IBRANI 2:4 - BIBEL JAMITA NA DENGGAN

⁴ Tamba ni i, dohot do Debata pagomoskon hasaksian ni angka halahi di na nibaenNia ragam-ragam ni hahomangan bope angka pangalaho na luar biasa bope dohot na mambagi-bagihon angka hamaloan hapunjungan na sian Tondi Parbadia marguru tu hagiot ni Debata sandiri.

IBRANI 2:4 ပူးပေါင်းရင်းမြစ်များ

DANIEL 4:35

Nada adong astuan ni bangso na di portibi on. Dirajai Debata do surusuruan na di banua ginjang dohot jolma na di tano on. Sahalak pe nada adong tarbaen mangalo hagiotNia, nada adong na puluk manyapai sanga aha na nibaenNia.

MARKUS 16:20

Dung i kehe ma angka siseanNia i pararatkon barita na sian Debata i. Tuhan i pe dohot do markarejo rap dohot halahi laho mangurupi parjamitaon ni halahi. Laing dipatupa Tuhan i muse ma angka tanda ni kuaso dohot angka hahomangan sanga na di dia dibaritahon halahi jamita na sian Debata i.] [

MARKUS 6:14

Lalu do angka barita na songon i tu Raja Herodes. Harana ma tarbonggal do goar ni Jesus sanga na di dia. Adong halak na mandok, “Madung mulak mangolu si Johannes Pandidi sian na mate. I do umbaen na margogo Ia mambaen angka tanda hahomangan i.”

JOHANNES 15:26

Jadi ro ma Pangurupi na sian Ama i, na giot suruonKu tu hamu, i ma Tondi ni hasintongan na ro sian Ama i. Ia do na manyaksihon taringot tu Au.

JOHANNES 4:48

Didok Jesus ma tu pagawe ni bagas godang i, “Anggo so jolo diida hamu angka na luar biasa dohot angka hahomangan, laing na so ra do hamu porsaya.”

BAENON NI ANGKA RASUL 14:3

Jadi gabe honok do si Paulus dohot si Barnabas tinggal disi. Jana di bagasan habaranion dihatahon halahi do taringot tu Tuhan i. Dipatanda Tuhan i muse do antong na tutu jamita ni halahi taringot tu holong ni rohana i; dilehen Ia do gogo tu halahi laho mambaen tanda hahomangan dohot angka pangalaho na so jungada masa.

BAENON NI ANGKA RASUL 4:10

antong botoon ni hamu sude ma, dohot sude bangso Israel, bahaso di bagasan goar ni Jesus Kristus, halak Nasaret i do bayo on torkis di adopanmunu. Madung diparsilangkon hamu Jesus i, tapi hape madung dipangolu Debata Ia sian halak na mate.

BAENON NI ANGKA RASUL 5:32

Hami ma saksi ni i sude – hami dohot Tondi Parbadia na nilehen ni Debata tu angka na mangoloi parentaNia.”

EPESUS 1:5

madung ditontuhon Ia humani do na giot baenonNia hita gabe dakdanakNia sandiri markite-hite Jesus Kristus. Jana songon i hian ma na giot baenonNia.

EPESUS 1:9

Sian rohaNia sandiri dipaboa Debata do tu hita rahasia ni sangkapNia. I ma sangkap na dung nitontuhonNia humani sian mulana, angkon markite-hite Kristus do i pasidungonNia.

EPESUS 4:7

Dilehen do tu hita be pasupasu marguru tu pangalehen ni Kristus i.

IBRANI 6:4

Nabaruon madung maringanan halahi di sinondang na sian Debata, jana madung didai halahi hatonggian ni angka pasupasu na sian banua ginjang. Halahi pe madung manjagit Tondi Parbadia.