IBRANI 3:17 - BIBEL JAMITA NA DENGGAN

¹⁷ Jana ise dehe na nimuruhan pola opat pulu taon honokna? Nada he angka na mardosa na marmatean di parhorsihan i lakna?

IBRANI 3:17 ပူးပေါင်းရင်းမြစ်များ

MASMUR 95:10

Opat pulu taon honokna magigi Au paida-ida halahi, ningKu: Tutu ma antong bangso na so haposan halak on! Nada diampirkon halahi angka na Huparentahon.

JEREMIA 9:22

Marampar angka bangke niida songon rompak di tano parragena; songon bona ni gandum na tading jana na so dipalagut be. I ma tona ni Tuhan na angkon baritahononku.”

BILANGAN 14:22

bahaso sian sude halak on, umpe adong na torus mangolu laho masuk tu tano na Hujanjihon tu ompu ni halahi. Angke nada ra halahi mangoloi Au, tongtong do diuji halahi Au. Haru pe na dung diida halahi sinondang ni ingananKu na mambaen siloan halahi, jana madung diida halahi muse angka hahomangan na Hubaen di Mesir dohot di parhorsihan.

BILANGAN 14:28

Dohononmu ma mangalusi halahi songon on: didok Tuhan i, ‘Marsumpa ma Au hara ni hadirionKu, angkon baenonKu tu hamu mangihutkon pangidoanmunu sandiri. Au do Tuhan mandok.

BILANGAN 14:29

Angkon mate hamu, jana bangkemunu marserak di parhorsihan i. Madung sai marungut-ungut hamu mangalo Au. Hara ni i ma, asing sian si Kaleb dohot si Josua, umpe sahalak sian hamu na marumur di ginjang ni dua pulu taon tarbaen masuk tu luat na dung Hujanjihon tu hamu.

JUDAS 1:5

Madung diboto hamu i sudena. Tapi haru songon i pe laing hupaingot ma hamu taringot tu dalan na nibaen ni Tuhan laho paluahon bangso Israel sian tano Mesir, tapi dung salpu i, diragehon Ia do sanga ise angka na so porsaya sian halahi.