IBRANI 4:8 - BIBEL JAMITA NA DENGGAN

⁸ Sugari na dung dioban si Josua angka jolma i masuk tu inganan na giot lehenon ni Debata gabe paradianan ni halahi, tontu nada pola taringotan ni Debata be sada ari na asing.

IBRANI 4:8 ပူးပေါင်းရင်းမြစ်များ

1 JUJUR TAON 7:27

si Nun, si Josua.

MASMUR 105:44

Dilehen Ia di halahi tano ni angka bangso, suha ni haloloja ni halak gabe bangsoNia do nampunasa,

MASMUR 78:55

Di jolo ni bangsoNia i dipaorot Ia halak na disi humani lalu dibagi-bagihon Ia luat i tu sude marga ni Israel, bangsoNia i, lopus taringani halahi undung-undung ni musu ni halahi.

BAENON NI ANGKA RASUL 7:45

Dung i sai dipaoban-oban angka ompunta i ma undung-undung i di na kehe halahi dohot si Josua mangarampas luatta on sian tangan ni angka bangso na niayak ni Debata di jolo ni halahi. Laing disi ma undung-undung i lopus tu hatiha ni si Daud.

PANGARATAION 12:9

dibaen nada masuk dope hamu tu tano na giot silehenon ni Tuhan Debatamunu tu hamu, i ma ingananmunu, disi ma tarbaen hamu mangolu di bagasan sonang.

PANGARATAION 25:19

Jadi hara ni i, muda dung dilehen Tuhan Debatamunu tano i tu hamu, jana dung aman hamu sian sasude musu na maringanan humaliang hamu, angkon bunuonmunu do sude halak Amalek i lopus nada ingoton ni sanga ise be halahi. Ulang hamu lupa disi!”

IBRANI 1:1

Madung jotjot jana marragam dalanna dibaen Debata laho mangkatai tu angka ompunta markite-hite angka panurirang.

IBRANI 4:9

Jadi anggo di halak ni Debata laing adong dope janji anso maradian songon Debata na maradian di ari papituhon i.

JOSUA 1:15

lopus sidung diingani halahi luat na di Hasundutan ni Batang aek Jordan on na dung dilehen Tuhan Debatamunu di halahi. Dung tumbuk di roha ni Tuhan paloaskon sude bangso Israel mangolu marsonang-sonang, baru ma anso tola mulak angka parporangmunu i mangulahi tu tanomunu sandiri di sabola Habincaran ni Jordan on, i ma na nilehen ni si Musa naposo ni Tuhan i tu hamu.”

JOSUA 11:23

Dirampas si Josua ma sude luat i songon na dung diparentahon ni Tuhan tu si Musa. Dung i dilehen ia ma luat i jana dibagi-bagihon tu bangso Israel gabe halahi puna; sabagian be ma ganop marga. Mantak muse ma bangso Israel na marporang i.

JOSUA 22:4

Antong, domu tu na dijanjihonNa i, madung dilehen Tuhan Debatamunu i hasonangan tu angka kahanggimunu sabangso. Jadi saonnari, mulak ma hamu tu tanomunu sandiri, na di Habincaran ni Batang aek Jordan i, na nilehen ni si Musa najolo tu hamu.

JOSUA 23:1

Dilehen Tuhan ma hasonangan di halak Israel; nada adong be angka ancaman ni musu mangganggu halahi. Lolot-lolot dung salpu i, si Josua pe madung matobang situtu.