IBRANI 5:7 - BIBEL JAMITA NA DENGGAN

⁷ Hatiha di ngolu ni Jesus di tano on, mangangguk godang do Ia tangis martangiang dohot pasahatkon angka pangidoanNia tu Debata, na margogo paluahon Ia sian hamatean. Boti hara ni na mangoloi Ia tu Debata mardongan sangap na gok, gabe ditangihon Debata do pangidoanNia i.

IBRANI 5:7 ပူးပေါင်းရင်းမြစ်များ

MASMUR 22:24

Angke nada dipadiar Ia halak na niparkancitan, jana nada nayang rohaNia di pardangolanna. Nada dihudukkon Ia halahi, tapi mangalusi do Ia muda pio-pio halahi tuSia.

MASMUR 69:1

Ale Debata, palua ma au, maliput aek lalu tu tolonanku.

MASMUR 88:1

Ale Tuhan Debata sipalua au, sasadari pio-pio do au tu Ho; jana bornginna i ro do au tu adopanMi.

JESAYA 49:8

Didok Tuhan tu bangsoNia, “Di hatiha na ungkap rohangKu alusanKu ma ho, di hatiha na paluahon Au, tolongonKu ma ho. Madung Hujadihon jana Hulehen ho gabe janji maradopkon jolma, laho mambangun portibi on mangulahi, jana mambagi-bagihon tano pusako na dung mamolngit i.

JESAYA 53:11

Dung abis hasusaannia idaonnia ma na torang jana puas ma pangkilalaanna. Tigor do parrohaon ni naposongKi, jana bahat do halak gabe tigor hara ni ia, ampe tusia do uhuman na tu halahi.

JESAYA 53:3

Dipasiding halak ia jana dipalayas, halak na somal marhancit do ia jana na mardangol, na layas sajo do ia, lopus ditutup halak bohina maradopkon ia, jana di hita pe nada masuk etongan ia.

HAMALIMON 2:2

dung i dioban ma tu malim pomparan ni si Harun. Buaton ni malim na markarejo hatiha i ma sanggolom sian topung i dohot miak zetun bope hamonyan i sude, lalu ditutung ia ma di ginjang ni langgatan na gabe songon tanda bahaso haul i na dung dihaulkon sude tu Tuhan. Uap ni haul situtungon i ma pajop roha ni Tuhan.

MATEUS 27:46

Dung pukul tolu andospotang, gogo ma sora ni Jesus ning Ia ma, “Eli, Eli, lama sabakhtani?” astuanna, “O, DebatangKu, DebatangKu, biasi ditinggalkon Ho Au?”

MATEUS 27:50

Dung i mangulahi ma pio-pio Jesus. Dung i tos ma hosaNia.

MARKUS 15:34

Di pukul tolu andospotang i mangangguk ma Jesus marsora na gogo, “Eloi, Eloi, lama sabakhtani?” astuanna, “O DebatangKu, DebatangKu biasi ditinggalkon Ho Au?”

MARKUS 15:37

Dung i mangangguk ma Jesus dohot sora na gogo, jana tos ma hosaNia.

LUKAS 23:46

Dung i marsurak ma Jesus gogo, “Ale Amang! Tu bagasan tanganMu ma Hupasahat tondingKu!” Dung didok Ia songon i marujung ma ngoluNia.

JOHANNES 1:14

Jadi madung gabe sibuk do Hata i, jana maringanan di tonga-tonganta, madung taida hamuliaonNia. Songon hamuliaon ni Anak Sasada na sian Ama i, na gok asi ni roha dohot hasintongan.

JOHANNES 11:35

Dung i tangis ma Jesus.

JOHANNES 11:42

Huboto do na sai tongtong ditangihon Ho pangidoanKu, tapi Hudok pe songon i hara ni angka jolma na dison on do; anso porsaya halahi, na Ho do marsuru Au.”

JOHANNES 17:1

Dung sidung didok Ia songon i, manatap ma Jesus tu langit, ning Ia ma, “O ale Amang, saonnari madung dapot hatihana. Pasangap ma AnakMu anso dipasangap AnakMi muse Ho Amang.

SURAT NI SI PAULUS TU PARLAGUTAN ROM 8:3

Sanga aha na so tarpatupa Tona i, hara ni bako ni hajolmaonta na gale, madung dibaen Debata. Madung ditaluhon Debata do kuaso ni dosa na di bagasan bako ni jolma i, i ma markite-hite na marsuru AnakNia sandiri, na ro di bagasan pangalaho na sarupa dohot jolma pardosa, laho manyesa dosa.

GALATIA 4:4

Tapi dung dapot hatiha hadenggananna, disuru Debata ma AnakNia i tu portibi on. Na sorang sian sada dadaboru do AnakNa i jana na mangolu di toru ni Tona i.

1 TIMOTEUS 3:16

Sada halak pe nada tarbaen mansoadahon sanga na bia godang ni rahasia ni ugamonta: Dipataridahon Ia do diriNia gabe jolma, jana dipatigor di bagasan Tondi, na patidahon diriNia tu angka surusuruan. Dipatubegehon do baritaNa di tonga-tonga ni angka bangso, jana sihaposan do Ia di tano on. Saonnari madung nipanaek Ia tu banua ginjang.

IBRANI 10:10

Madung dipatulus Jesus Kristus sanga aha na nidok ni Debata baenonNia. Hara ni i ma umbaen na nipaias hita sudena sian dosa markite-hite haul i, i ma Jesus sandiri – na nihaulkon sanoli sajo ro di salolot-lolotna.

IBRANI 10:5

Hara ni i do di na ro Kristus tu tano on didok Ia tu Debata, “Nada pola dihagioti rohaMu haul dohot haul silehen-lehen; tapi madung diparade Ho sada pamatang di Au.

IBRANI 11:7

Hara ni na porsaya, gabe dijagit si Noak do barita na nilehen ni Debata tusia taringot tu angka na giot masa muse, na so haidaan dope tanda-tandana. Laing hara ni i muse ma, gabe dioloi si Noak Debata, gabe dipauli ia sada parau na paluahon ia muse rap dohot pangisi ni bagasnia. Jadi gabe dipasala ma portibi on, hape anggo si Noak sandiri didok Debata ma gabe halak na burju hara ni haporsayaannia.

IBRANI 12:28

Hara ni na dung tajagit harajaan na so tarhutur i, beta ma tadok tarimakasi jana mangoloi tu Debata mangihutkon angka tona na tama tuSia, mardongan sangap dohot biar.

IBRANI 13:20

Madung dipangolu Debata Tuhanta Jesus sian hamatean. Hara ni hamamateNia i, gabe Parmahan Bolon ma Ia saonnari di hita na gabe songon biri-biriNia. Laing songon jaminan muse do hamamateNia i taringot tu janji na so ra muba na sian Debata.

IBRANI 2:14

Angke anggo angka halak na nidokNia i dakdanakNia, i ma angka mudar dohot sibuk, gabe sarupa ma Jesus sandiri dohot halahi jana mangolu songon pangalaho ni jolma sarupa dohot halahi. Songon i pe pambaenNia, anso ditaluhon Ia do Sibolis i na maniop kuaso ni hamatean i.

1 JOHANNES 4:3

Tapi sanga ise na so mangoku songon i taringot tu Jesus, nada adong di halahi Tondi Parbadia. Sian musu ni Kristus do tondi na adong di halahi. Taringot tu tondi i pe madung dipaboa hian i tu hamu na giot ro hian do i. Madung di portibi on ia saonnari.

2 JOHANNES 1:7

Madung bahat angka pargabus manyarsar sun ro di dia di tano on. Na so nioku ni halahi do na dung ro Jesus Kristus tu portibi on songon sada jolma. Pargabus do halak na songon i jana musu ni Kristus.