IBRANI 5:4 - BIBEL JAMITA NA DENGGAN

⁴ Nada adong sahalak pe na mambuat hasangapan i tu dirina sandiri, tapi na nipio ni Debata do ia dikarejo i, songon na masa tu si Harun.

IBRANI 5:4 ပူးပေါင်းရင်းမြစ်များ

1 JUJUR TAON 23:13

Si Amram ma amang ni si Harun dohot si Musa. (Anggo si Harun dohot pomparannia sapanjangna noma dibaen markarejo hum mangurus angka panjamaan na nipake maribadat, manutung hamonyan di Tuhan, mangoloi Tuhan dohot mamasumasu rayat mangasahon goar ni Tuhan.

2 JUJUR TAON 26:18

laho mangalo pambaenanna i. Didok halahi ma, “Di raja i na hami parsangapi! Nada adong hak ni raja i manutung dupa di Tuhan. Tugas ni angka malim pomparan ni si Harun do i, harana halahi do na marhasurungan tusi. Ditadingkon raja i ma inganan na badia on! Ma dialo raja i Tuhan Debata, jana nada ditolopi Ia be raja i.”

ESRA 7:5

Abisua Pinehas Eleasar Malim Godang Harun

HARURUAR 28:1

“Piohon ma angkangmu si Harun dohot angka dakdanaknia i si Nadab, si Abihu, si Eleasar dohot si Itamar. Paasing ma halahi sian halak Israel, anso tarbaen halahi mangoloi Au songon malim.

HAMALIMON 8:2

“Oban ma si Harun dohot angka anakna i, tu Pintu Ni Bandar ParmiananKi. Oban muse pakean malim, miak upacara, lombu jantan na poso baen haul hasesaan ni dosa, dua biri-biri jantan dohot roti na so marragi sabakul.

BILANGAN 16:10

Ho Korah dohot halak Levi madung dapotan sangap sian Tuhan, hape saonnari mangalului anso hamu gabe malim.

BILANGAN 16:35

Diparo Tuhan i muse ma api na marjembur laho manutung na 250 halak na manutung hamonyan i.

BILANGAN 16:40

Gabe parningotan di bangso Israel, bahaso asing sian pomparan ni si Harun, sahalak pe nada tola ro tu langgatan laho manutung hamonyan di Tuhan i. Halak na mangalanggar aturan on angkon dibunu songon si Korah dohot donganna. Jadi sudena i dipatulus do i songon na dung diparentahon Tuhan tu si Eleasar marhite si Musa.

BILANGAN 16:5

Dung i didok ia ma tu si Korah dohot donganna i, “Ancogot manyogot i patidahonon ni Tuhan ma tu hita sanga ise sian hita na dung mardohonan di Tuhan. Halak na dung mardohonan di Tuhan i, patuduhonon ni Tuhan sandiri do i mandongani Tuhan i di langgatan i.

BILANGAN 18:7

Tapi hum ho dohot anakmu sajo do na tola mandalankon karejo ni malim na mardomu dohot langgatan bope dohot barang aha pe na adong di Bilik Na Sun Badia i. I ma karejomu, dibaen madung Hubaen hamu gabe malim. Ganop halak na so dapotan hak na songon i angkon mate uhumon muda donok tu angka barang na badia i.”

BILANGAN 3:3

Diangkat do halahi gabe malim marhite upacara na mangusehon miak di hatiha pamiahion ni ulu.

JOHANNES 3:27

Dialusi si Johannes ma, “Nada tarbaen jolma mangkarejohon bagi na aha pe, anggo so dilehen Debata i disia.