IBRANI 4:16 - BIBEL JAMITA NA DENGGAN

¹⁶ Hara ni i, pos ma rohanta ulang pola mabiar be hita mandapotkon habangsa parasinirohaan, anso tajagit ibo ni roha dohot dumpangan asi ni roha, na gabe pangurupi di hatiha na dung ditontuhon i.

IBRANI 4:16 ပူးပေါင်းရင်းမြစ်များ

1 JUJUR TAON 28:11

Dung i dipasahat si Daud ma tu si Salomo sude sangkap na laho mambangun Bagas Ni Debata, mambangun angka gudang maradu angka kamarna sude dohot Bilik Na Sun Badia inganan pangampunan ni dosa.

JESAYA 27:11

Muda adong angka rantingna i na mahiang jana masopak, ro ma angka dadaboru mambuatisa baen soban. Nada diastui bangso i sanga na aha, jadi gabe nada haholongan ni Panompa i be halahi sanga asianNa.

HAMALIMON 16:2

Ning Ia ma, “Pabolkas ma tu angkangmu si Harun, anso hum di hatiha na dung ditontuhon do tola masuk ia tu Bilik Na Sun Badia di pudi ni hire-hire i, angke disi do giot patidahononKu diringKu di bagasan ombun di ginjang ni Poti Parjanjian i. Muda dilaosi si Harun do parenta i, hona bunu ma ia.

EPESUS 2:18

Markite-hite Kristus tarbaen ma hita sudena solkot tu Ama i – sanga na halak Jahudi sanga pe angka na so Jahudi.

EPESUS 3:12

Dohot dalan mangkaporsayai Kristus bope hara ni na mardomu dohot Ia, dipatola ma hita laho mandonohi Debata mardongan haporsayaan na gok.

IBRANI 13:6

Hara ni i gabe puluk ma hita mandok, “Tuhan do Pangurupi di au, nada mabiar au. Aha ma he na tarbaen jolma tu au lakna?”

IBRANI 3:6

Tapi anggo Kristus, songon anak do di bagasNia. Jana hita do bagas i muda tongtong marmomos jana marpos ni roha paboa na jagitonta do sanga aha na niarop ni rohanta.

IBRANI 7:19

Dibaen nada adong na ni paujung ni Tona na sanggam i, hara ni i do nipabangkit arop ni roha na dumenggan, markite-hite i do tarpadonok hita tu Debata.

IBRANI 7:25

Jadi hara ni i sanga andigan pe tarbaen Jesus do paluahon sanga ise halak na ro tu Debata markite-hite Ia. Tarbaen Jesus pe songon i hara ni na mangolu do Ia sapanjangna laho pasahatkon tu Debata angka pangidoan ni halahi.

IBRANI 9:5

Di ginjang ni poti i adong ma dua kerub na manggambarkon na disi do Debata. Mangerbang ma habong ni kerub i di ginjang inganan pamispisan ni mudar, tanda ni hasesaan ni dosa i. Tapi nada tarpatorang sudena i pasada-sada saonnari.

1 PETRUS 2:10

Na jolo, nada bangso ni Debata hamu, hape anggo saonnari bangso ni Debata do hamu. Najolo, nada dihaholongi Debata hamu, hape anggo saonnari didai hamu do asi ni rohaNia.