IBRANI 4:2 - BIBEL JAMITA NA DENGGAN

² Harana madung dipaboa tu hita Jamita Na Denggan i laing songon na tu halahi. Hape anggo di halahi nada marguna jamita i. Angke di na nibege ni halahi jamita i, nada dijagit halahi i mardongan haporsayaan tu Debata.

IBRANI 4:2 ပူးပေါင်းရင်းမြစ်များ

BAENON NI ANGKA RASUL 13:46

Tapi mur barani do si Paulus dohot si Barnabas mandok hata. Didok halahi ma, “Tutu do i angkon jolo paboaon do hata ni Debata tu hamu. Tapi hara ni na so ra hamu manjagitsa disi ma ditontuhon hamu sandiri paboa na so tama hamu manjagit ngolu na so mantak i. Jadi saonnari tadingkononnami ma hamu, kehe ma hami mandapotkon bangso na asing.

BAENON NI ANGKA RASUL 3:26

I do umbaen na nipili ni Debata NaposoNia, jana hamu do na parjolo didapotkon Ia anso dipasupasu Ia hamu, dohot paubahon rohamunu sudena sian ngolumunu na jahat i.”

SURAT NI SI PAULUS TU PARLAGUTAN ROM 2:25

Sugari na burju hamu mangoloi Tona i, marguna muse do na marsunat i hamu. Tapi anggo dilanggar hamu do aturan i gabe nada adong be guna ni sunat i.

SURAT NI SI PAULUS TU PARLAGUTAN ROM 3:3

Tapi bia ma i, anggo adong do deba halak Jahudi na so setia? Sanga hara ni i ma he dalanna gabe nada setia Debata?

1 KORINTUS 13:3

Sugari sude pe sinadonganniba dilehen tu halak na pogos, jana sugari pe nipadiar pamatangniba hona tutung, tapi anggo so nihaholongan do halak na asing, nada adong guna ni i sudena.

GALATIA 3:2

Paboa hamu ma jolo tu au pangalaho na sada on: Adong he hara ni na mandalankon Tona do umbaen na nijagitmunu Tondi Parbadia nabaruon, sanga hara ni na umbege Jamita Na Denggan na sian Debata dohot hara ni na porsaya tu Kristus do?

GALATIA 3:8

Madung diida Buku Na Badia i hian do na dung dilehen Debata dalan anso mardenggan mangulahi angka halak na so Jahudi dohot Debata, muda porsaya halahi tu Debata. Tu si Abraham do parjolo dipaboa Jamita Na Denggan i, di bagasan janji on, “Markite-hite ho, pasupasuon ni Debata ma sandok bangso na di ginjang tano on.”

GALATIA 4:13

Tontu laing diingot hamu do sanga na bia pangalahongku di na hujamitahon tu hamu Jamita Na Denggan i di mulana. I ma hara ni na marnyae au.

PANGARATAION 1:32

Tapi haru pe na dung hudok songon i, laing na so ra do hamu porsaya tu Tuhan Debatamunu,

1 TESSALONIKA 1:5

Angke di na manjamitahon Jamita Na Denggan i hami tu hamu, nada hum hata-hata sajo na hami jamitahon i, tapi mardongan kuaso na sian Tondi Parbadia do. Jana pos situtu do rohamunu na tutu do Jamita Na Denggan i. Diboto hamu do sanga na bia ngolunami laho manyarihon hamu dompak di tonga-tongamunu hami.

1 TESSALONIKA 2:13

Adong dope sada nari pangalaho na mambaen hami angkon tongtong mandok tarimakasi tu Debata. I ma, hara ni panjagitmunu di jamita na sian Debata dompak hami jamitahon tu hamu. Nada songon jamita na sian jolma i dijagit hamu tapi songon jamita na sian Debata do. Jana na sian Debata do i tutu! Na markarejo do hata ni Debata di bagasan dirimunu na mangkaporsayai Kristus.

1 TIMOTEUS 4:8

Pangoromon ni pamatang, saotik do guna ni i, tapi anggo latihan ni roha, i ma na marguna tu sude pangalaho, angke dijamin i do ngolunta di tano on lopus tu ari parpudi.

IBRANI 11:6

Muda so marhaporsayaan sanga ise pe nada tarbaen pasonang roha ni Debata. Angke sanga ise na ro tu Debata angkon porsaya do ia na tutu adong Debata jana lehenon ni Debata do upa tu angka na manjalahi Ia.

IBRANI 3:12

Hamu angka dongan, manat ma hamu anso ulang jabat adong sian hamu sahalak pe na songon i jahatna jana na so porsaya tu Jesus, gabe marbalik mangkudukkon Debata na mangolu i!

IBRANI 4:6

Jadi halahi na parjolo umbege barita taringot tu Jamita Na Denggan i nada dilehen inganan paradianan hara ni na so porsaya halahi. Antong madung torang sian i, adong dope angka halak na asing na nipatola manjagit inganan paradianan i sian Debata.

JAKOBUS 1:21

Antong hara ni i, ambungkon hamu ma sude hasomalan na hodar dohot na jat. Jagit hamu ma di bagasan toruk ni roha Hata na nisuan ni Debata di bagasan rohamunu, angke margogo do Hata i laho paluahon hamu.

1 PETRUS 1:12

Dipaboa Debata do tu angka panurirang i sasudena na nibaen ni halahi i laho mangoloi hamu do, jana nada na mangoloi halahi sandiri; i ma taringot tu angka na nibegemunu saonnari sian angka na manjamitahon Jamita Na Denggan. Mardongan kuaso ni Tondi Parbadia na nitongosNia sian banua ginjang do dipasahat halahi na songon i tu hamu. Salang angka surusuruan pe por do rohana mamboto barita na nipaboa ni halahi i.