debata Amanta i, sai tongtong do hami ingot hamu, i ma karejo na nipatupamunu hara ni haporsayaanmunu tu Kristus, bope holong ni rohamunu maradopkon dongan na asing jabat disarihon hamu halahi dohot arop ni rohamunu na togu maradopkon Tuhanta Jesus Kristus.

1 TIMOTEUS 6:18

Paingot ma halahi laho patuduhon hadengganan, laho patupahon bahat pangalaho na denggan, habasaon dohot haburjuon mangalehen.

2 TIMOTEUS 4:8

Jana saonnari upa ni hamonangan i noma sipainteonku. Di Ari Parpudi, pasahaton ni Tuhan Panguhum na tigor i ma upa i tu au, angke di bagasan pardomuan na denggan do au mangolu dohot Debata. Jana nada hum au sajo na giot manjagit upa i, tapi dohot do sudena halak na sai malungun paintehon haroro ni Tuhan i.

IBRANI 10:32

Ingot hamu ma sanga na bia pangalahomunu di hatiha na salpu. Anggo di hatiha i, dung ditorangi sinondang ni Debata hamu, bahat do parhancitan ditaon hamu; haru songon i pe laing marsitutu do hamu marjuang.

IBRANI 13:16

Ulang lupa hamu mambaen na denggan bope na marsiurup-urupan, angke na songon on do haul na pasonangkon roha ni Debata.

1 JOHANNES 1:9

Muda taoku dosanta, gabe na bonar jana na tigor do Ia, jadi sesaonNia ma dosanta jana dipaias Ia hita sian sasude hageduhan.