IBRANI 3:5 - BIBEL JAMITA NA DENGGAN5 Si Musa pe nian burju do ia songon pangoloi di tonga-tonga ni bagas ni Debata jana dipaboa ia do angka na giot ro. အခန်းကိုကြည့်ပါ။ |
Jadi ditontuhon halahi ma sada ari parsuoan ni halahi dohot si Paulus. Bahat do halak marroan tu inganan ni si Paulus di ari i. Sian manyogot lalu tu potang dipajojor jana dijamitahon si Paulus ma tu halahi barita taringot tu Harajaan Ni Debata. Didokkoni si Paulus ma angka ayat sian Buku Ni si Musa bope Buku Ni angka Panurirang anso dihaporsayai halahi nian Jesus.
Anggo angka karejo na nibaen ni halahi hara ni hamalimon ni halahi i, satutuna tarsongon sada tudosan dohot gambaran ni na di banua ginjang do i. Ma pola dipaboa Debata i najolo tu si Musa, di na laho pajongjongkon bandar i si Musa. Didok Debata do songon on tu si Musa, “Ingot ma! Angkon baenonmu do sudena i mangihutkon tiruan na nipatuduhon tu ho di ginjang ni dolok i.”
lopus sidung diingani halahi luat na di Hasundutan ni Batang aek Jordan on na dung dilehen Tuhan Debatamunu di halahi. Dung tumbuk di roha ni Tuhan paloaskon sude bangso Israel mangolu marsonang-sonang, baru ma anso tola mulak angka parporangmunu i mangulahi tu tanomunu sandiri di sabola Habincaran ni Jordan on, i ma na nilehen ni si Musa naposo ni Tuhan i tu hamu.”
Hombar tu na nipaboa ni si Musa naposo ni Tuhan tu halak Israel i do dibaen ia langgatan i. Angke tarsurat do di buku ni si Musa songon on, “Sada langgatan na nipajongjong dohot angka batu na so jungada dibola dohot parkokas na sian bosi.” Di ginjang ni langgatan i ma angka halak Israel manghaulkon tu Tuhan, haul situtungon jana songon i muse haul haluaan.
Marjongjongan ma paadop-adop angka halak Israel, diholang-holangi Poti Parjanjian ni Tuhan dohot angka pamimpin, angka panglima, angka hakim dohot angka halak sileban na maringanan di tonga-tonga ni halahi, mangadop be tu angka Malim Levi na mamorsan Poti Parjanjian i. Satonga ma sian halahi mangadop tu Dolok Gerisim jana satonga nari mangadop tu Dolok Ebal. Madung diparentahon si Musa naposo ni Tuhan i hian do anso baenon ni halahi songon i muda dung dapot hatihana jagiton ni halahi pasupasu na nijanjihon ni Tuhan.