IBRANI 5:14 - BIBEL JAMITA NA DENGGAN

¹⁴ Anggo panganon na pir, tu halak na dung magodang do i, harana madung malo ia paasingkon sanga dia na denggan dohot mandok sanga dia na jat.

IBRANI 5:14 ပူးပေါင်းရင်းမြစ်များ

PAMUNGKAAN 3:5

Didok Debata pe songon i, harana diboto Ia do muda dipangan hamu batuna i gabe tudos ma hamu tu Debata, umboto na denggan dohot na jahat.”

2 SAMUEL 14:17

Pos do rohangku rajanami laing janji ni raja i noma na manjamin haluaanku angke na songon surusuruan ni Debata do raja i na tuk gogo paasingkon na denggan dohot na jat. Sai didongani Tuhan Debata ni raja i ma antong nian raja i!”

1 RAJA-RAJA 3:11

gabe didok ma tusia, “Dibaen habisuhon do dipangido ho laho mamarenta di bagasan hatigoran, nada umur na ginjang sanga hamoraonmu sanga pe hamamate ni angka musumu,

1 RAJA-RAJA 3:9

Hara ni i ale Tuhan, lehen ma di au habisuhon na porlu di au laho mamarenta bangsoMon di bagasan hatigoran jana anso tangkas di au paasingkon dia na denggan, jana dia na jat. Muda nada songon i, songon dia ma tarbaen au mamarenta bangsoMu na godang on?”

JOB 12:11

Songon dilaniba na sai giot mandai na lambok, laing songon i do pinggolniba sai giot tumangi na nidok.

JOB 34:3

Diboto halak do sipanganon na tabo muda dung didaisa, dohot hata pandohan na bisuk muda dung dibegesa.

JOB 6:30

Adong he diambang ho margabus au, nada tarbaen paasing na denggan dohot na jat?

MASMUR 119:103

Tonggina i antong baga-baga na nidokMu tumonggi do i sian manisan di pamangan.

ENDE NA GODANG 1:3

Muab na huskus situtu do miakmu, songon miak wangi na marserak do goarmu. Hara ni i, holong do roha ni sude bujing-bujing tu ho!

ENDE NA GODANG 2:3

Sian tonga-tonga ni halaklahi, tarsongon bona ni sipanganon di harangan do haholonganki. Jop rohangku marsilaung di toruna i, angka batuna pe antong daina tonggi.

JESAYA 7:15

Angkon panganonnia do susu dohot aer ni loba, lopus diboto ia manulak na jat dohot mamili na denggan.

MATEUS 5:48

Angkon sanggam do hamu – sarupa dohot Amangmunu na di banua ginjang i, sanggam.”

SURAT NI SI PAULUS TU PARLAGUTAN ROM 14:1

Jagit hamu ma halak na gale dope haporsayaanna, ulang ma uhumi hamu pandapot ni halahi.

1 KORINTUS 2:6

Haru pe songon i, anggo tu halak na dung togu haporsayaanna, laing huhobarkon do nian taringot tu hamaloan. Tapi nada hamaloan ni portibi on sanga hamaloan ni angka na markuaso di portibi on. Harana mago do kuaso ni halahi i.

EPESUS 1:18

Hupangidohon anso torang mata ni rohamunu dibaen Ia, anso diastui hamu sanga aha na patut aropon ni rohamunu sian Debata na mamiohon hamu, bope hamoraon ni hasangapan, siteanon na nitontuhonNia di angka halak na porsaya.

EPESUS 4:13

Jadi muda dung songon i gabe sada ma hita sudena hara ni haporsayaan na sada i dohot hara ni pangastuion na sarupa taringot tu Anak Ni Debata i. Jana gabe halak na impas godang ma hita mur honok mur tu sanggamna songon Kristus i.

PILIPPI 3:15

Hara ni i sudena hita na dung impas godang di ngolu partondion, angkon songon i ma nian. Tapi betak sai adong sian hamu na asing pandapotna, laing patangkason ni Debata muse ma i tu hamu.

1 TESSALONIKA 5:21

tapi tangkasi hamu ma sasudena, jana togu ma tiop hamu na denggan i.

1 TIMOTEUS 4:7

Padao ma ho sian angka turi-turian na so ture. Gumonan ma pasomal-somal dirimu marhadaulaton tu Debata.

IBRANI 6:1

Hara ni i, tapadiar ma jolo ojahan na parjolo sian ajaran taringot tu Kristus, jana taparayak ma hasanggapan i. Ulang be taulahi mambaen ojahan taringot tu hamubaan ni roha sian pambaenan na so hasaya, jana ojahan haporsayaan tu Debata,

JAKOBUS 3:2

Jotjot do hita sudena mambaen hasalaan. Sanga ise na so jungada mambaen hasalaan di angka hatana, halak na sanggam do i, na margogo mangarajai dirina.