IBRANI 2:5 - BIBEL JAMITA NA DENGGAN

⁵ Anggo angka surusuruan nada dohot manjagit kuaso ni Debata, giot mamarenta di portibi na imbaru na giot ro i, i ma portibi na tahatai on saonnari.

IBRANI 2:5 ပူးပေါင်းရင်းမြစ်များ

MATEUS 24:14

Dung i muse, Jamita Na Denggan taringot tu Harajaan Ni Debata, dijamitahon ma i tu portibi on sude, anso sude halak umbegesa. Dung i pe anso ro ari na parpudi.”

IBRANI 13:14

Nada adong inganan na hot di hita anggo di tano on; inganan tu hatiha na giot ro do na tajalahi.

IBRANI 6:5

Sian pangalaman ni halahi pe diboto halahi do na denggan do hata ni Debata i, jana madung dihilala halahi angka tanda ni kuaso na giot ro i.

2 PETRUS 3:13

Tapi na painte-intehon na nijanjihon ni Debata do hita, i ma langit na imbaru dohot tano na imbaru. Disi ma dapot na tigor salolot-lolotna.

HALUMBAAN 11:15

Dung i diombus surusuruan papituhon i ma sarunenia, gabe adong ma sora na gogo situtu di banua ginjang na marsurahi mandok, “Anggo kuaso laho mamarenta portibi on saonnari madung di bagasan tangan ni Tuhanta dohot Kristus na nijanjihon i. Mamarenta noma Ia salolot-lolotna!”