Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




IBRANI 3:8 - BIBEL JAMITA NA DENGGAN

8 ulang pajogal hamu rohamunu songon tangkang ni ompungmunu i, di na mangalo halahi tu Debata, jana diuji halahi Debata di parhorsihan i.

အခန်းကိုကြည့်ပါ။ ကော်ပီ




IBRANI 3:8
28 ပူးပေါင်းရင်းမြစ်များ  

Hape nada ditangihon Israel dohot Juda; na tangkang do halahi laing songon ompu ni halahi i na so porsaya tu Tuhan, Debata ni halahi.


Ulang pajogal roha hamu songon halahi i, tapi burju hamu mangoloi Tuhan. Ro ma hamu tu Jerusalem, tu Bagas Ni Debata na nihapunjungkon ni Tuhan Debatamunu diSia sandiri salolot-lolotna. Beta ma hita maribadat tuSia anso laing mombun ma da murukNia maradopkon hamu.


Dipaksa Raja Nebukadnesar ma si Zedekia marsumpa mangasahon Debata paboa na setia noma ia. Tapi di pudi, mangalo ma si Zedekia tu si Nebukadnesar. Sian angka dosania i pe nada ra muba si Zedekia. Jogal do rohania maradopkon Tuhan, Debata ni Israel jana nada ra ia mulak tu Tuhan.


Hape siginjang roha do ompunami boti na jogal roha, angka parentaMu nada ra halahi mangoloisa.


Sun do daulat ni Debata dohot kuasoNa; ise ma he na tahan mangalosa?


Dirajai hagiotna halahi di padang halongonan, lopus diuji halahi di inganan i, Ho sandiri ale Debata.


Sangajo do halahi manguji Debata, di na mangido sipanganon por ni rohana.


Hape mangalo ma bangsoNa i jana diuji ma Debata Na Gumincat i, angka parentaNa nada be dioloi halahi.


“Ulang hamu tangkang songon ompumunu i, dompak di Meriba halahi, di parhorsihan Masa.


Digoari ma inganan i Masa, angke di inganan i ma diuji halak Israel Tuhan, di na nisapaan ni halahi, “Rap dope ulaning Tuhan, dohot hita sanga nada?” Laing margoar do inganan i Meriba, angke di inganan i ma marungut-ungut halahi.


Dung diida raja i na dung marmatean sude tohuk i, dipajogal ia ma rohania mangulahi. Jana songon na nidok ni Tuhan, nada ra raja i manangihon si Musa dohot si Harun.


Tongtong ma pasangap Tuhan, gabe martua ma ho. Muda dialo ho Ia, dapot mara ma ho.


Sanga ise na manangkang muda dipaingot, di sada hatiha gabe maropuk jana nada be tarpauli.


Hape nada adong na manangihon sanga na mamparrohahon. Mur jumogal do rohamunu jana mur jumahat sian ompumunu.”


Tapi dung ginjang rohania, jogal rohana jana jingar, didabuhon do ia sian harajaannia jabat mago dohot hagodangannia.


Didok Tuhan ma tu si Musa, “Sadia honok nari aloon ni bangso on Au? Sadia honok nari tangkang halahi nada ra porsaya di Au, haru pe na dung bahat Hubaen hahomangan di tonga-tonga ni halahi?


Harana, ma jogal roha ni halak on, ma gabe maingol pinggol ni halahi, dipapitpit halahi muse do mata ni halahi. Tarjadi pe i anso unang marnida do mata ni halahi, jana anso ulang marbinege pinggol ni halahi, jana anso ulang mangastui roha ni halahi, anso ulang ro halahi tu Au, jana gabe pamalumonKu ma halahi.’ ”


Tapi adong do deba sian halahi sijogal roha na so ra porsaya. Dijolo ni halak na bahat i diincahi halahi ma pangajaran taringot tu na giot paluaon ni Debata sude jolma markite-hite Jesus. Jadi gabe ditadingkon si Paulus ma halahi, kehe ma ia rap dohot angka sisean ni Jesus tu sikola Tiranus. Disi ma ia ganop ari marsipatangkasan dohot halak.


Si Musa i ma na manguluhon halak Israel haruar sian Mesir jana na mambaen angka hahomangan dohot angka na so jungada masa di Mesir, di Laut Na Rara dohot di parhorsihan i opat pulu taon honokna.


Ulang ma tauji Tuhan songon na nibaen ni halahi narobi, gabe marmatean halahi diturbingi ulok na marbisa.


Ulang uji hamu Tuhan Debatamunu i songon na dung dibaen ho di Masa.


Aha he gunana jogal rohamunu songon raja bope halak Mesir najolo? Ulang hamu lupa di na niparloja ni Debata halahi, lopus muba roha ni halahi gabe dipaloas halahi halak Israel i morot sian Mesir.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ