IBRANI 4:4 - BIBEL JAMITA NA DENGGAN

⁴ Harana anggo taringot tu ari papituhon, adong do tarsurat di Buku Na Badia i songon on, “Maradian do Debata di ari papituhon i sian sude parkarejoanNia.”

IBRANI 4:4 ပူးပေါင်းရင်းမြစ်များ

HARURUAR 20:11

Dibaen di bagasan onom ari do lolotna ditompa Tuhan langit dohot tano, laut dohot nasa isina, jana maradian do Ia di ari papituhon i. Hara ni i ma dibaen dipasupasu Tuhan Ari Sabat i jana diparbadiai.

HARURUAR 31:17

I ma sada tanda parjanjian antara Au dohot bangso Israel ro di salolot-lolotna; angke di bagasan onom ari do ditompa Tuhan langit dohot tano, jana maradian do Ia di ari papituhon i.”

PANGARATAION 5:14

tapi ari papituhon, i ma Ari Sabat ni Tuhan Debatamu. Nada jadi mangkarejohon nasa karejo di na sadari i – bope ho, bope anakmu, bope borumu, bope naposomu halaklahi, bope naposomu dadaboru, bope lombumu, bope halodemu, sanga halak na mardagang di hutamu. Angka naposomu pe angkon maradian do laing songon ho sandiri.

IBRANI 2:6

Tapi adong do sada bagian sian Buku Na Badia i manyuratkon songon on, “Aha ma he jolma ale Debata, umbaen na pola ra Ho marningotsa? Hum jolma humani do jolma i, hape diparrohahon Ho do i!

IBRANI 4:10

Angke sanga ise halak na dung masuk tu inganan na gabe paradiananNia, maradian muse ma ia sian karejonia, songon Debata na maradian muse sian karejoNa.