IBRANI 13:8 - BIBEL JAMITA NA DENGGAN

⁸ Tongtong do sarupa anggo Jesus Kristus, najolo, saonnari jana ro di salolot-lolotna.

IBRANI 13:8 ပူးပေါင်းရင်းမြစ်များ

PAMUNGKAAN 21:33

Jadi disuan si Abraham ma sada hayu tamariska jana disomba ia ma Tuhan Debata na manongtong i.

MASMUR 103:17

Tapi laing holong do roha ni Tuhan mida na sai porsaya, marsundut-sundut do mardalan hadenggananNa,

MASMUR 90:2

taran so dijadihon Ho dope angka dolok, jana dompak so ditompa Ho dope tano on dohot portibi on. Ho do Debata na manongtong, na so marmula na so marujung.

MASMUR 90:4

Anggo di Ho saribu taon, dos do i songon ari natuari, songon panjago di hatiha borngin.

HARURUAR 3:14

Didok Debata ma tu si Musa, “Au do Au Na Adong. I ma dohononmu tu halahi, ‘Na nigoaran i Au Na Adong i do na marsuru au manopot hamu.’

JESAYA 41:4

Ise do na mambaen dohot mangkarejohon i sudena? Au Tuhan, na parjolo, na sian parmulaan mamio bangkit angka pomparan, jana tu na giot ro Au tongtong rap dohot halahi.

JESAYA 44:6

On ma na nidok ni Tuhan, Raja dohot Partobus ni Israel, Tuhan Na Markuaso, “Au do na parjolo jana Au do na parpudi, asing sian Au nada adong be debata na asing.

MALEAKI 3:6

“Au do Tuhan, jana nada muba-uba Au. Jana hamu ale pinompar ni si Jakob, nada pusa hamu.

2 KORINTUS 1:19

Harana anggo Jesus Kristus, Anak Ni Debata na nijamitahon ni si Silvanus, si Timoteus dohot au sandiri tu hamu nada halak na “Olo” sanga “Inda”. Hum alus na “Olo” sajo do diSia.

2 KORINTUS 1:20

Angke markite-hite Ia madung didok Debata, “Olo” taringot tu sude na dung nijanjihonNia. Hara ni i ma umbaen na tardok hita, “Amen” tu Debata hara ni Jesus Kristus. Anso nipasangap ma Debata.

IBRANI 1:12

LompitonMu ma hasiangan on songon pangalompit ni pakean, jana gontionMu ma i dohot na asing. Hape anggo Ho laing songon i do tongtong, jana umurMu pe nada marujung.”

JAKOBUS 1:17

Ganop silehen-lehen na denggan jana na sanggam sian banua ginjang i do ro; na nipaijur ni Debata na manompa sasudena na torang di langit i do sudena i. Ia do Debata na so muba-uba, jana nada mandao muse Ia sian hita, gabe adong do tading halinuNa humaliang hita.

JUDAS 1:25

Di Debata na sasada i, Sipalua hita markite-hite Jesus Kristus, Tuhanta i, diSia ma hasangapan, hagodangan, hagogoan dohot kuaso sian mula ni mulana, saonnari ro di salolot ni lolotna! Amen.

HALUMBAAN 1:11

Didok sora i do, “Suratkon ma sanga aha na niidamu jana tongoskon ma buku i tu parlagutan na pitu on: Epesus, Smirna, Pergamus, Tiatira, Sardis, Piladelpia dohot Laodikea.”

HALUMBAAN 1:4

Sian si Johannes tu parlagutan na pitu i, na di tano Asia. Asi ni roha ma di hamu dohot hasonangan sian Ia, na adong saonnari, na dung adong hian, jana na giot ro, dohot sian tondi na pitu i, na di jolo ni habangsaNia,

HALUMBAAN 1:8

“Au do na parjolo dohot na parpudi,” ninna Tuhan Debata, na adong, na dung adong, jana na giot ro, Parkuaso Na Sumurung i.