IBRANI 3:19 - BIBEL JAMITA NA DENGGAN

¹⁹ Saonnari madung taboto, na so dilehen di halahi inganan paradianan i, hara ni na so porsaya halahi tu Debata!

IBRANI 3:19 ပူးပေါင်းရင်းမြစ်များ

MASMUR 106:24

Gabe ditulak halahi do tano na jeges hara ni na so porsaya di janjiMu, ale Debata.

MARKUS 16:16

Malua ma angka na porsaya jana na nididi. Tapi anggo halak na so ra porsaya hona uhum do.

JOHANNES 3:18

“Sanga ise na porsaya tuSia nada be uhuman ni Debata di adopan ni paruhuman. Tapi anggo na so porsaya madung ditoru ni uhuman ni Debata, hara ni na so porsaya ia tu Anak Ni Debata Na Sasada i.

JOHANNES 3:36

Sanga ise na porsaya tu Anak i, halahi do na maruli ngolu na manongtong. Tapi anggo halak na so ra porsaya tu Anak i indangkon na dapot ni halahi ngolu na manongtong i, jana hamumuruk ni Debata do tongtong adop halahi.

SURAT NI SI PAULUS TU PARLAGUTAN ROM 11:23

Jana taringot tu halak Jahudi pe, sugari mantak halahi na so ra porsaya i, dilohotkon do halahi muse, angke tuk do gogo ni Debata mangalohotkon halahi mangulahi.

PANGARATAION 1:32

Tapi haru pe na dung hudok songon i, laing na so ra do hamu porsaya tu Tuhan Debatamunu,

2 TESSALONIKA 2:12

Jadi gabe hona uhum ma sudena halak na mangkagioti dosa dohot na so porsaya tu na tutu i.

IBRANI 3:12

Hamu angka dongan, manat ma hamu anso ulang jabat adong sian hamu sahalak pe na songon i jahatna jana na so porsaya tu Jesus, gabe marbalik mangkudukkon Debata na mangolu i!

1 JOHANNES 5:10

Hara ni i, sanga ise halak na porsaya tu Anak Ni Debata, madung dijagit Ia hasaksian on di bagasan dirinia; tapi anggo halak na so porsaya tu Debata, madung dibaen Ia Debata gabe songon pargabus, angke nada porsaya ia tu na nipatangkas ni Debata taringot tu AnakNia i.

JUDAS 1:5

Madung diboto hamu i sudena. Tapi haru songon i pe laing hupaingot ma hamu taringot tu dalan na nibaen ni Tuhan laho paluahon bangso Israel sian tano Mesir, tapi dung salpu i, diragehon Ia do sanga ise angka na so porsaya sian halahi.