IBRANI 6:1 - BIBEL JAMITA NA DENGGAN

¹ Hara ni i, tapadiar ma jolo ojahan na parjolo sian ajaran taringot tu Kristus, jana taparayak ma hasanggapan i. Ulang be taulahi mambaen ojahan taringot tu hamubaan ni roha sian pambaenan na so hasaya, jana ojahan haporsayaan tu Debata,

IBRANI 6:1 ပူးပေါင်းရင်းမြစ်များ

PODA 4:18

Songon parbincar ni mataniari do anggo dalan na nibolus ni halak na denggan; mur lolot mur torang, jana ujungna ari pe gabe torang sajo.

ZAKARIA 12:10

Dung i lehenonKu ma tondi na sai marhagiot mangampuni dohot na marhagiot martangiang tu pomparan ni si Daud dohot tu halak na maringanan di Jerusalem. Tatapon ni halahi ma na nitiham ni halahi jana andungan ni halahi ma i songon pangandungi ni anak sasada. Lungun noma pangandung ni halahi, songon dia na agoan anak siangkaan.

MATEUS 21:29

Jadi dialusi anaknia i ma, ‘Inda ra au,’ ning ia. Tapi maruba muse ma roha ni anaknia i gabe kehe ma ia tu kobun anggur i.

MATEUS 21:32

Haru madung ro si Johannes Pandidi paboahon dalan na tutu tu hamu, hape nada ra hamu manghaporsayai na nidoknia. Hape anggo angka sijagit pajak dohot angka anak boru siparkarosuan, ma pola porsaya disia. Haru pe na dung diida hamu sudena i, hape laing so dipauba hamu dope rohamunu manghaporsayai ia.”

MATEUS 3:2

“Pauba hamu ma rohamunu”, ning ia, “harana inda pola lolot be, pungkaon ni Debata ma padalankon pangarajaionNia!”

MATEUS 4:17

Sian i ma dipungka Jesus marjamita mandokkon, “Pauba hamu ma rohamunu, dibaen madung donok Harajaan Ni Banua Ginjang.”

MATEUS 5:48

Angkon sanggam do hamu – sarupa dohot Amangmunu na di banua ginjang i, sanggam.”

MATEUS 7:25

Haru ro pe udan, magodang dohot aek, ro muse alogo na gogo manondong bagas i, nada ra rumpak bagas i angke di ginjang batu do i dipajongjong.

MARKUS 1:1

Songon on do Jamita Na Denggan taringot tu Jesus Kristus, Anak Ni Debata.

MARKUS 6:12

Anak sisean na dua bolas i pe, kehe ma. Dijamitahon halahi ma angkon tinggalkonon ni halak do angka dosana.

LUKAS 6:48

Songon na pajongjong bagas do i: Na mangkuar tano i bagas-bagas jana mambaen ojahanna di batu. Di na ro banjir ditondong aek magodang ma bagas i, nada tarunggalkon banjir bagas i, harana di ginjang ni ojahan na denggan do dipajongjong bagas i.

JOHANNES 12:44

Dung i didokkon Jesus ma, “Sanga ise na porsaya tu Au, nada hum tu Au porsaya halahi tapi dohot do tu na marsuru Au.

JOHANNES 14:1

Didok Jesus ma, “Ulang pola marsak rohamunu. Porsaya ma hamu tu Debata jana porsaya ma hamu tu Au.

JOHANNES 5:24

Hudok ma tu hamu: Satutuna sanga ise na manangihon hata na Hudok jana na porsaya tu na marsuru Au, halahi ma na dapotan hangoluan na so mantak. Nada siuhumon be i; madung malua ia sian hamatean jana dapotan hangoluan.

BAENON NI ANGKA RASUL 11:18

Jadi dung dibege halahi hata nangkinan i, nada be sai dialo halahi si Petrus. Dung i dipuji halahi ma Debata. Didok halahi ma, “Antong dipadohot Debata do halak na so marugamo Jahudi laho paubahon roha sian angka dosana be anso mangolu halahi.”

BAENON NI ANGKA RASUL 17:30

Madung disalpuhon Debata angka hatiha i dompak maoto hita, tapi anggo saonnari madung disuru Ia sudena jolma na satano on pauba rohana sian angka dosa ni halahi be.

BAENON NI ANGKA RASUL 2:38

Dialusi si Petrus ma, “Pauba hamu ma rohamunu sian angka dosamunu. Jana angkon dipandidihon ma hamu ganop be di bagasan goar ni Jesus Kristus, anso nisesa sude dosamunu i. Dung i jagitonmunu ma silehen-lehen ni Debata, i ma Tondi Parbadia.

BAENON NI ANGKA RASUL 20:21

Sanga na tu halak Jahudi pe sanga na tu bangso na asing, sai tongtong do hupaingot anso dipauba halahi be rohana sian angka dosa ni halahi jana anso ro mandapotkon Debata bope anso porsaya tu Tuhan Jesus.

BAENON NI ANGKA RASUL 26:20

Tangkas do hupatorang sanga na tu ise pe anso marsipauba rohana be sian angka dosana jana marsipasahat dirina be ma tu Debata jana angkon tarida ma di ngolu ni halahi be paboa na dung muba rohana sian dosa ni halahi be. Di Damaskus ma parjolo hupatorang songon i, dung i baru di Jerusalem dohot di sude Luat Judea dohot di tonga-tonga ni angka bangso na asing.

BAENON NI ANGKA RASUL 3:19

Hara ni i, pauba hamunu ma rohamunu sian angka dosamunu jana mulak ma hamu tu Debata, anso disesa Ia sude angka dosamunu i.

1 KORINTUS 13:10

Sanoli on muda dung ro na sanggam i, gabe mago ma disi na so sanggam i.

1 KORINTUS 2:6

Haru pe songon i, anggo tu halak na dung togu haporsayaanna, laing huhobarkon do nian taringot tu hamaloan. Tapi nada hamaloan ni portibi on sanga hamaloan ni angka na markuaso di portibi on. Harana mago do kuaso ni halahi i.

2 KORINTUS 7:1

Antong hamu ale dongan na nihaholongan! Tu hita do dibaen angka janji i sudena. Tapaias ma dirinta sian sasude na pahodarkon pamatang dohot rohanta. Tahabiari ma Debata, anso sanggam tarbaen hita mangolu mamunjung tu Debata.

2 KORINTUS 7:10

Angke anggo hamarsahan na tumbuk tu roha ni Debata do, parohon haubaan ni roha na paluahon do i. Jana nada manyosal halak sisongon i. Tapi anggo hamamarsak na sian tano on, arsak na mamatehon do i.

EPESUS 2:1

Na mate do hamu najolo hara ni na nilaosimunu angka parenta ni Debata jana mardosai hamu.

EPESUS 2:5

Jadi hatiha mate hita di partondionta, hara ni pangalaosionta dipangolu Ia hita mangulahi rap dohot Kristus. Jadi hum hara ni asi ni roha do umbaen na dipalua hamu.

EPESUS 4:12

Dibaen Ia sasudena i anso singkop do sudena halak na porsaya laho mangoloi Tuhan bope laho mambangun pamatang ni Kristus i.

KOLOSSE 1:28

Kristus do na hami jamitahon tu ganop halak. Hami paingot do halahi sudena jana hami ajari mardongan sudena hamaloan na adong di hami. Anggo tujuannami, anso sude do jolma taroban tu Debata songon halak na dung impas godang di angka pangalaho partondion, hara ni na dung mardomu dohot Kristus.

KOLOSSE 3:14

Jana na umporlu: Angkon marsihaholongan do hamu sama hamu, angke holong i do na pasadahon hamu sudena gabe sanggam.

KOLOSSE 4:12

Tabe ni si Epafras di hamu. Laing sian hamu on do asalnia. Naposo ni Jesus Kristus do ia, na sai manangiangkon hamu. Marsitutu do ia mangido tu Debata anso margogo hamu nian jana anso tongtong togu; boti muse anso laing mardongan pos ni roha na togu hamu mangoloi hagiot ni Debata.

1 TIMOTEUS 3:16

Sada halak pe nada tarbaen mansoadahon sanga na bia godang ni rahasia ni ugamonta: Dipataridahon Ia do diriNia gabe jolma, jana dipatigor di bagasan Tondi, na patidahon diriNia tu angka surusuruan. Dipatubegehon do baritaNa di tonga-tonga ni angka bangso, jana sihaposan do Ia di tano on. Saonnari madung nipanaek Ia tu banua ginjang.

1 TIMOTEUS 6:19

Songon i ma baenon ni halahi dalanna laho palagutkon arta na gabe poko na denggan tu ari pangapudian ni halahi. Jadi muda songon i, maruli ma halahi ngolu na manongtong i ma ngolu na satutuna i.

2 TIMOTEUS 2:19

Hape anggo ojahan na nibaen ni Debata, ojahan na togu situtu do i jana na so tarhutur. Di ginjangna i tarsurat do, “Ditanda Tuhan do angka nampunaNia,” bope “Sanga ise na mandok nampuna ni Tuhan ia, angkon mantak ma halakna i mambaen dosa”.

IBRANI 11:6

Muda so marhaporsayaan sanga ise pe nada tarbaen pasonang roha ni Debata. Angke sanga ise na ro tu Debata angkon porsaya do ia na tutu adong Debata jana lehenon ni Debata do upa tu angka na manjalahi Ia.

IBRANI 12:13

Di dalan na hornop ma hamu mardalan, anso ulang tarbalingsu patmunu, tapi mur tu malumna ma.

IBRANI 7:11

Antong, sugari sura madung ro hasanggaman i markite-hite hamalimon ni halak levi – angke di toru hamalimon ni halahi do dijagit halak na bahat Tona i – aha dope he gunana dipabangkit Malim Godang mangihutkon aturan ni si Melkisedek, jana nada nidok mangihutkon aturan ni si Harun?

IBRANI 9:14

mur ma mudar ni Kristus! Markite-hite Tondi na manongtong, dihaulkon Kristus do diriNia sandiri tu Debata gabe haul na sanggam. Dipaias mudarNia i do taroktokta sian angka karejo na so marguna, anso tarbaen hita dohot mangoloi karejo na so marguna, anso tarbaen hita dohot mangoloi Debata na mangolu i.

JAKOBUS 1:4

Jagohon hamu ma anso ulang mantak di tonga dalan hasobaronmunu i, tapi mur martumbur ma i lopus magodang hamu jana sanggam bope na so markahurangan hamu di sasudena.

1 PETRUS 1:21

Markite-hite Ia do porsaya hamu tu Debata na pangoluhon Ia mangulahi sian hamatean dohot na pasangapkon Ia. Jadi Debata do na nihaporsayaanmunu jana laing tu Debata muse ma hamu mararop ni roha.

1 PETRUS 5:10

Tapi dung ditaon hamu santongkin parkancitan i, Debata sandiri noma mambaen hamu gabe sanggam. PajongjongonNia ma hamu jana patoguonNia dohot parjugukmunu pe pahotonNia muse ma. Angke Debata parroha na sun denggan do Ia, na mamiohon hamu anso dohot mangkilala hasangapanNia na manongtong i markite-hite Kristus.

1 JOHANNES 4:12

Sahalak pe nada adong na jungada mida Debata, tapi maringanan do Debata di bagasan hita jana gabe sanggam do holong ni rohaNia di bagasan hita muda marsihaholongan hita sama hita.