IBRANI 4:11 - BIBEL JAMITA NA DENGGAN

¹¹ Hara ni i ringgas ma hita anso dohot hita masuk tu inganan paradianan i. Ulang jabat adong sahalak pe sian hita na madabu hara ni na mangihutkon tiruan na binaen ni na so porsaya i.

IBRANI 4:11 ပူးပေါင်းရင်းမြစ်များ

MATEUS 11:12

Sian na mamungka si Johannes marjamita lalu tu sadari on, matua dialo halak do Harajaan Ni Banua Ginjang i jana giot manggomgomisa.

MATEUS 7:13

“Sian pintu na sompit i ma hamu masuk! Harana anggo pintu na godang jana na bidang i, pintu tu narako do i! Na bahatan do halak mamolus sian i.

LUKAS 13:24

“Angkon usahahononmunu do masuk mamolus sian pintu na sompit. Angke ingot hamu ma! Bahat do halak na marusaho giot masuk mamolus pintu i tapi nada tarbaensa.

LUKAS 16:16

Olat ni si Johannes Pandidi laing margogo do Tona ni ugamo na nipasahat ni si Musa, dohot angka pangajaran na adong di buku ni angka panurirang. Mamungka sian i torus ma dijamitahon Jamita Na Denggan taringot tu Harajaan Ni Debata.

JOHANNES 6:27

Ulang pola marloja-loja hamu markarejo hara ni sipanganon na ra abis dohot na ra busuk. Markarejo ma hamu, anso dapot hamu sipanganon na so ra busuk jana na mangalehen hangoluan na so mantak. Lehenon ni Anak Ni Jolma i do di hamu panganon i; angke madung dilehen Damang, i ma Debata, kuaso i diSia.”

BAENON NI ANGKA RASUL 26:19

“Jadi rajanami, Raja Agrippa, huhaburjuhon do tongtong laho mangoloi parnidaan na hujagit i sian Debata.

EPESUS 2:2

Angka hasomalan ni portibi on do dipaolo-oloi hamu hatiha i; astuanna, tunduk tu angka parkuaso ni harajaan na di awang-awang i do hamu, i ma tondi na laing mangela-ela roha ni angka halak na so ra tunduk tu Debata saonnari.

EPESUS 5:6

Ulang jabat tarpaoto-oto hamu dibaen angka pangkataion na rumar. Angke angka pangalaho na songon on ma mambaen muruk Debata tu angka halak na so ra mangoloi Ia.

PILIPPI 2:12

Hara ni i hamu angka dongan na nihaholongan, songon pangoloimunu tu au dompak di tonga-tongamunu au, saonnari pe haru dung padao-dao, angkon mur olo ma hamu nian tu au. Usahohon hamu ma tongtong anso mur sanggam haluaanmunu i. Mardongan biar dohot hitir ma baen hamu sudena i,

KOLOSSE 3:6

Angka pangalaho na songon i ma na pasunggul-sunggul rimas ni Debata maradopkon angka halak na so mangoloi Ia.

TITUS 1:16

Pandok ni halahi, ditanda halahi do Debata, hape anggo sian parange ni halahi nada tarida na songon i. Jahat do roha ni halahi jana nada marpangoloion. Sada pe nada adong tarpatupa halahi na denggan.

TITUS 3:3

Angke hita pe oto do najolo, nada mangoloi jana nada tigor. Dirajai angka hagiot dohot por ni roha na marragam rupa do hita. Na mangolu di angka hajahatan dohot gutgut dohot na marsihosoman hian do hita.

IBRANI 3:12

Hamu angka dongan, manat ma hamu anso ulang jabat adong sian hamu sahalak pe na songon i jahatna jana na so porsaya tu Jesus, gabe marbalik mangkudukkon Debata na mangolu i!

IBRANI 3:18

Ise dehe na nidok ni Debata di na nisumpahonNia, “Na so tola halahi masuk tu inganan paradianan na giot lehenonKu di halahi?” Nada he laing angka halak na mangalo i do tu Debata?

IBRANI 4:6

Jadi halahi na parjolo umbege barita taringot tu Jamita Na Denggan i nada dilehen inganan paradianan hara ni na so porsaya halahi. Antong madung torang sian i, adong dope angka halak na asing na nipatola manjagit inganan paradianan i sian Debata.

IBRANI 6:11

Giotnami nian sugari laing ringgas ma hamu, lopus dijagit hamu na niarop ni rohamunu i.

JOSUA 7:3

mulak ma halahi jana paboahon tu si Josua. Didok halahi ma, “Nada pola porlu hita sude kehe mamorangi Ai. Tar dua tu tolu ribu halak pe disuru. Ulang pola sude parangan i disuru tusi laho marporang, harana menek sajo do kota i.”

2 PETRUS 2:6

Laing songon i muse do pangalaho ni Luat Sodom dohot Gomora. Hona uhum do luat i dibaen Debata jana ditutung dohot api anso gabe tiruan tu angka na giot masa maradopkon angka jolma na so ra mangkaporsayai Debata.