IBRANI 3:12 - BIBEL JAMITA NA DENGGAN

¹² Hamu angka dongan, manat ma hamu anso ulang jabat adong sian hamu sahalak pe na songon i jahatna jana na so porsaya tu Jesus, gabe marbalik mangkudukkon Debata na mangolu i!

IBRANI 3:12 ပူးပေါင်းရင်းမြစ်များ

PAMUNGKAAN 8:21

Moga ma Tuhan dibaen uap na huskus sian haul somba-somba i, jana didok Tuhan ma di bagasan rohaNia, “Nanggo buraanKu be portibi on hara ni pangalaho ni jolma; Huboto, sian haposoon ni jolma i do jahat pikiranna. Nada uhumanKu be sude jolma na mangolu, songon na baru Hubaen i.

JOB 21:14

Hape nian didok halahi do tu Debata, ‘Padao ma sian hami, kehe ma Ho da! Nada pardulinami jana nada ra hami mangastui, sanga aha na di rohaMi bope hagiotMu salaho tu ngolunami.’

JOB 22:17

Halahi ma da na puluk manulak Debata, jana na mangetong di bagasan rohana na so tarbaen Ia tu halahi sanga na aha.

MASMUR 18:21

Madung hupatulus parenta ni Tuhan, jana nada jungada marbalik au sian Debatangku.

PODA 1:32

Mate ma halak na so marpangalaman patunda ni na so ra manjagit au, jana magete ma halak na oto hara ni na so ra mangalehen rohana tu au.

JESAYA 59:13

Madung mardosa hami jana mangalo maradopkon Ho, jana nada ra mangihutkon Ho. Madung hami parkanciti halak na asing jana marbalik hami sian Ho. Nada tutu be pikirannami, jana hatanami pe gabus noma.

JEREMIA 11:8

jana Husuru halahi mangoloi parjanjianKi, hape nada ra halahi manangihon jana nada marpangoloion. Hara ni i, sandok uhuman na adong di bagasan parjanjian i madung Hutimpalkon tu halahi.”

JEREMIA 16:12

Hape jumahat dope na nibaenmunu. Na jogal do rohamunu jana rohamunu na jahat i do diparrohahon hamu. Nada ra hamu mangoloi Au.

JEREMIA 17:5

Didok Tuhan do, “Muda ditadingkon halak Au, Tuhanna, jana marpos ni roha tu jolma jana marpangunsandean tu hagogoonna, jadi gabe uhumonKu ma ia.

JEREMIA 17:9

Nada tardodo anggo roha ni jolma umbisuk do i sian sasudena jana sun antong jahatna.

JEREMIA 18:12

Tapi alusan ni halahi ma, ‘Aha guna ni i? Aha sundatna muda giot sai tongtong hami ihutkon hagiotnami na jahat i?’ ”

JEREMIA 2:13

Harana madung dua noli bangsongKu mambaen na jat: Ditadingkon halahi do Au, aek hangoluan, jana dihuar halahi tobat na lilis na so bisa manahan aek.”

JEREMIA 3:17

Goaron ma Jerusalem di hatiha i ‘Habangsa ni Tuhan’, jana marlagut ma di kota on sandok bangso laho manyomba Au. Nada be ihutkonon ni halahi giot-giot ni roha ni halahi na oto bope na jat i.

JEREMIA 7:24

Hape nada ra halahi manangihon dohot mamparrohahonsa. Tubu-tubu ni roha ni halahi na pir boti na jat i sandiri do dipaihut-ihut halahi. Indada mur dumenggan halahi tapi mur tu jahatna noma.

JEHESKIEL 14:5

Sude gana-ganaan i padaohon bangsongKi do sian Au, tapi marhite alus i sai anggiat ma nian mulak bangsongKi tu Au.’

HOSEA 1:2

Hatiha mulai Tuhan manghatai marhite si Hosea, didok Ia ma tu si Hosea, “Kehe ma ho, buat ma sada halak siboru jalang baen dadaborumu, jana anakkon ma angka anak gampang, angke madung ramun kota on marhite na manundalkon Tuhan.”

MATEUS 16:16

Mangalusi ma si Simon Petrus, “Ho ma ibana Kristus, Anak Ni Debata Na Mangolu i.”

MATEUS 24:4

Dialusi Jesus ma, “Angkon manat do hamu. Ulang jabat dipaoto-oto halak hamu.

MARKUS 13:23

Antong jonggor ma hamu! Madung Hupaboa hian sudena i tu hamu dompak so tulus dope.”

MARKUS 13:33

Jadi angkon jonggor do hamu tongtong, angke nada diboto hamu sanga andigan hatihana.

MARKUS 13:9

Angkon jamot do hamu, angke tangkupon do hamu, obanon tu rapot ugamo. Dibalbali halahi ma hamu di angka bagas paribadatan. Obanon ma hamu mangadop tu jolo ni angka parkuaso dohot raja-raja hara ni Au. Anso gabe hasaksian ma i taringot tu goarKu di halahi sude.

LUKAS 21:8

Didok Jesus ma, “Jago ma hamu anso ulang tarpaoto-oto hamu. Angke bahat do halak na giot marroan mamake goarKu. Dokkonon ni halahi ma, ‘Au ma da Ia!’ dohot ‘Madung dapot hatihana.’ Ulang ihutkon hamu halahi.

SURAT NI SI PAULUS TU PARLAGUTAN ROM 11:21

Dibaen muda nada di haholongi Debata angka dangka na humani i, Ia pe nada mangkaholongi ho!

1 KORINTUS 10:12

Sanga ise na mangetong dirina togu jongjong, dijagohon ia ma anso ulang sanga tinggang ia.

KOLOSSE 2:8

Manat ma hamu, ulang jabat adong na manarik hamu markite-hite angka hapistaran ni jolma na so marguna, tapi hum na palilu-liluhon sajo. Nada sian Kristus angka hapistaran na songon i, tapi sian angka panurirangon ni jolma sajo do i dohot sian panarik ni angka tondi ni pangarajai ni portibi on.

1 TESSALONIKA 1:9

Halahi sandiri do mamaritahon sanga na bia panjagitmunu di hami dompak na ro i hami manopot hamu. Dicaritohon halahi do sanga na bia panadingkonmunu di angka gana-ganaanmunu dohot haroromunu mandapotkon Debata na mangolu jana na tutu i laho marsomba tuSia.

IBRANI 10:31

Na jorbut situtu do muda madabu hita tu tangan ni Debata Na Mangolu i!

IBRANI 10:38

Jana halakKu na tigor roha i, mangolu do hara ni haporsayaanna, tapi muda adong sian halahi na sumurut, nada jop be rohangKu mida i.”

IBRANI 12:15

Jagohon hamu ma anso ulang adong sanga ise na morot sian asi ni roha ni Debata; anso ulang adong na gabe duri dohot sihupi di tonga-tongamunu na parohon hasusaan jana na mambaen sego halak na bahat.

IBRANI 12:22

Tapi anggo hamu, Dolok Sion noma na niadopanmunu bope Kota Ni Debata na mangolu, i ma Jerusalem na di banua ginjang dohot surusuruanNa na marribu-ribu.

IBRANI 12:25

Antong, jago ma hamu anso ulang jabat layas rohamunu tuSia na mandok hata i. Salangkan halahi na so manangihon na palalu hata ni Debata di portibi on nada tarbaen marlojong, mur ma hita on na umbege hata na nidokNia sian banua ginjang. Muda nada ra hita manangihonsa, bia dope pambaenna malua hita sian Ia!

IBRANI 3:1

Hara ni i ale angka dongan na badia, na dohot taruli di pio-pio na sian banua ginjang, ligi hamu ma rasul dohot Malim Godang na taoku i, i ma Kristus Jesus.

IBRANI 3:10

I do umbaen na goyak rohangKu mida halahi jana Hudok ma, ‘Na tongtong do halahi lilu, jana losok mangoloi angka parenta na Hudok.’

IBRANI 3:19

Saonnari madung taboto, na so dilehen di halahi inganan paradianan i, hara ni na so porsaya halahi tu Debata!

IBRANI 9:14

mur ma mudar ni Kristus! Markite-hite Tondi na manongtong, dihaulkon Kristus do diriNia sandiri tu Debata gabe haul na sanggam. Dipaias mudarNia i do taroktokta sian angka karejo na so marguna, anso tarbaen hita dohot mangoloi karejo na so marguna, anso tarbaen hita dohot mangoloi Debata na mangolu i.